اسطمبات عبوات 1 لتر من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المهندس منسي الله يخليك
المهندس منسي : أيوه معاك يا باشا اتفضل
العميل : أنا المهندس عصام من شركة هافان في إسكندرية ببرج العرب
المهندس منسي : آه
العميل : الله يخليك أنا حضرتك أخدت النمرة من النت بس أنا بسأل على أكواب 1 لتر، أنا عندي إنتاج بس فيها نسبة مواد حامضية عالية شوية، فمحتاج عبوات 1 لتر ، يعني تكون عبوة مع طبة بلاستيك بتاعتها، في موجود عندكم الله يخليك دي
المهندس منسي : إن شاء الله
العميل : طب إزاي أقدر أشوفها أقدر أجي فين أشوف العبوة، أنا كنت عايز منها حوالي 60 عبوة أبعتها عينات اللي هصدرها إذا توافق عليها إن شاء الله نشتغل عليها إن شاء الله
المهندس منسي : عايز كام عبوة
العميل : أنا محتاج دلوقتي حوالي 50 عبوة، 24 بالأردن ، 24 الولايات المتحدة ياخدوا موافقة عليها إن شاء الله مثلاً شهرين ياخده إن شاء الله ممكن نشتغل، يعني أنا محتاج دلوقتي 50 عبوة عشان أبعت العينات
المهندس منسي : ممكن تتابع معانا خلال أسبوع أو أسبوعين بحيث إن إحنا وإحنا بننتج لأي حد ننزلهملك
العميل : طيب ممكن مواصفات العبوة
المهندس منسي : نعم
العميل : قصدي يعني المواصفات العبوة أشوفها إزاي ممكن آجي عندكم مصانع في برج العرب ولا حاجة آجي أشوف العبوة
المهندس منسي : لا حضرتك تشرفنا وتشوفها
العميل : آه…
المهندس منسي : هبعتهولك دلوقتي العنوان في رسالة تيجي تشرفنا تتفرج عليها
العميل : الله يخليك ألف شكر
المهندس منسي : مع السلامة
العميل : شاكر فضلك مع السلامة
