اسطمبات عبوات طبية من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : باشا إزي الصحة
المهندس منسي : الحمد لله
العميل : أنا اسمي شريف بطار مين معايا
المهندس منسي : المهندس منسي
العميل : المهندس منسي بنفسه إزي حضرتك، أنا جيبت نمرة الواتس بتاعت حضرتك من على النت وحضرتك حاطط إن في عند حضرتك عبوات طبية وكده، وحاجات العبوات الصغيرة دي الـ 100 مللي والـ 125 وعبوات الكريمات وكده
المهندس منسي : آه…
العميل : فعند حضرتك في باب الشعرية هنا، في عينات هنا في باب الشعرية
المهندس منسي : في عينات آه بس مافيش ولا عينة بتاعتنا، إحنا بنعمل للغير، يعني معناها بنصنع للغير، يعني معناها إن إحنا بنصنع الاسطمبة الأول وبناء على الاسطمبة نبدأ ننفذ العبوات اللي حضرتك عايزها بالشكل اللي إنت عايزه
العميل : تمام.. تمام التمام… طيب حضرتك يعني لو كده نعمل اسطمبة لينا بالشكل والمقاس اللي إحنا عايزينه وحضرتك تنفذه
المهندس منسي : إن شاء الله
العميل : طيب على بركة الله، أنا في مرة هعدي على حضرتك يبقى الجو مناسب والدنيا مش زحمة، إنت حضرتك موجود في باب الشعرية
المهندس منسي : الدنيا مش زحمة يبقى هتعدي علينا بعد يوم القيامة كده هي بتتزحم كل يوم عن يوم
العميل : طب حضرتك شوف يعني آجي دلوقتي
المهندس منسي : لأ عادي براحتك أنا بهزر معاك بس
العميل : تمام يا هندسة خلاص هشوف وربنا ييسر الحال
المهندس منسي : ماشي يا باشا
العميل : متشكر لحضرتك فرصة سعيدة جداً
