اكياس تعبئة الفشار المطبوعة بالروتوجرافيك من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : إزيك يا باش مهندس

المهندس منسي : أهلاً بيك مين معايا

العميل : معاك أحمد من دماط

المهندس منسي : إيه يا باشا إزيك يا عم أحمد

العميل : إزي صحتك الله يخليك، بتصنعوا أكياس الفشار يا باش مهندس؟

المهندس منسي : بس إحنا بنطبع طباعة روتوجرافيك، أعلى أنواع الطباعة في العالم

العميل : يعني الطن بكام

المهندس منسي : ما هو عملية الطن بكام دي بتحدد بناء على الديزاين… إنت اسأل الأول حوليك أنا عايز أطبع روتوجرافيك وشوف الدنيا إيه، افهم الروتوجرافيك الأول وتعالى وهات الديزاين معاك ونوريلك الشغل بتاعنا

العميل : مش اللي إنت بتحكي عليه اللي هوه زي أكياس الشبسي وكده

المهندس منسي : آه… أصل ما بيعملش الشغل دوت غير الشركات الكبيرة قوي

العميل : ما هو أنا عارف

المهندس منسي : الشركات الصغيرة بيعملوا حاجة قريبة منها اسمها فلكسو سنتر جراف، قريبة منها ولكن مش زيها، فعشان كده لما تشوف الكيس تحس إن الشركة دي تقيلة

العميل : طب اللي زي حالتي عشان بادي يا باش مهندس

المهندس منسي : ما هو إحنا ما بنشتغل إلا روتوجرافيك

العميل : اللي هوه أعلى حاجة

المهندس منسي : أعلى حاجة بس، هوه ده اللي بنشتغله

العميل : هي المدينة جابتلي 70 في الطن

المهندس منسي : ما هو بقى قوله إنت هتشتغلي روتوجرافيك ولا فلكسوجرافيك؟

العميل : اللي هوه زي بتاع الشيبسي

المهندس منسي : ما هو زيه، بس يا ابن الحلال افهمني، الروتوجرافيك تحط الـ 2 قصاد بعض تعرف إن الشركة دي شركة محترمة، والشركة دي تحت بير السلم

العميل : مضبوط

المهندس منسي : هي دي الفرق، فإحنا ما بنعملش إلا الشركة المحترمة، إحنا ما بنعملش إلا شغل الروتوجرافيك، قله دلوقتي إنت هتعملي الشغل ده روتوجرافيك ولا فلكسوجرافيك؟

العميل : ماشي.. ماشي

المهندس منسي : قالك روتوجرافيك، قله طب أنا هستلم منك سلندرات

العميل : آه…

المهندس منسي : قله هستلم منك السلندرات، لأنه الفلكسوجرافيك ما بيشتغلش سلندرات، بيشتغل سريلات

العميل : نعم

المهندس منسي : لو قلك هسلمك السلندرات واتفق معاه على كده، يبقى خلاص يبقى كده هيطبعلك روتوجرافيك

العميل : يعني هي فيها لعب برده

المهندس منسي : طبعاً

العميل : والله يا باش مهندس أنا تعبت، مش عارف.. بس أنا والله إنت عارف كان نفسي والله إن أنتم تقلولي الطن بكام ووقت ما ربنا يسهل اجي

المهندس منسي : ولا حاجة هات الديزاين بتاعك وتعالى

العميل : خلاص ماشي

المهندس منسي : هو أنا دلوقتي قلتك لأ، أنا ما قلتلكش لأ

العميل : عارف والله

المهندس منسي : لكن بقولك بفهمك الفرق بس عشان خاطر تبقى عارف الطباعة بتاعتنا شكلها إيه أنا مش مع الناس بتوع الفلكسو لأن أنا ما ينفعش أتحط مع الفلكسو لأن أنا بعمل شغل نظيف

العميل : والله كان عند المهندس أحمد….

المهندس منسي : شركة المهندس منسي دايماً لما بتخش في كاتجري يا تخش صح يا متخشوش من بابه

العميل : طبعاً.. طبعاً  بقول لسيادتك موضوع الفشار وكده يمشي معايا يا باش مهندس؟

المهندس منسي : لا بص أنا مهندس ومصنع، ما أعرفش في التسويق

العميل : لأ أنا…

المهندس منسي : إحنا اللي نسألك هي الحاجات دي حلوة وبتكسب وبتباع حلو، إنما أنا….

العميل : لأ بتباع حلو بس الكيس هوه اللي بيبيع

المهندس منسي : طبعاً بس الله ينور عليك

العميل : ما أنا بقول لسيادتك على كده

المهندس منسي : صلي على النبي، عشان إنت دلوقتي مش بتاع تسويق بتقول الكيس هوه اللي بيبيع، فإنت دلوقتي عملت شوية شغل نظاف وشوية شغل زي الفل ورحت حاططهم في كيس تعبان، ما هو في الآخر مش هيتباع، وتقول البلد بايظة وتجيب همك على البلد، ما إنت اللي عملت منتجك زي النيلة

العميل : ما هو صحيح، هوه أهم شيء خامة الكيس والكرتونة وكده يعني، هوه اللي شغال حالياً

المهندس منسي : يعجبني الجماعة الصينيين في حاجة، إنهم يعملوا أي منتج ويحطوا في كيس ملوش حل في جماله

العميل : فعلاً ده صحيح

المهندس منسي : راخر دول في مصر باسم الله ما شاء الله نيموا المصريين في بيوتهم، راحوا طالعين طالعة طالعة… مافيش ولا واحد فيهم ما اشتغلش

العميل : لا شغالين

المهندس منسي : يا عم ده جايلي واحد مرة جاي على اسمي، يعني جاي هيشتغل في الشركة عندنا

العميل : نعم

المهندس منسي : جالي بعدها بشهر ولا شهرين قالي أنا اشتغلت خلاص، على طول لقطوه السوريين زملاته قالوله تعالى

العميل : ده في سوريا كده يا باش مهندس

المهندس منسي : أصل همه بيهتموا بالمظهر الخارجي جامد قوي قوي، إحنا بقى…

العميل : لأنه هوه بياع

المهندس منسي : إحنا متعودين على العككة

العميل : ما هي دي الكارثة

المهندس منسي : بس فينا ناس كويسة كتير

العميل : طبعاً، طب إنت كلامك مضبوط فعلاً إحنا بنسترخص، عايزين نكسب من الهوا

المهندس منسي : آه… جود منتجك كشكل خارجي جوده قوي، وشوف الدنيا هتبقى عامله إيه

العميل : طيب سيادتك ماشي، ما هو المشكلة عندي هنا مشكلة، طبعاً الأكياس اللي إنت بتقول عليها هتطلع على رول

المهندس منسي : آه

العميل : فالرول لازم عايزلوا ماكينة أتوماتيك

المهندس منسي : لا ولا حاجة ممكن نفصلهولك أكياس ونديهولك أكياس جاهزة

العميل : طيب الماكينة اللي أنا اشترتها بتاعت اللحام اللي هي بالسير

المهندس منسي : تنفع تفصل عليها الأكياس

العميل : تمشي فيها ديت؟

المهندس منسي : آه

العميل : الله يطمنك يا باش مهندس، بس برده قولي الطن بكام يا باش مهندس، أنظف حاجة يعني؟

المهندس منسي : ما هو هقولك الطن بكام في إيه؟ ما هو أنا ما شفتش الديزاين، أقولك أي حاجة في أي حاجة

العميل : لأ

المهندس منسي : لأ ده المقاس، والديزاين، ونوعية الخامة هتيجي تختارها على الأقل هتلاقي 40 خامة قدامك هتختار منهم الخامة، والكمية، الـ 4 حاجات دول يتحطوا قدامنا في ثانية هنروح مطلعنلك الأسعار، وهنطلعلك قائمة أسعار كمان مش سعر واحد، هنطلعلك قائمة أسعار تختار منها

العميل : يعني ما تقدرش تقولي مثلاً خامة….

المهندس منسي : ما هو أنا لو هقدر أقولك صدقني ما كنتش خليتك تقعد تقول كل الكلام ده، كنت قولتلك في ثانية

العميل : عارف والله يا باش مهندس، خلاص إن شاء الله بإذن الله….

المهندس منسي : لازم الأول تحدد الديزاين بتاعك، والمقاسات بتاعتك، وبعدين تيجي تختار الخامة وتقول عايز من دي كمية كذا

العميل : طيب يعني لازم طن ولا على أد حالي مثلاً ممكن ربع طن

المهندس منسي : لأ لغاية ربع طن شغال

العميل : الله يسترك، خلاص كده تمام، حتى أبدأ بربع طن أجرب نفسي برده

المهندس منسي : خلي بالك مش هتلاقي حد يعملك ربع طن في العالم كله، ولا واحد يعملها

العميل : يا أخي والله عارف يا باش مهندس

المهندس منسي : الوحيد اللي حقق المعادلة ديت شركة المهندس منسي

العميل : يا باش مش إنت الباش مهندس اللي أنا قابلتك؟

المهندس منسي : آه

العميل : والله إنت راجل محترم يعني

المهندس منسي : الله يبارك لك يا غالي

العميل : الله يخليك، بس والله حصر سوء تفاهم دي بصراحة أنا آسف عليها والله، والله كان نفسي إنها ما تحصلش

المهندس منسي : تحت أمرك في أي وقت

العميل : أنا هحتفظ برقم الواتس ده وإن شاء الله بإذن الله يا رب…

المهندس منسي : أنا بس بتاع استشارات مش مبيعات

العميل : نعم

المهندس منسي : إنت بقى عايز تتعامل في المبيعات هبعتلك أنا دلوقتي تليفون المبيعات في رسالة

العميل : مش بتاع الباش مهندس أحمد

المهندس منسي : آه هوه ده في المهندس حمادة وفي أ/ زكريا وعم حامد والحاج شوقي والحاج حسين…

العميل : ما هو الباش مهندس أحمد وحمادة كانوا حبايبي بس مش عارف دلوقتي بقى…

المهندس منسي : لا.. لا… ما تشغلش بالك خالص، ما تشغلش بالك

العميل : الله يخليك…الله يبارك لك، وأنا هروحلهم إن شاء الله خلال اليومين دول بإذن الله تعالى

المهندس منسي : لا تيجي تنورنا

العميل : الله يبارك لك يا باشا، الله يبارك لك

المهندس منسي : مع السلامة

العميل : مع سلامة الله