تصنيع خامات الأكياس الألومنيوم جميع المقاسات من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : لو سمحت كنت عايز أسأل على كيس ألومنيوم 25 × 25 يعمل كام؟
مهندس منسي : عايزه تقيل ولا خفيف؟
العميل : لأ تقيل
مهندس منسي : عايز سنتر فيلينج، يعني لحام من الظهر ومن تحت؟ ولا لحام من كل الجناب؟ ولا لحام 3 جناب؟
العميل : مش فارق معايا
مهندس منسي : ده يبقى في حدود جنيه، 1.16 جنيه في الحدود دي
العميل : طب لو حبيت أعمل عليه طباعة وشين؟
مهندس منسي : ده بقى حضرتك تيجي نشوف منك الديزاين، ونشوف الكمية بتاعتك أد إيه، وتختار الخامة ونبدأ نتفق على السعر
العميل : أنا عايز 3500 كيس
مهندس منسي : دول بقى بالنسبة للطباعة مش هينفع
العميل : آه قليلين؟
مهندس منسي : إنما ممكن نعملك بطريقة الديجيتال، بس طريقة الديجيتال دي بتبقى غالية شوية ومش متيقن سعرها
العميل : تمام… أو أعمل استيكر أحسن وألصقه، ده يبقى أحسنلي وأوفرلي صح؟
مهندس منسي : والله براحتك، ولكن إحنا عندنا استطاعة نديهولك مطبوع ديجيتال بس سعره هيبقى غالي
العميل : يعني سعر الكيس هيتكلف كام مثلاً؟
مهندس منسي : ما هو أنا مش هقدر أتكهن لك بسعره، ده حضرتك بتيجي كده نقعد مع بعض وإن شاء الله اللي فيه الخير يقدمه ربنا
العميل : طب حضرتك الكيس الألومنيا ده بيبقى فيه وش شفاف ووش غامق، ولا لازم كله…
مهندس منسي : عادي.. عادي.. لو عايز وش شفاف ووش ألومنيا نقدر نعملهولك
العميل : طب مكان حضرتك فين معلش؟
مهندس منسي : إحنا عندنا حدائق القبة، مدينة نصر، باب الشعرية
العميل : آه.. ده كذا فرع.. أنا في شبرا مصر، أقرب حاجة باب الشعرية عندي صح؟
مهندس منسي : آه.. هبعتلك الداتا بتاعته دلوقتي في رسالة
العميل : خلاص ماشي متشكر لحضرتك
مهندس منسي : مع السلامة
