تصنيع الاسطمبات من شركة المهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	باش مهندس إيه أخبارك
المهندس منسي	:	الحمد لله
العميل	:	مع حضرتك سيد الزيات من المدينة المنورة
المهندس منسي	:	آه أهلاً وسهلاً
العميل	:	معلش بالنسبة حضرتك للأشكال إنت بتصنعها حسب اسطمبة معينة ولا هي لها اسطمبة لوحدها؟
المهندس منسي	:	آه.. بتعمل الاسطمبة وبناء على الشكل اللي عملناها بتشكل
العميل	:	يعني هي بتيجي معاها اسطمبات
المهندس منسي	:	لا هي كده على وضعها، حضرتك بقى بتدينا أشكال وبنعملك الاسطمبات عليها وبنحاسبك عليها وبنركبها لك ونشغلها لك
العميل	:	الاسطمبة أياً كان الشكل
المهندس منسي	:	آه هي ما بتعرفش البلاستيك، البلاستيك اللي قدامها هي بيتشكله
العميل	:	يعني ممكن برطمانات؟
المهندس منسي	:	لا دي كيفية ودي كيفية تانية، المكنة 605 ديت بتشكل العلب، بتشكل الحاجات المفتوحة الرقيقة، أما البرطمانات ديت مكنة تانية اسمها مكنة نفخ عبوات
العميل	:	آه.. الاسطمبة ديت بتاخد وقت أد إيه؟
المهندس منسي	:	3-4 أيام
العميل	:	طب وكل اسطمبة بتبقى تكلفتها إيه؟ ولا هي بتبقى أشكال مع بعض؟
المهندس منسي	:	كل اسطمبة بيبقى تسعيرة لوحدها
العميل	:	يعني يتراوح من كام لكام معلش؟
المهندس منسي	:	من يعني 3600 جنيه مصري وإنت طالع
العميل	:	الاسطمبة الواحدة بتعمل كذا شكل ولا شكل واحد؟
المهندس منسي	:	لو عايز ترص فيها أشكال رص فيها أشكال بس يبقى بنهزر يعني، شغل مش مضبوط يعني
العميل	:	طيب وحتة الوزن أنا اللي بتحكم فيه؟
المهندس منسي	:	آه الوزن بيبقى بناء على السكنس
العميل	:	الفكرة بتاعتنا جديدة إن إحنا نعبي فيها مخلل
المهندس منسي	:	لا دي مش جديدة ولا حاجة دي معمولة من زمان
العميل	:	والله.. واشتغلت مخللات بالفعل
المهندس منسي	:	هي بتشكل العبوة مالهاش دعوة إنت هتعبي في العبوة إيه؟؟؟ هي بتشكل لك عبوة، تاخدها تعملها مخلل، تعملها بسبوسة.. براحتك
العميل	:	آه يعني هي بتشكل العبوة وإنت بتعبيها بره، طب اللي ممكن أعبي فيها مخللات ممكن تبعتلي صور ليها معلش
المهندس منسي	:	حضرتك مشكوراً شرفنا بالزيارة هتقعد مع فريق المبيعات هيفهموك كل حاجة
العميل	:	طيب جزاك الله خير، المهم إن المنتج نفسه متوفر أقدر أعمله، وأتحكم في الأوزان وأعبي فيها مخللات من 200 جرام لغاية 3-4 كيلو، عشان لما أنزل مصر أشوفها
المهندس منسي	:	إن شاء الله عندنا المكن ده كله، لغاية ألف جرام دي مكنة، ومن بعد ألف جرام دي مكنة تانية
العميل	:	تمام وأقل حاجة في الوزن 200 جرام ولا أزيد
المهندس منسي	:	من 50 جرام
العميل	:	جزاك الله خير، ماشي يا باش مهندس، السلام عليكم
المهندس منسي	:	مع السلامة