تصنيع العبوات البلاستيك لكل الانواع من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : أنا اسمي أحمد بكلم حضرتك من كفر الدوار يا فندم
مهندس منسي : أهلاً بيك
العميل : الوقت مناسب أو كده يا فندم؟
مهندس منسي : آه اتفضل
العميل : ربنا يخلي حضرتك
العميل : إحنا عندنا شركة منظفات وبنعمل مادة للنمل والصراصير والدبان والحاجات دي كلها، فكنا عايزين بخاخة في حدود 3 ـ 4 آلاف بخاخة مبدئياً بس بستايل معين كده ما تكونش مدرجة خالص تكون ملسا كلها على بعضها كده، في حدود 450 مللي أو 500
مهندس منسي : يعني عايز العبوة ولا عايز….
العميل : العبوة نفسها آه
مهندس منسي : هوه إحنا بنصنع العبوات لحساب العملاء، يعني ما عندناش عبوة بنبيعها بتبقى جاهزة، يعني إيه، يعني العبوة لما بنعملها مرة ما نعملهاش تاني، نعمل الاسطمبة الأول وبناء على الاسطمبة بنبدأ ننفذ العبوة، الاسطمبة في حدود
العميل : يعني مش فاهم يعني معلش يعني أنا أعمل الاسطمبة عند حضرتك بـ وبعد كده أدفع سعر العبوات؟
مهندس منسي : آه… آه… وعندنا كمان المكنة اللي تعبيلك المنتج دوت
العميل : تمام… يعني إنت قصد حضرتك إن أنا أديك الخامة عندك وقول لحضرتك كذا وإنت تعبيهولي ولا تتعمل إزاي؟
مهندس منسي : لا.. لا.. إحنا المكن بنبيعوا، يعني نديلك المكنة وإنت تعبي عندك
العميل : آه.. آه.. فهمت قصد حضرتك، طب إنت يا باش مهندس بتوصلي مبدئياً يعني إنت بتقول ……
مهندس منسي : أنا لو أقدر أوفرلك من غير اسطمبة صدقني ما كنتش قولتلك الموضوع ده من بابه يعني
العميل : فهمت قصد حضرتك
مهندس منسي : سياسة شركتنا إن إحنا بقدر الإمكان نحافظ على خصوصية العميل، يعني ما نعملش حاجة لأمة لا إله إلا الله
العميل : آه فهمت قصد حضرتك، طب معلش سؤال تاني، يعني إنت دلوقتي مبدئياً لو أنا دفعت لحضرتك الـ دول إنت بتحسبهم بالمصري طبعاً، مش هديك طبعاً
مهندس منسي : آه.. آه
العميل : آه تمام… بعد كده بيبقى في اتفاق ما بيني وبينك إن إنت تعملي أي كمية أنا عايزها
مهندس منسي : أي كمية إن شاء الله حتى 10
العميل : آه بالضبط
مهندس منسي : لحد 100 ألف براحتك، دي اسطمبتك بتاخدها في إيدك وإنت ماشي
العميل : آه قصد حضرتك الـ 1200 دول بيدفعوا أول مرة بس
مهندس منسي : آه أول مرة آه
العميل : بعد كده لو أنا حبيت آخد العبوات من حضرتك مثلاً، لو أنا حبيت آخد 2000 ـ 3000 عبوة
مهندس منسي : بتجيب الاسطمبة بروح منزلك عليها الكمية وتاخدها في إيدك تاني
العميل : طب هل الاسطمبة ممكن تعملهالي بالاستيكر اللي موجود عليها؟ ولا ده حاجة تانية؟
مهندس منسي : لا الاستيكر ده موضوع تاني
العميل : آه بالضبط.. تمام.. تمام…
مهندس منسي : عادي أنا ممكن أطبعلك الاستيكر من غير ما أعمل الاسطمبة، يعني افرض إنت دلوقتي اتصرفت في عبوات وجيبتها من بره، وجيت قلتلي اعملي الاستيكر ده هقولك لأ؟؟؟ هقولك آه طبعاً
العميل : فاهم قصد حضرتك، أنا بقول لحضرتك إن أنا عايز الشغل كله يبقى طالع من عند حضرتك يا فندم
مهندس منسي : آه.. مافيش مشكلة تحت الأمر، هوه إحنا سياستنا إن مش شرط إنك تعملي عندي كل المنتجات، ولكن إنت ممكن تعمل عندي المنتج اللي أنا شايف إن أنا متفوق فيه، ولكن هوه أنا متفوق في المنتجات والحمد لله
العميل : تمام… طب معلش سؤال كده يا فندم معلش، بالنسبة للعبوة بعد كده ده سعرها في رينج كام، عشان أقدر بس أحسب التكاليف اللي عندي عشان أنا معايا شريك بس موجود…
مهندس منسي : لا خد راحتك.. خد راحتك، هوه تكلفة العبوة بيتحدد على وزنها…
العميل : يعني إحنا لو قلنا 500 مللي…
مهندس منسي : لأ.. وزنها هي، لما إنت تقول 500 مللي معناها إن العبوة بتشيل 500 مللي، أنا بتكلم على وزن العبوة وهي فارغة
العميل : طب الرينج الطبيعي إنت أكيد عامل حاجات مثلاً بتعمل 450….
مهندس منسي : آه في ناس كتيرة بتقول إحنا عايزينها بيلي فوم 25 جرام، وفي ناس 35 جرام، وفي ناس بيقولوا 40 جرام، في ناس بيقولوا عايزنها تقيلة ومحملة من 75 جرام، فهنا أنا ما أقدرش أحدد السعر، ولكن أقولك على الطريقة اللي إنت تقدر تحدد بيها سعرك
العميل : اتفضل يا فندم
مهندس منسي : كل اللي عليك إنك تجيب عبوة فارغة زي اللي إنت هتعمل زيها وتوزنها على ميزان جواهرجي، وتضرب الوزن × 3.5 صاغ
العميل : آه الوزن × 3.5 صاغ
مهندس منسي : أيوه
مهندس منسي : يعني ساي مثلاً أنا وزنت واحدة قبل كده….
مهندس منسي : لو هي 20 جرام × 3.5 صاغ يبقى 75 قرش
العميل : آه فهمت قصد حضرتك
مهندس منسي : مش توزن عند البقال وتقول ده كده ، لأ ما هو لو وزنتها عند بقال الميزان بتاعه مش هيجبلك… لأن ميزان البقال أساساً أوله 25 جرام
العميل : بالضبط يا فندم… بالضبط
مهندس منسي : 25 جرام أراوند، يعني ممكن يطلعلك 25 ـ 35 جرام + الوزن التاني يعني هيطلعلك العبوة أم 25 جرام يطلعها 60 ـ 70 جرام
العميل : بالضبط ما هو ده اللي حصل معايا
مهندس منسي : آه لازم توزنها على ميزان جواهرجي
العميل : وأضرب × 3.5 قروش مضبوط
مهندس منسي : آه يطلعلك سعر العبوة
العميل : تمام.. طيب معلش الـ دول يعملوا كام مصري معلش يا فندم لو بالنسبة لسعرك إنت
مهندس منسي : امسك ورقة وقلم وشوف سعر ال النهاردة كام وضربها
العميل : آه.. سعر ال العادي اللي هوه في البنك مضبوط
مهندس منسي : لا سعر البنك إيه؟؟ هوه البنك بيدي حاجة
العميل : ما أنا بسألك عشان كده
مهندس منسي : سعر ال الحر، إنت لو جيبتلي في إيدي أعملك خصم 10%
العميل : آه فهمت قصد حضرتك
مهندس منسي : طب افرض إنك مش عارف تدفع بال عايز تدفع بالمصري، مافيش حاجة، هقولك…
العميل : ما هو أنا بسألك عشان خاطر كده يا فندم، عشان تقولي سعر ال كام عشان أحسبها….
مهندس منسي : ما هو أنا مش شركة صرافة، ما هو أنا ممكن أديلك السعر دلوقتي أبص ألاقيه نزل بكره
العميل : يا فندم مفيش مشكلة، أنا بتكلم على السعر الحر الموجود
مهندس منسي : ولا أي حاجة، اسأل أي حد من أصحابك وشوفه في السوق النهاردة بكام، هيقولك ال النهاردة بكذا
العميل : آه.. آه.. طب خلاص تمام فهمت حضرتك
العميل : طب أستأذنك في حاجة معلش، أنا عايز أسأل عشان الكلام يبقى موثق كده، هل ممكن لو أمكن تبعتلي عرض أسعار بالحاجات دي كلها على مثلاً على الواتس على أساس إن أنا أوريه لشريكي الموجود معايا؟
مهندس منسي : عرض أسعار على الواتس ولا يفيد، عرض أسعار عشان تمسك الشركة منه هيبقى على الإيميل مش على الواتس
العميل : لو كده مافيش مشكلة، لو أمكن ممكن أبعتلك الإيميل بتاعي، أو ممكن حضرتك تبعتهولي
مهندس منسي : لا.. لا إنت تبعت طلب استفسار على الإيميل، الإيميل ده إيميل الشركة علي الموقع بتاعنا
العميل : فاهم قصد حضرتك فاهم….
العميل : طيب حضرتك، طيب عامة برده مافيش مشكلة أنا هشوف الدنيا عندي عامله إيه وهتصل بحضرتك تاني يا باش مهندس إن شاء الله
مهندس منسي : تيجي تنورنا يا غالي
العميل : متشكر جداً لذوق حضرتك وأنا آسف إذا كنت اتصلت في وقت غير مناسب
مهندس منسي : ولا يهمك يا غالي
العميل : متشكرين جداً لحضرتك يا فندم
مهندس منسي : مع السلامة
العميل : سلام عليكم
