بي في سي للعبوات من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: إزيك يا هندسة

المهندس منسي: أهلاً بيك مين معايا

العميل:  محمد كمال معاك من الشركة المتحدة بتاعت الحاج جمال العمدة

المهندس منسي: أهلاً وسهلاً.. اتفضل

العميل: بقولك كنا بنسأل على الـ بي في سي

المهندس منسي: بتاع إيه؟

العميل: العبوات

المهندس منسي: ماشي

العميل: موجود يا هندسة؟

المهندس منسي: إحنا بنجيبه بالطلب آه

العميل: تمام طب كنت عايز سعره، عايز عينات

المهندس منسي: هيبقى في حدود

العميل: بتاخد بال ولا بالمصري

المهندس منسي:  لا عادي إحنا بنسمي بال إنما بناخد بالجنيه المصري عادي

العميل: خلاص… ليه يا هندسة طب أقولك المواصفة اللي أنا عايزه وتقولي سعرها المهندس منسي: كام ماشي مافيش مشكلة

العميل: خلاص ماشي يا هندسة

المهندس منسي:  تمام

العميل: إنت اديتني ده سعر نهائي ولا إيه القصة

المهندس منسي:  آه إحنا أسعارنا دايماً نهائية… السعر اللي بيتورد بيه في الشركة دلوقتي 30 ألف الطن

العميل: الطن دلوقتي بـ 30، فإنت بتقولي 70، فهل في نوع تاني مثلاً، في أنواع… في اختلاف في حاجة

في  أنواع آه، اللي أنا كلمتك عليه ده اسمه بولي استر اللي هوه الصحي

المهندس منسي:  بولي إستر صحي آه

العميل: طب في أنواع تانية سعرها في المعقول

آه في بي في سي آه

العميل: طب وده نوعه إيه، يعمل كام يعني؟

المهندس منسي:  ده هدرسلك سعره، يومين كده واتصل بيا

العميل: أبعتلك عينة تسعرلي عليها

المهندس منسي:  ابتعلي الداتا شيت أحسن

العميل: ما هو الداتا شيت اللي أنا بعتها لحضرتك

المهندس منسي:  ابعتهالي على الإيميل

العميل: هبعتهالك على الإيميل حاضر ماشي

المهندس منسي:  ماشي يا باشا

العميل: ماشي يا باش مهندس شكراً لذوقك