اغطية مقدمة من شركة المهندس منسي

العميل : السلام عليكم

المهندس منسي : عليكم السلام

العميل : الأستاذ بدي تواصل معكم للأغطية الألمنيوم هل تلاقيها معكم لدينا الجوالين لكن الغطا بدون ألمنيوم

المهندس منسي : أكيد كل أنواع الأغطية بكل مقاساتها بكل أشكالها عندنا، إحنا شركة متخصصة وشركة عالمية مش شركة صغيرة يعني الأغطية

العميل : كم عبوة الكرتون مقاس 4 سم وكم سعره  حسب الصورة

المهندس منسي : هوه احسب حضرتك الكمية اللي إنت عايزها أد إيه وأنا أقول لحضرتك عليها، أما بالنسبة للكرتونة إنت اللي بتحدد، يعني قولي مثلاً عايز ألفين كرتونة، عايز 4000، عايز 5000، مش إحنا اللي بنحدد، إحنا مرنين، شركتنا شركة مرنة، ما بنعملش حاجات فكسد، ما بنعملش حاجات مقفولة، يعني بنقول افرض دلوقتي عندنا أوردر تصدير، بيبقى له كراتينه المتخصصة، ما ينفعش أجيب أوردر تصدير وأقوله لا هي الكراتين بتاعتي كده، لأن كراتين التصدير بتبقى صغيرة في الحجم عشان خاطر ما تتفعصش معايا، واحد قالي لأ أنا عايز في كل كرتونة 5000 عشان أوفر، براحتك، فشوف الكمية اللي حضرتك عايزها وأنا إن شاء الله أرد عليك

العميل : تمام حالياً نريد 4000 حبة لأنه سوف يتم إرسالها إلينا عبر مسافر ممكن نعرف كم قيمة الأربعة ألف حبة حتى نحول المبلغ لزميلي في مصر مع قيمة الجهاز وهو سوف يتواصل معكم على العنوان المرسل منكم

المهندس منسي : كمية 4000 غطا دول مش كمية إنتاجية، إحنا أقل كمية عندنا 25 ألف غطا، أما بالنسبة للأمنيوم فويل اللي بتتلحم على بق العبوة أقل  كمية 10 آلاف غطا

العميل : تمام نطلب 10000 ألمنيوم فويل لأن نحن لدينا جوالين مع الغطاء

المهندس منسي : عشان نعرف الخامة لازم نعرف الخامة بتاع الجالون نفسه أو من خامة بولي إيثيلين زي ما شفتها في الصورة، ومحتاجين نعرف المقاس كمان، ومحتاجين جركن في إيدنا نعمل عليه المعاينة

العميل : الطلب معروف المادة المصنعة منها الجابون والمقاس سوف نأخذ المقاس فتحة الجالون ونرسلها لكم أما الطلب الثالث ممكن توضح لنا ما هو المطلوب