اكياس القهوه الالومنيوم مقدمة من شركة المهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	المنسي
المهندس منسي	:	أيوه
العميل	:	أنا بسأل على أكياس القهوة الأكياس الألومنيوم اللي فيها كبسولة
المهندس منسي	:	آه موجودة
العميل	:	طب دي بتتباع مطبوعة ولا مش مطبوعة
المهندس منسي	:	الـ 2 عندنا
العميل	:	طب سعره كام؟ بيتباع بالألف ولا بالكيلو؟
المهندس منسي	:	بتباع بالألف آه، بس لو عايز رولات بنتديهالك بالكيلو
العميل	:	لا مش للدرجة دي، أنا فاتح بن بقالي 33 سنة، بس في موضوع جديد داخل فيه كده عايز أبدأه الأول بكميات بسيطة، فطبعاً كميات بسيطة دي هتبقى صعبة مش كده
المهندس منسي	:	أكيد آه أقل كمية ربع طن
العميل	:	طب سعر الكيلو بتاعه كام أبو كبسولة؟
المهندس منسي	:	لا دي حضرتك لازم تشرفنا بالزيارة وتقعد معاهم وتختار الخامة وتوريهم الديزاين وتقولهم على الكمية وهمه هيقولوا لك السعر وإنت قاعد، أما أنا ممكن أديلك سعر الرول خام قبل ما يطبع وكده
العميل	:	هنقول دلوقتي لو عندك حاجة مطبوعة جاهزة
المهندس منسي	:	لا أنا مش هطبع وأستنى حد ييجي ياخدوا، مافيش حاجة في الدنيا اسمها شغل مطبوع، إزاي يعني
العميل	:	آه فهمتك، تمام… في ناس بتشتغل شغل مطبوع استاندر
المهندس منسي	:	لا ده شغل مضروب، وأنا عملائي ناس محترمين، يعني أنا أقعد أعمله للناس كلها واللي يجي أغير له اسمه، طب ده ينفع؟
العميل	:	لا طبعاً، كده تمام، طب العنوان بقى؟
المهندس منسي	:	إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور
العميل	:	طب أنا في 6 أكتوبر
المهندس منسي	:	هبعت رابط هتلاقي فيه العناوين كلها باللوكيشنس
العميل	:	طب ماشي
المهندس منسي	:	إن شاء الله
العميل	:	جزاك الله كل خير، متشكر جداً يا باش مهندس
المهندس منسي	:	العفو مع السلامة
العميل	:	أنا اسمي وليد صبرة، هبعت لحضرتك حالاً
المهندس منسي	:	أهلاً بيك، ماشي
العميل	:	مع ألف سلامة