اسطمبة الشمع من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: شركة منسي

المهندس منسي:  أيوه

العميل: تمام يا فندم، لو سمحت يا فندم كنت بدور.. إنتوا بتعملوا اسطمبات

المهندس منسي:  آه بنعمل آه

العميل: طيب أنا كان عندي شفت حضرتك يا فندم الشمعة، الشمعة اللي هي موجودة في ألمونيوم

المهندس منسي: آه…

العميل: عايز الجزء اللي هوه بتاع الألومنيوم دوت

المهندس منسي: آه.. آه

العميل: فكنت عايز أعمله

المهندس منسي: هتصنع القطعة دي

العميل: آه

المهندس منسي: ماشي عايز كمية أد إيه؟

العميل: لأ أنا عايز كميات كبيرة ، عايز أعمل دراسة، إني أنا أعمل الاسطمبة عندكم وإن كان متوفرلي المكبس والألومنيوم

المهندس منسي:  مافيش مشكلة ماشي

العميل: فاهم قصدي، يعني أنا عايز المكبس والألومنيوم والاسطمبة

المهندس منسي:  إن شاء الله

العميل: فده متوفر عندكم ولا لأ؟

المهندس منسي:  آه إن شاء الله

العميل: طب يا فندم أنا كنت عايز أبعت لحضرتك الرسمة بتاعتها ولا حاجة ثري دي

المهندس منسي:  ماشي

العميل: علشان لو كده ممكن تسمعنا فيها أسعار

المهندس منسي:  أنا عايز بس أشوف الخامة اللي إنت هتشتغل عليها من الألومنيوم إيه، لأنه في اسطمبة ممكن تنزلها لك مرة واحدة، والخامة نفسها لو هي بتاخد وتدي ممكن نعملها لك مرة واحدة، لو ما بتخدش وتدي تنزل في مرتين ولا 3

العميل: لا هي بتنزل تقريباً مرة واحدة لأنها طرية خالص، زي المياه

المهندس منسي: ما هوه أنا عايز أشوفها بس بعد إذنك

العميل: آه.. عايز تشوفها يعني حد يجيلك بيها صح

المهندس منسي: آه العينة آه

العميل: طب ممكن نيجي لحضرتك بيها ويبقى الاتفاق على كل حاجة، أو نسمع من حضرتك كل حاجة في وقتها، السعر والألمونيوم موجودة ولا لأ والمكبس والكلام ده كله؟

المهندس منسي: مافيش مشكلة

العميل: طيب حضرتك مكانك فين بالضبط يا فندم؟

المهندس منسي: إحنا عندنا حدائق القبة، مدينة نصر، باب الشعرية

العميل: طب إنتم شغالين يا فندم يوم الجمعة؟

المهندس منسي: إحنا أجازتنا الجمعة

العميل: يعني في أي يوم إلا الجمعة

المهندس منسي: إن شاء الله

العميل: طب مواعيد العمل يا فندم معلش

المهندس منسي: من 11-9

العميل: تمام… شكراً يا فندم، شكراً جزيلاً يا فندم، ألف شكر