تصنيع وتشكيل عبوات البلاستيك من شركة المهندس منسي
مهندس منسي : سلام عليكم
العميل : عليكم السلام ورحمة الله وبركاته
مهندس منسي : أيوه اتفضل
العميل : شركة المنسي للصناعات الهندسية
مهندس منسي : آه
العميل : لو سمحت كنت بستفسر على حاجة معينة ماتيريال معينة إن كانت موجودة وحجم معين، عايز أصنع حاجة معينة
مهندس منسي : آه..
العميل : عندكم ماتريال اللي هي اسمها بي تي جي
مهندس منسي : إن شاء الله
العميل : تمام.. لو عايز أصنع بيها حاجة مثلاً طولها 3 متر × عرض متر × ارتفاع متر
مهندس منسي : آه.. هتعمل منتج شكله إيه؟
العميل : مثلاً شكل نص بيضة من فوق كده، حاجة بيضاوية يعني
مهندس منسي : زي تمثال كده مثلاً
العميل : آه حاجة شبه تمثال مثلاً
مهندس منسي : آه إنت محتاجها إيه، محتاجها ألواح ولا محتاجها في صورة حبيبات ولا ليكويد ولا إيه؟
العميل : ألواح
مهندس منسي : ماشي…
العميل : لوح.. وإنتم عندكم السير موجود برده اللي هوه بالشفط دوت بيتعمل
مهندس منسي : إن شاء الله
العميل : فعلاً، طب في المقاس ده موجود اللي هوه 3 متر × متر × متر ارتفاع
مهندس منسي : لا المكنة اللي عندنا 40 × 50 سم
العميل : آه… طب لو عايز كبيرة كده نعملها إزاي
مهندس منسي : حاجة كبيرة إزاي؟
العميل : حاجة تعمل مقاس 3 متر × متر × متر
مهندس منسي : هتعمل مكنة عشان خاطر تعمل…
العميل : لو بقولك لو أنا عايز أعمل حاجة مقاس 3 متر × متر × متر
مهندس منسي : ممكن أعملهالك، ده منتج ولا المكنة
العميل : لا المنتج نفسه
مهندس منسي : عادي شوف المنتج نفسه، عايز تصنعه يعني
العميل : آه
مهندس منسي : لا ده مش عندنا، إحنا نبيعلك المكنة وهنبيعلك الخامة، أو نبيعلك الخامة بس
العميل : طب الخامة بي تي جي موجودة عندكم
مهندس منسي : آه
العميل : مقاساتها أد إيه مثلاً ألواح
مهندس منسي : الألواح في العرض ستاندر 120 شوف إنت عايز عرض كام
العميل : أنا عايز طول 3 متر × عرض متر
مهندس منسي : ده مفيش مشكلة هتيجي حضرتك… عايز كمية أد إيه؟
العميل : عايز مثلاً لوحين
مهندس منسي : لا أقل كمية عندنا ربع طن
العميل : آه.. طب الـ بي تي جي دي اللي هي الخامة الشفافة…
مهندس منسي : آه…
العميل : تمام… لو إحنا طلبة ومحتاجين كمية صغيرة بس في الأول ما ينفعش خالص تعملولنا أي حاجة أو أي ديل ناخدها
مهندس منسي : ممكن بقى تشغلها من بي في سي
العميل : لأ صعب إحنا محتاجين قوي الـ بي تي جي
مهندس منسي : آه… هوه لو بي في سي نفس الشفافية وكل حاجة ولكن مش عارف…
العميل : خامة الـ بي تي جي أحسن من الـ بي في سي أقوى منها ومرنة شوية عنها بتستحمل
مهندس منسي : الـ 2 بيستحملوا بس الـ بي تي جي ملائمة للمواد الغذائية، ولكن الـ بي في سي مش ملائمة للمواد الغذائية، هوه ده الفرق اللي ما بينهم
العميل : تمام…
مهندس منسي : طب اسأل الدكتور كده قوله والله أنا كلمت شركة المهندس منسي قالولي الـ 2 زي بعض ونفس القوة ونفس الصلابة ونفس الشفافية ونفس كل حاجة اللي بيفرق عنهم إن المادة ديت، مادة الـ بي تي جي دي مخصصة للفارماتيكتال يعني الحاجات الصيدلانية والحاجات الطبية والمواد الغذائية، مافيش أكتر من كده، أما إنت لو هتعملها حاجات ميكانيكية يبقى الـ بي في سي أفضل على أساس إنها… هتبقى أسهل في التعامل كمان
العميل : تمام.. طب هوه يعني مش هينفع خالص الـ بي تي جي مش هينفع تديهالي خالص، ولا ممكن نتكلم فيها مثلاً، ممكن آجي أقابل حد في الشركة، إنتم في باب الشعرية صح
مهندس منسي : لو بي في سي أديلك الكميات اللي إنت عايزها، أما الـ بي تي جي فأنا هأصلك بالطلب، هعملك ربع طن بالطلب
العميل : ربع طن كتير جداً
العميل : طب أقدر آجي مثلاً أقابل حد في الشركة
مهندس منسي : ما هوه هتقابله هتقوله إيه، نفس الكلام اللي هيقولهولك هوه هوه نفس الكلام اللي أنا قولتهولك دلوقتي
العميل : آه…
مهندس منسي : هوه إنت تيجي تشرفنا وتنورنا وكل حاجة، بس نفس الكلام اللي أنا قولتهولك دلوقتي هوه نفس الكلام اللي هيقولهولك
العميل : يعني كده ممكن آجي آخد مثلاً الـ بي في سي، لو هاجي مثلاً هتكلم على الـ بي في سي، مش هتكلم على الـ بي تي جي خلاص
مهندس منسي : آه بي في سي ممكن آه
العميل : ماشي آجي مثلاً إمتى
مهندس منسي : تيجي أي وقت موجودين لغاية 11 بالليل، هتقابل مهندس اسمه المهندس حمادة
العميل : تمام… مهندس حمادة في باب الشعرية
مهندس منسي : آه رقمه 01211116960 هوه ده اللي هيفهمك بسرعة يعني
العميل : تمام.. أوكيه، ماشي متشكر جداً يا باشا، شكراً
مهندس منسي : مع السلامة
العميل : مع السلامة
