برطمانات بلاستيك لتعبئة التوابل من شركة المهندس منسي

 

برطمانات بلاستيك لتعبئة التوابل من شركة المهندس منسيالعميل: مساء الخير

المهندس منسي: مساء الخير يا فندم

العميل: لو سمحت شركة المهندس منسي

المهندس منسي: أيوه

العميل: طب كنت عايز أعرف حضرتك البرطمانات اللي هي البلاستيك ممكن تعبي فيها التوابل

المهندس منسي: آه إحنا بنصنع آه برطمانات التوابل، وبنصنع برطمانات لكل أنواع المنتجات

العميل: بتبين المنتج؟

المهندس منسي: في كل المنتجات، شفاف أو معتم براحتك

العميل: تمام… طب حضرتك ليكم معرض ممكن نوصله في القاهرة

المهندس منسي: آه مصنع، ومعارض، وإدارات…

العميل: طب المعرض فين حضرتك ممكن ناخد فكرة؟

المهندس منسي: إحنا عندنا حدائق القبة، مدينة نصر، باب الشعرية، 6 أكتوبر

العميل: حضرتك دي المعارض ولا مصنع

المهندس منسي: الـ 2

العميل: يعني مثلاً لو في باب الشعرية مكتوب خلف قسم الشرطة بتاع باب الشعرية

المهندس منسي: لا خلف رئاسة حي باب الشعرية، هبعتلك الداتا بتاعته في رسالة حالاً

العميل:  تمام

المهندس منسي: هوه حضرتك شركة ولا لسه واحد بيبدأ

العميل:  لا محل عطارة وحاجات زي كده…

المهندس منسي: لا إحنا نظامنا إن إحنا بنصنع عبوة خاصة بالشركات، يعني إنت لو عايز ألف ولا 500 لا مش عندنا، إحنا بنعمل لشركات، يعني بنعمل تصميم الأول، وبعدين نعمله اسطمبة، نعمله الشكل بتاعه هوه، يعني لما تيجي تشوف شركة مثلاً زي شركة الضحى، ولا شركة زي شركة إيزيس إحنا اللي عملنلوهم الاسطمبات والأشكال، ما ينفعش نعملهم ونعمل للغير

العميل:  آه..

المهندس منسي: إحنا بنصنع العبوات لحساب العميل، يعني إيه؟؟؟ يعني العبوة ما ينفعش نعمل للضحى ونفس العبوة نطلعهالك

العميل:  تمام

المهندس منسي: فهمتني… فعشان كده أنا ما بطلعش عبوات من عندي إلا كل واحد بعبوته

العميل:  تمام… أنا.. إنت عارف ممكن يكون لكم نظام كده، في مصانع تانية بتبيع للناس كلها، يعني إنتم ليكم سياسة معينة..

المهندس منسي: آه ده مش إحنا بقى، إحنا بالنسبة ما بنبعشي، لأنه إحنا شركة عالمية مش شركة مصرية واخد بالك، ما بنبعشي إلا كل واحد وعبوته حفاظاً على خصوصية العميل

العميل:  تمام .. شكرا لحضرتك