اسطمبات غطاء جراكن من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: شركة المهندس منسي
المهندس منسى: أيوه
العميل: لو سمحت كنت عايزه أستفسر عن الأزايز واحد لتر مستلزمات زراعية هيتعبى فيها مبيد غطا واسع شويه تعمل كام بالتقريب؟
المهندس منسى: ألو….
العميل: بالوزن، طب قولي حضرتك بالتقريب الأوزان تبقى أد إيه؟…،كام؟
المهندس منسى: 175 قرش
العميل: الإزازة 175 قرش، مش سامعة حضرتك الإزازة 175 قرش ولا 175 جرام
المهندس منسى: آه 175 قرش
العميل: لأ هوه الصوت لأ، طب أنا بستفسر من حضرتك هي وزنها أد إيه بالتقريب، هي واحد لتر
المهندس منسى: آه عايزه كمية أد إيه؟
العميل: والله حضرتك اديني أسعار للكميات، ألفين، 3 آلاف، 10 آلاف
المهندس منسى: آه… طب هوه..
العميل: بس الأول أنا هشوف عينة
المهندس منسى: طب حضرتك شرفينا بالزيارة ونشوف الكمية ونشوف الأوزان وبناء عليها هنقولك السعر كام
العميل: يعني حضرتك… بس حضرتك عارف عشان ما أعرفش الاسطمبة عندك ولا إيه، اللي هي غطا جركن مش اللتر اللي حضرتك حاطه على الإيميل، أنا عايزه الفتحة من فوق بتاعت البامب بتاع الإزازة يكون غطا جركن، يعني اسمه إزازة غطا جركن
المهندس منسى: ماشي مافيش مشكلة..
العميل: هي متوافرة عند حضرتك؟
المهندس منسى: آه… الصورة اللي إنتي عايزاها تعالي بيها، أو ابعتي على الإيميل أفضل
العميل: عينة من لتر اللي أنا عايزاه
المهندس منسى: آه…
العميل: طيب بس هوه الأوزان بتتراوح.. والمادة بتاعتها ذات نفسها الخامة بتاعتها العميل: بتكون بتستحمل مبيد صح؟
المهندس منسى: مضبوط آه
العميل: طيب خلاص أنا هصور عينة لحضرتك منها وأبعتها على الإيميل
المهندس منسى: ماشي مع السلامة…،شكراً
