اكياس مطبوعة لتغليف الصابون الصلب من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : إم تو باك للطباعة يا باشا

المهندس منسي : أيوه

العميل : معاك شركة إيفونا للصابون يا فندم

المهندس منسي : أهلاً وسهلاً

العميل : حضرتك كنا عايزين نطبع طباعة روتو غلاف بتاع الصابون الصلب

المهندس منسي : آه

العميل : عايزين نطبع.. إحنا شركة جديدة يعني تحت الإنشاء وبنجهز التشكيل إن شاء الله، فإحنا عايزين نطبع الغلاف بتاع الصابون يعني

المهندس منسي : ماشي

العميل : طب حضرتك يعني إيه المطلوب، ونجيلك وقت إيه؟؟؟ والكلام ده

المهندس منسي : إحنا موجودين من 11-9، كنا عايزين التصميم

العميل : في العبور

المهندس منسي : لأ إحنا عندنا حدائق القبة، مدينة نصر، باب الشعرية، 6 أكتوبر… العبور لسه قدامها فترة بسيطة شويه

العميل : طب ممكن آخد عرض أسعار دلوقتي ولا ما ينفعش؟

المهندس منسي : ما هو عرض أسعار على إيه؟؟؟ أنا لسه ما شفتش التصميم، ولسه ما عرفتش الخامة اللي حضرتك عايزها، ولسه ما عرفتش هتقصها على كام؟؟؟؟ والحاجات دي

العميل : طب صلي على النبي، في حاجة واحدة بس تهمني، أنا عايز آخد الورق ده متقطع

المهندس منسي : مافيش مشكلة

العميل : تمام.. دي أهم حاجة عندي، إن أنا آخد الورق ده متقطع يعني يوم السبت بإذن الله أقدر أجيلك، بتبدأ الشغل من الساعة كام؟

المهندس منسي : الساعة 11 الصبح

العميل : طب العنوان بالضبط

المهندس منسي : هبعتهولك في رسالة

العميل : ماشي الله يخليك يا باش مهندس، الله يصلح حالك

المهندس منسي : أقرب فرع ليك إيه؟

العميل : أنا من بلبيس من الشرقية

المهندس منسي : بعتلك رسالة بـ 3 أرقام باسم شركة المهندس منسي

العميل : يعني هي الأرقام دي المسئولة عن الطباعة يعني

المهندس منسي : لا عادي همه مبيعات

العميل : يعني تقصد حضرتك أحدد معاهم ميعاد الزيارة يعني

المهندس منسي : آه.. آه.. إنت تيجي على طول اتفق معاهم وتوكل على الله

العميل : ماشي يا فندم، الله يبارك فيك يا فندم، شكراً يا فندم

المهندس منسي : مع السلامة