اسطمبات قطع بلاستيك من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: شركة المهندس منسي
المهندس منسى: أيوه
العميل: معاك مهندس أحمد سعد من شركة بتروجيت
المهندس منسى: أهلاً بيك
العميل: بقول لحضرتك إحنا عندنا قطع بلاستيك عايزين نصنعها محتاجه قالب وكده تقدروا تعملوا الشغلانة دي ولا لأ؟
المهندس منسى: آه نقدر إن شاء الله
العميل: ماشي بس هوه الموضوع ده إحنا عندنا ////// الطابلية بتاعت قناة السويس في إسماعيلية
المهندس منسى: عندكم إيه؟
العميل: إحنا في مشروع توسيع قناة السويس في إسماعيلية
المهندس منسى: آه
العميل: عندنا محطة ////// ، محطة ////// دي فيها أجزاء كده عامله زي متكون بتفصل المواد عن بعضها، فدي مالهاش قطع غيار في مصر، فنفكر إن إحنا نصنعها
المهندس منسى: أيوه ألو..
العميل: سامعني
المهندس منسى: أيوه معاك اتفضل
العميل: بقولك في جزء كده شبه الكول ده المادة اللي بتخش فيها عشان تتفصل
المهندس منسى: آه….
العميل: بس فإحنا محتاجين منه كميات كبيرة يعني على الأقل 200 قطعة ولا حاجة
المهندس منسى: 200 قطعة كميات كبيرة؟؟؟
العميل: لا ما هي جزء كبير، الجزء 5 بوصة كده حاجة طوله متر
المهندس منسى: آه….
العميل: مش صغير يعني، بس فأنا معنديش رسمة عندي بس قطعة سليمة، فإنت لو إنت ممكن…
المهندس منسى: مالوش رسمة ها؟
العميل: لا مالوش رسمة، بس عندي قطعة موجودة ليه
المهندس منسى: آه…،يبقى تبعتلي عينة نشتغل عليها نحسبلك التكلفة وبناء عليه نقولك دي تكلفتها كذا
العميل: طب المادة بتاعته مش عارف اسمها بولي إيثران
المهندس منسى: والله أنا أول مرة أسمع عن البولي إيثران ده، في خامات بلاستيك كتير قوي، بولي كربوليت، بولي ////// ، بولي إستر، بولي //////
العميل: بيقولك المادة ده بيعملوا بيها فوم وكده
المهندس منسى: آه استايلين آه
العميل: اسمها بولي إيه؟
المهندس منسى: لما تجيبها بقى نبقى نبص عليها
العميل: طب ما ينفعش تيجي وتشوف…
المهندس منسى: لا مش فاضيين والله، مضغوطين ضغطة وحشة يعني، يعني الشركة عندنا فول كومبليت
العميل: آه….،مع السلامة
المهندس منسى: خلاص براحتك…..،مع السلامة
