تصنيع أكياس الكرافت الورق من شركة المهندس منسي

مهندس منسي : سلام عليكم

العميل : عليكم السلام.. أهلاً يا باش مهندس

مهندس منسي : أهلاً بيك

العميل : مع حضرتك روماني من السويس

مهندس منسي : أهلاً وسهلاً

العميل : كنت عايز أسأل بس على أكياس الكرافت الورق موجودة عند حضرتك؟

مهندس منسي : نقدر نصنعها.

العميل : طب أنا طبيعة شغلي مكسرات والبن وكده، كنت محتاج كيس كرافت يبقى بسوستة من فوق

مهندس منسي : آه مش مشكلة.

العميل : تمام.. يعني آجي لحضرتك مثلاً يوم الاثنين نشوف تفاصيلها إيه وكده..

العميل : بقول لحضرتك إيه ما فيش عند حضرتك مثلاً شغل مستورد جاهز مقاسات معينة؟

مهندس منسي : في بيجيلنا أوقات يعني بتاعتنا اللي هي الألماني والإيطالي والهولندي.

العميل : آه..

مهندس منسي : وبنجيب أوقات من بولندا وبلجيكا والدنمارك.

العميل : طب مافيش عند حضرتك دلوقتي؟

مهندس منسي : أشوف كده في الأستوكات الموجودة في ولا ما فيش.

العميل : حضرتك هتطلب أد إيه؟

مهندس منسي : يعني هشوف الأول المقاسات أد إيه والسعر أد إيه وبعد كده نحدد الكمية.

العميل : آه..

مهندس منسي : لا ما هوه إحنا بنشتغل على الكمية يعني حضرتك تقولي الكمية بتاعتك أد إيه أقوم أنا أعرف.. أشوف الكميات أد إيه وكده يعني.

مهندس منسي : لأن حتى لما بنيجي نشتغل برده بنشتغل على الكمية.

العميل : تمام… هوه أقل كمية تبقى بكام.

مهندس منسي : مش عارف والله. أقل كمية بالنسبة لإيه..

العميل : أقل كمية بالنسبة للأكياس…

مهندس منسي : آه الأكياس آه.

مهندس منسي : هوه إنت عايز مقاس كام × كام.

العميل : والله مثلاً… أنا لسه هفتح محل جديد كنت شغال في التعبئة وكده ومحل جديد لسه فاتحه فكنت عايز أعمله من باب المحل أكياس كرافت كده تتعمل سوستة من فوق… يعني مقاس مثلاً 7 × 10، 7 × 15 حاجة كده.

مهندس منسي : آه.

العميل : أو الأكياس الموجودة المتوفرة المقاسات وأنا أشوفها إذا كانت….

مهندس منسي : آه يعني إنت عايز عندنا أكياس جاهزة تخدها تشتغلها.

العميل : آه….

مهندس منسي : طب أنا هبعتلك دلوقتي أرقام المبيعات تكلمهم تشوف كده إذا كان في بضاعة حاضرة ولا لأ لأن أنا استشاري مش عارف.

العميل : طب تمام حاضر.. مع السلامة.