اغطية منوعة للعبوات المختلفة مقدمة من شركة المهندس منسي
العميل : باش مهندس منسي سلام عليكم
المهندس منسي : عليكم السلام
العميل : أنا دهب من شركة صبا للمنظفات وأخذت رقم حضرتك من أستاذ عمرو هستأذنك لو تبعت لي وقت مناسب أكلم حضرتك فيه
المهندس منسي : أهلاً وسهلاً بك
العميل : أهلاً بحضرتك
المهندس منسي : أنا صراحة كنت عايزة أكلم حضرتك بس وقتك مش سامح عامة إحنا شركة وهبعت لحضرتك صور منتجاتنا وكنت هسأل على كذا حاجة لو تقدر تساعدنا فيهم محتاجين غطيان للأزايز وفي عبوة معينة عايزين نشوف لو بتتصنع عندكم
المهندس منسي : ابعت لنا العبوة وشوف الكمية المطلوبة أد إيه
العميل : الغطيان اللي عايزنها شبه اللي في منتج إكس لارج غطا أبيض عادي ودبلته بيضا وميكونش بيتسحب لفوق
المهندس منسي : كنا عايزين نشوف عينة ملموسة حتى لا يختلط الأمر وعايز أعرف الكمية
العميل : محتاجين مبدئياً ألف وبعدها هاخد كميات أكبر والغطا عادي زي غطيان أزايز الدوا
المهندس منسي : هي الكمية أد إيه؟
العميل : بصراحة يا باش مهندس أنا كنت بدور على مكان يقدر يوفر لي العبوة وأجرب تسويق المنتج في السوق والإقبال عليه الأول فلو متوفرة تقولي أقل كمية أد إيه عشان تعملها لي
المهندس منسي : كنت أتمنى أساعدك ولكن للأسف أقل كمية يمكننا تغريدها 25000 عبوة
العميل : يعني العبوة متوفرة؟ طيب سعرها كام؟ والغطيان متوفرة ولا لأ؟
المهندس منسي : إحنا هنصنع اسطمبة العبوة أولاً ثم نقوم بإنتاج العبوات على الاسطمبة عموماً إنت ممكن تدفع ثمن الاسطمبة وهو وتنتج عليها أي كمية
العميل : مفيش إمكانية تحمل سعر الاسطمبة على الأزايز؟ ومعلش سؤال أخير للغطيان متوفرة ولا لأ وبكام؟
المهندس منسي : ممكن نوفرها
العميل : طيب نقدر ناخدهم بكرة أو بعده؟
المهندس منسي : ابعت الأول عينة ملموسة
