تصنيع اسطمبات وخامات عبوات مستحضرات التجميل من شركة المهندس منسي
العميل : السلام عليكم
مهندس منسي : وعليكم السلام
العميل : شركة المهندس منسي
مهندس منسي : أيوه
العميل : بستفسر بخصوص عبوات مستحضرات التجميل
مهندس منسي : آه اتفضل
العميل : الله يكرمك هي موجودة عندكم اللي هي عبوات الواحد لتر والـ…
مهندس منسي : إحنا ما بنعملش عبوات ونبيعها كده، إحنا بنعمل عبوات يكون لها خصوصية للعميل، يعني معناها إن إحنا بنصنع العبوة بناء على طلب العميل
العميل : آه.. يعني بالاسطمبة، يعني بجيب الاسطمبة وحضرتك بتعملي عليها أو…
مهندس منسي : أو إحنا نصنع الاسطمبة، الاسطمبة بتتكلف
العميل : آه… بس مافيش عبوات جاهزة عموماً؟
مهندس منسي : لا مش الإطار بتاعنا، إحنا الإطار بتاعنا إن إحنا بنحافظ على خصوصية العميل، يعني معناها إنك عندك عبوة شامبو مثلاً فما ينفعش إن أنا أعملها لشركة لاكتي ويل مثلاً وأروح أديها لأي حد، ما ينفعش
العميل : لأ مش كده، أنا قصدي إن فيه مصانع بيبقى عندها الاسطمبات بتاعتها…
مهندس منسي : آه ده بقى أكبر غلط، إنك تبدأ بمنتج غير مميز
العميل : أيوه آه
مهندس منسي : الوضع كده مش مضبوط يعني
العميل : خلاص شكراً
مهندس منسي : مع السلامة
