تصنيع علبة هدايا المفروشات من شركة المهندس منسي
مهندس منسي : سلام عليكم
العميل : سلام عليكم باش مهندس
مهندس منسي : أهلاً بيك
العميل : الله يخليك يا باش مهندس محمد أنا المهندس محمد ربيع مع حضرتك، كنت بتكلم بخصوص هدايا المفروشات
مهندس منسي : آه
العميل : أنا بعت لحضرتك الحاجة كلها
مهندس منسي : هوه أنا شوفتها ديت معمولة على مكن تغليف اسمه تغليف شرينك
العميل : شرينك آه… تمام
العميل : طيب إن شاء الله هنقدر نعمل منها أد إيه والوضع إيه، تنصحنا بإيه يا باش مهندس؟
مهندس منسي : نعم.
العميل : نصيحتك إيه إن شاء الله لو نقدر نشتغل في الموضوع ده؟
مهندس منسي : ما هوه موجودة المكنة
العميل : طب كويس.. طب كويس، يعني نقدر نشتغل، نقدر نعمل منها أد إيه
مهندس منسي : هوه حضرتك بتشتري المكنة
العميل : أنا مش محتاج أشتري المكنة، أنا محتاج حضرتك لو بتعملوها عندكم أو تعرف حد توديني ليه يكون عنده المكن ده…
مهندس منسي : المكنة مش غالية.. المكنة مش غالية ده عامله في حدود 3500 جنيه 4000 جنيه بكتيره يعني
العميل : المكنة بتاعت الطباعة
مهندس منسي : لا المكنة بتاعت التغليف
العميل : بتاعت التغليف
مهندس منسي : آه
العميل : اللي هي معلش، أنا مش فاهم يمكن يكون موجود وأنا مش واخد بالي منه، مكنة إيه، مكنة اللي هي بتعمل التغليف بتاع إيه؟ اللي هي الكرتونة ملساء، مطبوعة طباعة ملساء صح، حضرتك قصدك عليها؟
مهندس منسي : طب معلش أفهم بقى القصة تاني لأن هوه أنا شوفت دلوقتي علبة مفروشات…
العميل : علبة المفروشات اللي أنا بعتها لحضرتك
مهندس منسي : متغلفة من بره بطريقة اسمها طريقة سلوفان الشرينك
العميل : هي مش متغلفة دي هي ممكن تكون لميع بس لميع
مهندس منسي : آه.. يعني حضرتك عايز تعمل العلبة ولا عايز تعمل إيه؟
العميل : العلبة
مهندس منسي : العلبة نفسها
العميل : آه.. عايز أعمل العلبة نفسها وعايز أطبع العلبة
مهندس منسي : لا حضرتك تبعتلنا واحدة بنص عليها بإيدنا ما تنفعش صورة
العميل : آه تمام سألت حضرتك فحضرتك قولتلي ابتعلي الصور فبعتها لك يعني
مهندس منسي : آه… أنا كنت فاهم الموضوع… كنت فاهم إنت كنت عايز مكنة تغليف.. لا حضرتك بس ابتعلنا عينة وإن شاء الله ما تقلقش يعني
العميل : طيب تمام… إن شاء الله بإذن الله تعالى أنا ممكن أنزل بكرة القاهرة أكون في العتبة بكرة
مهندس منسي : تيجي تنورني
العميل : الله يخليك.. حضرتك مكانك فين جنب العتبة
مهندس منسي : هبعتلك العنوان حالاً
العميل : طيب تمام ما فيش مشكلة، خلاص أنا منتظر من حضرتك إن شاء الله العنوان
مهندس منسي : ماشي
