الومنيوم فويل لتعبئة البن من شركة المهندس منسي
العميل: سلام عليكم
المهندس منسي: عليكم السلام
العميل: شركة المهندس منسي
المهندس منسي: أيوه
العميل: لو سمحت كنت عايز أسأل على الألومنيوم فويل اللي عندك
المهندس منسي: عايز الألومنيوم فويل.. آه
العميل: هوه حضرتك اللي بتطبعه ولا ببيع المكنة اللي بتاعته؟
المهندس منسي: بنبيعه، وبنطبعه، وبنبيع مكنة التغليف، واخد بالك، كل حاجة فيه
العميل: آه.. هوه أنا لو عايز حاجة تشيل 200 جرام باودر
المهندس منسي: 200جرام إيه؟
العميل: اللي هوه الكيس الألومنيوم فويل عايزه مثلاً يشيل 200 جرام باودر
المهندس منسي: الباودر نوعيته إيه؟
العميل: بن كده
المهندس منسي: آه.. موجود
العميل: تمام.. طب هوه بالطباعة بكله يعمل كام؟
المهندس منسي: بالـ إيه؟
العميل: الطباعة بتاعت الكيس ده…
المهندس منسي: ده حضرتك تشرفنا بالزيارة وتدينا التصميم بتاعك ونشوف بقى الخامة اللي إنت هتختارها إيه لأن الأسعار كتيرة قوي، لأن في قائمة أسعار، فهتختار الخامة، وتقولنا الطول والعرض والكمية و… و…، هيدولك قائمة أسعار بيها
العميل: آه.. طب إنت حضرتك ما ينفعش تبعتلي مثلاً القائمة دي على الإيميل؟
المهندس منسي: هوه أنا عرفت دلوقتي مقاسك وطول الكيس وعرض الكيس والخامة اللي إنت اختارتها إيه في الكمية هرفتها إيه؟ كل الحاجات دي لازم أعرفها، فدي حضرتك ما ينفعش غير إن حضرتك تيجي تشرفنا بالزيارة تشوفها، هوه أنا مش مخبي عليك سعر، ولكن أكتر من 3 آلاف سعر، أبعتلك 3 آلاف سعر تعيش فيهم؟
العميل: يعني مش للدرجة دي يعني
المهندس منسي: فهنا حضرتك اتعب شوية وتعالى شرفنا بالزيارة واخد بالك، حسسنا بس بالجدية، وهات الحاجة في إيدك، التصميم بتاعك ونبص عليه وهنقولك عدد الألوان أد إيه، وهتختار حضرتك الخامة اللي هتعجبك هنبدأ نقولك ده سعرها كذا، وما تقلقش إحنا شركة كبيرة، ما حدش هيديلك سعر تخمين من دماغه، إحنا شركة عالمية مش شركة مصرية
العميل: آه…
المهندس منسي: مع السلامة
العميل: مع السلامة
