اسطمبات عبوات من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : الله يخليك يا باشا، حضرتك شفت رقمك على الموقع على النت، عندك العبوات دي كل المتوفر عندك موجود على النت ولا في حاجات تانية
المهندس منسي : كل اللي إحنا عملناه ده سابقة أعمال، يعني إحنا بنصنع للغير، إحنا سبورت للمصانع
العميل : آه يعني معندكش علب فاضية قصدي؟
المهندس منسي : آه إحنا بنعمل للماركات، يعني إنت دلوقتي عايز تعمل عبوتك إنك إنت بتصنعها ما بتعملش لحد تاني، إحنا بقى بنصنعلك 25000 عبوة أقل واجب أو نرسملك العبوة ونعملك أي كمية عليها، إنما مش عندنا عبوات ونقعد نبيعها لأي حد يعني
العميل : آه…
المهندس منسي : زي عبوة مثلاً سباركل مثلاً، ينفع أعمل العبوة وأبيع لسباركل ولده وده وده؟
العميل : لأ آه تمام.. أنا كنت شاري قبل كده من السوق يا باش مهندس تمام
المهندس منسي : آه في ناس بيعمله كده آه
العميل : أنا عايز علب زي علب الظل بتاعت الحريق، ظل العين الأكياس
المهندس منسي : آه ابعتلنا العبوة وإحنا نبص عليها
العميل : إنت عندك واتس آب على النمرة دي؟
المهندس منسي : يستحسن لو العينة تبعتهالي ملموسة
العميل : والله أنا هنزل مصر الأسبوع اللي جاي
المهندس منسي : لما تنزل إن شاء الله
العميل : طب حد معين تقولي عليه بيشتغل في علب يا باش مهندس
المهندس منسي : أنا ما أعرفش غير نفسي
العميل : ماشي يا باشا ألف شكر، مع السلامة
