باكت الشاي الفتلة من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل:باش مهندس منسي

المهندس منسي: أيوه

العميل: معاك عمرو طلعت يا فندم … عرفت إن سعادتك مصنع لعمل مواد التغليف مضبوط الكلام ده

المهندس منسي: مضبوط آه

العميل: كنت بسأل على الباكت بتاع الشاي الفتلة تي باج

المهندس منسي: آه

العميل: أنا مش هستخدمه في مكن، هستخدمه بطريقة يدوية

المهندس منسي: آه موجود

العميل: طيب سعر إيه، يعني الباكت بيبقى مقاسات ولا هوه مقاس استنادر ولا إيه؟

المهندس منسي: لا إنت بتاخده رول

العميل: أنا فاهم الرول بيبقى استنادر لا حاجة مقاسات؟

المهندس منسي: مقاسات آه

العميل: طب المقاسات بتبقى كام × كام × كام؟

المهندس منسي: حضرتك اللي بتقولي أنا عايز مقاس كذا

العميل: يعني حضرتك بتصنعلي مخصوص ولا إنت عندك مقاسات موجودة أصلاً؟

المهندس منسي: لا عندي مقاسات موجودة بقصها بالطلب عشان خاطرك

العميل: طب الرول دوت ممكن يكون يبقى فيه كام باكت عشان أقولك أنا عايز أد كذا

المهندس منسي: لا ما أعرفش أنا ببيع بالكيلو

العميل: طب الكيلو بتاعها بيبقى بكام؟

المهندس منسي: في حدود النهاردة 84 جنيه

العميل: أنا بتكلم دلوقتي أقل حاجة آخدها من حضرتك رول صح؟

المهندس منسي: إن شاء الله

العميل: يعني مثلاً حاجة زي ليبتون مقاسها كام × كام × كام عشان بس أنا أقدر…

المهندس منسي: ما عنديش علاقة، حضرتك تيجيبها وتقيسها وتقولي مقاسها كام × كام

العميل: أجيلك باب الشعرية يعني ما ينفعش بالتليفون وإنت تجيبها لي؟ صعب دي؟

المهندس منسي:  لا ولا يهمك العبوة بتاعت حضرتك حضرتك شرفنا بقى الزيارة هاتلنا عينة ملموسة وهتلاقي فريق المبيعات عندنا حضرتك أقعد معاهم وهيدولك كل الفايدة، وبالنسبة للمكن هتلاقيه عندنا، بالنسبة للنص أتوماتيك برده عندنا، بالنسبة للخامات هتلاقيها موجودة

العميل:.. السؤال بقى دلوقتي المقر بتاع حضرتك… في مقر تاني غير باب الشعرية؟

المهندس منسي:  آه إحنا عندنا حدائق القبة، مدينة نصر، باب الشعرية، 6 أكتوبر

العميل: فين في مدينة نصر؟

المهندس منسي:  مكرم عبيد، أنا هبعتلك الداتا بتاعت فرع مدينة نصر….

العميل: طب ابعتلي العنوان وأنا هتصرف

المهندس منسي:  إن شاء الله، مع السلامة

العميل: شكراً