تعبية المواد السايلة في الاكياس بماكينات أتوماتيك و نصف أتوماتيك

المتصل: السلام عليكم

المنسي: الو السلام عليكم

المتصل: سلام عليكم يامعالي الباشا

المنسي: اهلا بيك

المتصل: كل سنة وانت طيب

المنسي: كل سنة وانت طيب

المتصل: معلش يمكن ازعجناك التليفون متاخر شوية

المنسي: ولا يهمك ياغالي اتفضل

المتصل: كل سنة وانت طيب بخصوص المكنة الموجودة علي النت اللي حاطينها اللي هي تعبية المواد السايلة في الاكياس دي

المنسي: اه

المتصل: ظروفها ايه ياباشا ولا اسعارها ايه ولا نظامها ايه ولا

المنسي: اوتوماتيك ولا عايزها نص اتوماتيك

المتصل: يعني دي ودي

المنسي: النص اوتوماتيك بتبدا من 350 يعني 3500 جنيه والاتوماتيك يعني خمسة 40000 الف جنيه

المتصل: الاوتوماتيك والنص اوتوماتيك بكام

المنسي: والنص اوتوماتيك بتبدا من 350 يعني 3500 جنيه

المتصل: طب والنص اوتوماتيك يعني هيبقي نظام تغليف كده مثلا ولاهتشتغل ازاي يعني مثلا انا عندي يعني مثلا انا عندي بريل انا منظفات

المنسي: اه هطحطيلها الكيس هتعبيهولك

المتصل: وبتغلفه لوحدها بتقفله يعني

المنسي: اه اما بالنسبة للاتوماتيك هي بتعمل كل حاجة لوحدها

المتصل: ازاي بقي

المنسي: ازاي بقي تيجي تتفرج عليها علي الطبيعة هيبقي صعب عليا ان انا اقعد اشرحهالك كده شفوي

المتصل: اه طب النص اوتوماتيك مثلا لو انا عندي بعبي منظفات

المنسي: امم

المتصل: دي بتحطلها مثلا خزان وهي بتسحب منه مثلا

المنسي: اه بتحطلها بتحط الخرطوم بتاعها في التنك بتاعك وهي بتسحب منه

المتصل: تمام والاكياس انت بتجيبلها الاكياس بتجبلها أي كيس تجيبهولها

المنسي: اه الخامات بتاعتك بقي بتحطهولها رول

المتصل: اه وهي بتاخد من الرول يعني

المنسي: اه ان شاء الله

المتصل: طب والتلحيم بتاع الكيس هي بتلحم النص اوتوماتيك

المنسي: نعم

المتصل: النص اوتوماتيك بتلحم الكيس بتقفله

المنسي: لا معاها مكنة لحام

المتصل: اه ومكنة اللحام بتكلف كام

المنسي: بتتكلف يعني ياسيدي يعني الفين جنيه

المتصل: اه موجوده مع في نفس المكان بتركب معاها يعني ولا جزء لوحدها

المنسي: لا بتبقي في جزئية لوحدها

المتصل: اه هتشيل من المكنة علي المكنة التانية

المنسي: اه ان شاء الله

المتصل: طيب الف شكر يامعالي الباشا

المنسي: ماشي مع السلامة

المتصل: الف شكر