تصنيع جميع طبات لحام العبوات من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : المهندس منسي معايا يا فندم

مهندس منسي : أيوه

العميل : والله كنت بسأل على الطبة، كنت عايز أشوف حضرتك فاتح النهاردة ولا إيه؟

مهندس منسي : لا هوه إحنا أجازتنا اليوم

العميل : طب عايز طبة تكون 32، طبة بغطا إزازة يعني، اللي هي الفوم اللي بتلصق بالجهاز دي، أنا واخد الجهاز من عند حضرتك

مهندس منسي : آه موجودة آه

العميل : هوه الألف بكام يا فندم؟

مهندس منسي : هوه الأسعار متغيرة عشان خاطر أزمة ال وكده يعني، هوه الألف أراوند 150-170 في الحدود دي

العميل : يعني لو جيت السبت ممكن آخد 10000 ـ 5000؟

مهندس منسي : ما هو لو مش موجودة هيعمهولك بالطلب هتاخد في حدود 3 ـ 4 أيام

العميل : لا ده أنا عندي طلبية هتتسلم ما ينفعش آخدها في نفس اليوم؟

مهندس منسي : مش عارف

العميل : طب ما تقدرش تديني رقم حد من اللي همه…

مهندس منسي : هبعته لك حالا، هبعتلك تليفون المبيعات في رسالة دلوقتي تابع معاهم

العميل : يا رب يخليك يا فندم، معاك عم كامل عايز يكلمك

العميل : السلام عليكم

مهندس منسي : عليكم السلام ورحمة الله وبركاته

العميل : إزيك يا باشا

مهندس منسي : أهلاً بيك

العميل : إنت عارف مين بيكلمك؟

مهندس منسي : لا والله مش عارف بس ممكن يكون اعرفك لما أتكلم معاك

العميل : كامل خطاب بتاع زمان، بسوس

مهندس منسي : حبيب قلبي الغالي

العميل : إنت عامل إيه يا باشا

مهندس منسي : إزيك يا باشا عامل إيه

العميل : إنت عمال أبعتلك زباين حتى ما تقليش في التليفون أي حاجة كده

مهندس منسي : صدقني يعلم ربنا تليفونك ضايع من عندي أو تايه معلش

العميل : أنا بعتلك واحد اسمه شريف نجم، وبعتلك كام واحد برده زييه كده

مهندس منسي : آه…

العميل : والشفاط بتاع الأكسجين جم ، وكنت مرة كنت إنت مسافر كنت بتكلم مع الحاج اللي هناك ده

مهندس منسي : طب ابقى رن عليا من موبايلك يا أ/ كامل

العميل : طب هرن عليك دلوقتي حاضر

مهندس منسي : ماشي يا غالي، وإنت أخبارك إيه؟

العميل : والله زي الفل، مافيش حاجة حلوة عندك كده ولا حاجة، تكون مكنة حلوة

مهندس منسي : عندي مكنة حقن بلاستيك، وعندي مكن ماكس بي يو تي، وعندي 120 اسطمبة نفخ بي يو تي

العميل : تمام.. ما عندكش نفخ غير الـ بي يو تي

مهندس منسي : هوه إنت ما بتجبش ليه الـ بي يو تي؟

العميل : مش شغال فيه مش عندي

مهندس منسي : طب ما هو عشان مش عندك، لو عندك هتبص تلاقي الحركة فيه مشيت معاك جامد قوي

العميل : آه.. آه…

العميل : طب المكتب زي ما هوه مش عند الشيخ منسي برده ولا إيه؟

مهندس منسي : آه عندنا مكتب في ش المنسي، وفي حدائق القبة، وباب الشعرية، و6 أكتوبر، ومدينة نصر

العميل : طب ماشي يا باشا، هرن عليك من تليفوني دلوقتي وسجله

مهندس منسي : آه فكر في موضوع الـ بي يو تي هوه اللي جاي دلوقتي

العميل : طيب

مهندس منسي : بيرجع الـ بي يو تي هوه اللي طالع

العميل : ماشي يا بيه

مهندس منسي : إنت طلبية زيت بس تغطيلك 10 مصانع

العميل : آه…

مهندس منسي : حد يطلب منك عبوة زيت تغطيلك 10 مصانع

العميل : مافيش مشكلة

مهندس منسي : الناس بتاكل في الزيت أكل

العميل : آه..

مهندس منسي : ده أنا أعرف واحد بيطبع لبتوع الزيت الورقة الليبول، يعني مش ملاحق، عايز حدين معاه، في أيام الشتاء بالذات، بيبقى عايز كتير…

العميل : بس الإزازة الزيت مضروبة يا باش مهندس

مهندس منسي : مضروبة إزاي؟

العميل : أسعارهم محروقة

مهندس منسي : ولا محروقة ولا حاجة

العميل : عبال ما تطلع كرتونة، ويديلك الأنبوب أد كده، ومش عارف…

مهندس منسي : ما هو بيعمل كسر، إنت مش هتعمل كسر، إنت هتعمل بيور

العميل : آه…

مهندس منسي : هوه بيعمل كسر، إنت هتعمل بيور، حاجة نظيفة، ما هي قضية تموين واحدة تزعل اللي بياخد منك

العميل : آه.. آه..

مهندس منسي : فإنت خد شويه، وهتقلهم والله دي سعرها كذا…

العميل : والله أنا هبعتلك التليفون بتاعي أهوه، هرن عليك دلوقتي 515 وهاجي أشرب معاك قهوة كده

مهندس منسي : إنت تيجي تنورني يا غالي، واحشني والله

العميل : ربنا يخليك يا باش مهندس، إنت اللي واحشني وفلوسك وحشاني، مافيش أي مصلحة كده

مهندس منسي : إن شاء الله خير

العميل : أي شغلنا كده نعملها لك ولا حاجة

مهندس منسي : عنيا يا باشا

العميل : تسلم عنيك حبيب قلبي، ربنا يخليك يا سعادة الريس

مهندس منسي : ماشي يا غالي

العميل : اتفضل يا باشا