برطمانات الجيل من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: شركة المهندس منسي

المهندس منسى: أيوه

العميل: لو سمحت عايز أعرف بتعمله البرطمانات بتاعت علب الجيل اللي هي الشفافة

المهندس منسى: إن شاء الله

العميل: أنا عايز مبدئياً 10000 عبوة

المهندس منسى: هوه إحنا بنصنع بالطلب لحساب العميل، ولكن عملنا قسم جديد لسه ما شغلناهوش اللي هوه هيبقى إنت عايز شكل معين نعملك عليه

العميل: تمام

المهندس منسى: إنما حالياً إحنا بنشغل لحساب العميل

العميل: لا أنا عايز علب معليهاش استيكر ولا أي حاجة، أنا هستخدنها عندي في  حاجات،إحنا شركة تصنيع معادن أصلاً

المهندس منسى: آه.. آه…

العميل: أنا عايز…

المهندس منسى: عندكم ليزر ولا عندكم إيه؟

العميل: لا أنا عندي سي إن سي اللي شغال بيها اللي هي بتاعت قطع الكهربا وبالغاز وبالكربون

المهندس منسى: سي إن سي إندميل ولا سي إن سي كهربا وغاز

العميل: لا كاتينج دي مختلفة خالص، فأنا الحاجات دي هتبقى عندي أحط فيها حاجات معينة عندي في مشروع أوراسكوم وكده

المهندس منسى: لا تحت الأمر،بتعملوا حاجات خراطة برده ولا…

العميل: لا بنعمل عندنا خراطة طبعاً، وعندنا دفالة، وعندنا تني، في حاجات كتير

المهندس منسى: يعني في عندنا بعض الأجزاء بنحتاج إن إحنا بنصنعها كقطع غيار

العميل: موجودة، في المصنع التاني بتاعنا بيصنع طبنجات صوت، وبيصنع حاجات المكنة اللي هي الدقيقة دي، بيصنع أي اسطمبة شكل معدن بيعملها

المهندس منسى: كويس وعندنا كمان حاجات كتير استراكشن برده بنحتاجها

العميل: أي حاجة تحتاجها إحنا مصنعنا في برج العرب

المهندس منسى: أهلاً بيك،إحنا عندنا مصنع بنعمله عندكم في برج العرب…

العميل: اسمه إيه؟

المهندس منسى: لسه بنبني، تعبينا في رخصة المباني

العميل: طيب عنيا ليك أخلصهالك وإنت قاعد يا عم

المهندس منسى: والله؟؟!!!

العميل: طالبين منك موافقة بيئة، وطالبين منك بيان صلاحية

المهندس منسى: أيوه

العميل: المصنع بتاعك فين؟

المهندس منسى: عارف حضرتك الشرقية للدخان

العميل: عارف الشرقية للدخان

المهندس منسى: قبلها بشارعين

العميل: النشاط بتاعها إيه؟

المهندس منسى: تصنيع ماكينات التعبئة والتغليف

العميل: ما هو ده النشاط اللي مختاره التخصيص صح

المهندس منسى: آه

العميل: إنت ما طلعتش بيئة صح

المهندس منسى: ما طلعتش بيئة لأ

العميل: والمصنع شغال

المهندس منسى: المصنع لسه ما بنتوش

العميل: ما اتبناش لسه خالص

المهندس منسى: آه

العميل: تمام.. دي هنعملك موافقة بيئة تمام

المهندس منسى: آه

العميل: ونعملك نطلبلك بيان صلاحية كويس

المهندس منسى: اتفضل

العميل: ونقدم لك على رخصة المباني

المهندس منسى: آه

العميل: أي حد من عند حضرتك كده يشرفني هناك عندي بس في المصنع وأنا هوصله بحد يخلصله القصة دي كلها

المهندس منسى: أنا في مهندس عندكم هوه قاعد عندكم مسلمه المرمة

العميل: اسمه إيه؟

المهندس منسى: اسمه أسامة عبادة

العميل: ما أعرفوش،  أنا أعرف الجينيس قوي في السوق اللي شغالين في الحاجات دي المهندس والي ده كان نائب رئيس الجهاز قبل ما يبقى عنده مكتب، المهندس فخري العالي، المهندس محمد مصباح، والمهندس مجدي شفيق اللي همه شغالين الحيتان اللي بيقولوا عليهم في الصناعة

المهندس منسى: خلاص أنا هبعت تليفون بعد إذن معاليك أبعت تليفون.. إن شاء الله يبقى في بينا وبين بعض كونتاكت كويس، عموماً في عندي مكن سي إن سي لو إنت احتجت برده

العميل: عندك الصابون بتاعه

المهندس منسى: لأ عندي مكن سي إن سي إندميل، حضرتك اللي عندك كاتينج باي جاز وكاتينج باي بلازمة وكده

العميل: لا تمام

المهندس منسى: اللي عندي الـ سي إن سي إندميل اللي هوه الأدق، بس أنا اللي  عامله، عملت تطوير ليه، يعني عملتها مكنة

العميل: عدلته

المهندس منسى: طورت البدايات بتاعتها وعملتها إن هي تنفع للميتال عشان تفصيلة الشغل اللي هوه أي حد يعرف يشتغل عليها

العميل: شغل ثلاثي الأبعاد نازل جديد على فكرة أمريكا بره شغالين بيه نار يعني

المهندس منسى: آه.. بص يا سيدي هوه أنا لقيت المشكلة عندنا إن إحنا نفتقر إلى الفنيين، ونفتقر إلى المثقفين صناعياً، المتعلمين على مكن.. يعني بالنسبة لهم المكن ده مفاعل نووي مثلاً

العميل: آه

المهندس منسى: اللي بيعرف في برنامج مثلاً آرتيكال ده بيقولك ده حاجة يعني بيضرب شعرتين كده أنا خلاص بقيت عبقري وخلاص ضربت معايا، مع إن في الصين حاجة غريبة تلاقي العيال بيبقى عندهم إعدادي وبيرسموا بالآرتيكال

العميل: أنا عندي مهندس معماري رسام معماري في الشركة هوايته يقعد ينزل برنامج ويحط المومري بتاعه في مرمى الحركة خلاص خلصت

المهندس منسى: فرحت عامل المكنة دي مبسطة قوي وتشتغل ببرنامج الآرتيكال، يعني مش محتاجة بقى برامج باور شيف ولا العذاب ده كله، ولا برنامج الشركة ولا برنامج مش عارف إيه ولا حاجات من دي

العميل: جميل جداً جداً، إنتم في أكتوبر صح

المهندس منسى: عندي حوالي 4 مكنات

العميل: لا ده لازم أجيب المهندس أحمد عندي صاحب المصنع ونجيلك زيارة بإذن الله

المهندس منسى: إن شاء الله أنا اتشرفت بمعرفتك النهاردة

العميل: الله يكرمك يا رب، أسامة قنديل مع حضرتك

المهندس منسى: أهلاً بيك

العميل: أعتبر أخ ليك يعني في برج العرب، أي حاجة في برج العرب ما تقلقش خالص

المهندس منسى: أنا اتشرفت بيك

العميل: أي حاجة تحتاجها في برج العرب مافيش مشكلة إن شاء الله يا باش مهندس بإذن الله

المهندس منسى: حضرتك شوفلي بس العبوات اللي إنت عايزها وأنا أجيبهوملك وآجي لغاية عندك ومش عايزين فلوسهم يا باشا

العميل: لا.. لا… إزاي يعني

المهندس منسى: معرفة خير يعني

العميل: ده أنا إن شاء الله بإذن الله هجيبهملك أنا وأجيبهوملك على أكتوبر أتعرف بيك كمان هناك

المهندس منسى: إن شاء الله تيجي تنورني

العميل: إن شاء الله بإذن الله

المهندس منسى: اسم الكريم إيه؟

العميل: أسامة قنديل

المهندس منسى: ماشي يا باشا

العميل: ماشي يا باش مهندس

المهندس منسى: السلام عليكم

العميل: مع السلامة