تصنيع اسطمبات اغطية العبوات البلاستيك من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : حضرتك كنت عايز غطيان بتاعت برطمان مصر كافييه اللي هوه 250 الـ 50 جرام يعني

مهندس منسي : آه عايز كمية أد إيه؟

العميل : أقل كمية متاحة

مهندس منسي : لأ ده إحنا هنعملك الاسطمبة

العميل : هتتكلف أد إيه؟

مهندس منسي : في حدود ـ 2 هنشوف يعني

العميل : الاسطمبة ولا الكمية؟

مهندس منسي : لأ الاسطمبة الأول، بعد كده الكمية أي كمية بقى إنت عايزها نبدأ نحسبها

العميل : طيب لو عملنا الاسطمبة ديت أقل كمية نتكلم بعديها أد إيه؟ ولا إنت لازم يبقى ليها حد أدنى ولا زي ما أنا عايز بتتطبع؟

مهندس منسي : لا.. لا عادي دي اسطمبتك إن شاء الله حتى لو عايز تركبها على المكنة وتنزلها تاني، هتقولي ركبهالي على المكنة ونزلهالي تاني وخد فلوس حق تركيبها بس

العميل : بيكلفني كام الغطا بعد كده؟

مهندس منسي : آه لازم بقى نمسك الغطا في إيدنا ونبدأ نوزنه ونشوف الميزان بتاعه كام ونحسبلك التكلفة

العميل : طيب أنا عندي غطا لو وزنتهولك تجيبلي التكلفة

مهندس منسي : بس المشكلة إنكم بتوزنوه عند الميزان العادي ده

العميل : حساس

مهندس منسي : لأ ما هو الموازين اسمها حساس دلوقتي، كل الموازين أغلبها بقى حساس

العميل : إنت بتاخد جرامات معينة

مهندس منسي : لأ الميزان اللي أشد حساسية اللي هوه ميزان الجواهرجي

العميل : آه..

مهندس منسي : هوه ده، غير كده في تفاوت في الموازين فبيبهدل الدنيا

العميل : آه.. يعني أنا لو جيب الغطا معايا وجيتلك مثلاً نقدر نحدد المواضيع دي كلها

مهندس منسي : كل اللي إحنا هنعمله إن إحنا هنوزنه بس، إنما أنا ممكن أقولك على طريقة ممكن تحسب بيها الغطا وإنت عندك لو جنبك جواهرجي صحبك ولا حاجة توزن على ميزانه وتضرب الجرام × 3.5 صاغ

العميل : خلاص ماشي، فاتحين لغاية الساعة كام؟

مهندس منسي : من 11-9 مساء

العميل : طيب ماشي

مهندس منسي : ماشي يا غالي

العميل : والاسطمبة حضرتك بتقولي بـ 1200

مهندس منسي : آه… في بـ ، وفي بـ 2، هنشوف بس العينة الاول

العميل : طيب ماشي خلاص

مهندس منسي : يعني ممكن تبقى عين واحدة، 2 عين، 3 عين، 4 عين… يعني تكبس 4 مرات في الكبسة الواحدة لو إنت عايز إنتاجية عالية

العميل : لأ أنا كل المشكلة أنا عندي كمية برطمانات شبيهة ليها بس شغل لأني أنا لسه بادئ المشروع جديد

مهندس منسي : ييسرلك ربنا، ويبقى عندك صلاحية إنك تحفر اسمك على الغطا

العميل : آه…

مهندس منسي : يعني في عندك صلاحية لأن دي اسطمبتك

العميل : الاسطمبة عادي لو اتحفر الاسم على الغطا

مهندس منسي : آه…

العميل : خلاص ماشي، بس دي تزيد تكلفة طباعة ولا مع تكلفة الاسطمبة

مهندس منسي : لا تكلفة الاسطمبة بتزود بس حاجة بسيطة قوي عشان خاطر الحفر، نشوف اللي إنت هتحفره إيه بحيث إنك تقدر تبقى شركة بقى وماركة وكيان

العميل : أيوه.. أيوه

مهندس منسي : هوه إحنا بنحاول بقدر الإمكان إن إحنا نحمي المستهلكين ونحمي المنتجين

العميل : أيوه

مهندس منسي : يعني إحنا سياستنا إن إحنا نصنع عبوات ما بنصنعش عبوات ونبيعها لأمة لا إله إلا الله كده لأ، بنصنع العبوة بالاسطمبة عشان خاطر حضرتك تبقى اسطمبتك بتاعتك إنت ، زي ما عملنالك اسطمبة بتاعتك إنت بحيث إنك لو رحت دلوقتي لواحد بيبيع عبوات أي حد ييجيلوا يديله، طب ما هو في الآخر منتجك أي حد يقدر يقلده

العميل : أيوه.. أيوه صح

مهندس منسي : إنما هنا بنحاول بقدر الإمكان إن إحنا نميز عملائنا، ونحافظ شوية على ضرب المنتجات اللي مبهدل البلد ده

العميل : اللي هوه مالي السوق دلوقتي ده

مهندس منسي : آه.. آه…

العميل : صح كده، طيب ماشي يا باش مهندس، شكراً

مهندس منسي : مع السلامة