بكر سلوفان للتغليف من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | كنت عايز أسأل على البكر اللي هو الشرينك الفاكيوم اللي هو المتر بتاعه 10 |
| المهندس منسي | : | حضرتك قلت لي الشرينك الفاكيوم، هو الشرينك حاجة، والفاكيوم حاجة تانية |
| العميل | : | أصل هو بكرة كده عامله زي بكرة الشرينك، المشمع، اللي هو بيلصق على الكرتون أو على الورق، قابل للصق الغراء |
| المهندس منسي | : | آه السلوفان، الـ بي أو بي بي |
| العميل | : | أيوه يا فندم صح، ده موجود عند حضرتك |
| المهندس منسي | : | موجود آه |
| العميل | : | مكان حضرتك فين بالضبط؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | ما شاء الله، مافيش فرع هنا في طنطا صح؟ |
| المهندس منسي | : | والله بنتمنى بس مش عارفين إزاي ناخد أرض ونبنيها، نتمنى يبقى لنا حاجة في طنطا، أو المنصورة، أو ميت غمر، لأن أنا أساساً من قرية تبع ميت غمر اسمها ميت مسعود |
| العميل | : | طيب يعني لو حبيت مثلاً معدلي كده كل 3 أسابيع بحتاج بكرتين عرض 40 مثلاً، طيب ما ينفعش يتشحنوا يا هندسة؟ |
| المهندس منسي | : | عادي بس أول مرة تيجي تشرفنا بالزيارة، تختار وتتعرف على الناس اللي هتتعامل معاهم، مرة في مرة، وبعد كده اشحنوا لي يا جماعة |
| العميل | : | طب السعر عامل كام يا باش مهندس؟ |
| المهندس منسي | : | والله النهاردة أنا مش متذكر السعر، لأنه إنت عارف سعر الخامات طالع نازل، طالع نازل… |
| العميل | : | تحت العجز والزيادة مثلاً |
| المهندس منسي | : | تحت العجز والزيادة يبقى في حدود 50 جنيه مصري |
| العميل | : | لا كده تحت الزيادة، مافيش عجز خالص، أنا بجيبه من المحلة بس مستبعد المشوار، فقلت لو موجود وأرخص مثلاً بكنت هجيبه من بره من عند حضرتك |
| المهندس منسي | : | هي العملية مش أرخص ولكن أجود، لأن أنا اللي عندي ألماني |
| العميل | : | مش هتفرق |
| المهندس منسي | : | الخامات اللي عندي كلها ألماني وإيطالي، وبلجيكي، وهولندي، لأن دي حاجة فيها صحة، فبخاف من ضميري أنا، يعني عايز أحط حاجة مضبوطة 100% |
| العميل | : | عامة هشوف لو ما جبتش من هنا هضبط مع حضرتك |
| المهندس منسي | : | بص تعالى اتفرج على الجودة، خلي بالك من حاجة، إنت ممكن تاخد كيلو من الباي أوريانتد بولي بروبلين بتاعنا، وتيجي توزنا قدام كيلو تاني تلاقي بتاعنا لو أغلى أرخص، لأنه أوقات بيروحوا جايبين الملك بتاعه عالي، زي الأكياس والشنط النهاردة بقوا يحطوا فيها حاجة اسمها أوميا |
| العميل | : | لا ده قلة ضمير بقى ده حاجة تاني |
| المهندس منسي | : | إنت تيجي تنورني في أي وقت، اللي يرد عليك قوله أنا عايز باي أوريانتد بولي بروبلين، بوب، سلوفان شفاف |
| العميل | : | ماشي يا باش مهندس، شكراً، السلام عليكم |
| المهندس منسي | : | مع السلامة |
