اسطمبات علب حلاوة طحينية من شركة المهندس منسي
العميل : صباح الخير يا باش مهندس
المهندس منسي : صباح الخير يا فندم
العميل : شركة المهندس منسي للبلاستيك لو سمحت
المهندس منسي : إن شاء الله آه
العميل : طب بقول لسيادتك عايزين نعرف أسعار علب الحلاوة الطحينية اللي هي زنة كيلو وزنة 4 كيلو إذا كان عندكم يعني، ماكنش عندكم دلنا على أي حد؟
المهندس منسي : دي بنصنعها بالطلب
العميل : طيب هي أسعارها إيه عشان أبقى عارف يعني؟
المهندس منسي : سعر الكيلو فوارغ
العميل : معاك والـ 4 كيلو فاضية؟
المهندس منسي : كله.. كله.. الكيلو وهوه فارغ، يعني امسك العبوات وأوزنها وهي فاضية
العميل : آه.. آه بتوزنها يعني، طب وزن العلبة اللي هي الكيلو تتطلع 50 جرام…
المهندس منسي : حضرتك بقى تمسك عبوة فارغة وتوزنها على ميزان جواهرجي وتعرفها
العميل : طب إن حبيت آجي لحضرتك، أنا من سوهاج من طهطا، مش من القاهرة
المهندس منسي : أهلاً بيك
العميل : أهلاً بيك يا باش مهندس، الله يبارك فيك
المهندس منسي : تيجي تنورني في أي وقت
العميل : العنوان برده باب الشعرية برده ولا فين بالضبط؟
المهندس منسي : آه إن شاء الله
العميل : طيب ماشي والمواعيد اللي موجودين فيها عشان أبقى عارف بدل ما آجي من سوهاج ولا حاجة وألاقي المكان مقفول يعني؟
المهندس منسي : مواعيدنا من 11-9 بالليل
العميل : طيب والأجازة الجمعة ولا الحد؟
المهندس منسي : الأجازة الجمعة آه
العميل : ماشي يا باش مهندس.. حضرتك ماشي.. وفي برطمانات طحينة برده وزنة كيلو ونص
المهندس منسي : كله اللي تطلبه نصنعهولك بالطلب
العميل : طيب ماشي يا باش مهندس… ماشي… طب إن شاء الله كده يكون لينا فرصة كده نيجي لحضرتك بإذن الله
المهندس منسي : ماشي
العميل : شكراً يا باش مهندس مع السلامة
