جراكن واحد لتر من شركة المهندس منسي

العميل : السلام عليكم شركة المهندس منسي ؟

المهندس منسي : ايوه .

العميل : حضرتك بتعملوا جركن واحد لتر ؟

المهندس منسي : ايوه ، انت عايز كمية قد ايه ؟

العميل : 500 حتة .

المهندس منسي : لا احنا بنشتغل انتاجى للمصانع يعنى اقل كمية ممكن ننتجها 25 الف عبوة

العميل : اه يعنى مينفعش اخد 500 حتة ولا 1000 ؟

المهندس منسي :  لو 500 او 1000 حة بتبقى الاسطمبة بتتعمل لحسابك .

العميل : والاسطمبة بتتكلف كام ؟

المهندس منسي : الاسطمبة بتتكلف فى حدود 1 .

العميل : 1 ؟

المهندس منسي : من الى 1 على حسب الشكل .

العميل : اه اه يعنى الجركن يكلفنى كام ؟

المهندس منسي : لا مش عملية الجركن يكلفنى كام هو الجركن بيتوزن ونضرب وزنه فى حوالى 5 قروش الجرام

العميل : ب 5 قروش اه يعنى الجركن يكلفنى كام حوالى كام ؟

المهندس منسي : لا معرفش يا أفندم ، انت شفت وزنه كام ؟

العميل : لا معرفش وزنه .

المهندس منسي : بص يا أفندم وزنه هيكون فى حدود من 30 جرام الى فوق يعنى لو 30 جرام هتكلف فى حدود جنيه ونص .

العميل : اه ، انا مش عارف شكل معين لو عند حضرتك شكل معين او حاجة جاهزة او حضرتك يطلع انتاج لو عندك زيادة مثلا .

المهندس منسي : اه ما انا بقولك انا لو عندى جاهز انا كنت وفرت عليك كل ده مكنتش هتاخر هو فى حد مش عايز يبيع .

العميل : اه اه

المهندس منسي : طيب .

العميل : طيب يعنى انا لو هاخد كمية هتحاسب على جنيه ونص ؟

المهندس منسي : اه ان شاء الله .

العميل : جنيه ونص من غير الاسطمبة ولا هيتعمل خصم عشان الاسطمبة وكده ؟

المهندس منسي : لا ما هو لو جنيه ونص وملكش دخل بالاسطمبة هتكلفك اقل كمية ممكن تاخدها هى 25 الف عبوة .

العميل : اه اه .

المهندس منسي : عشان تقسهم على سعر الاسطمبة على العبوات .

العميل : اه اه تمام تمام متشكرين جدا الف شكر السلام عليكم

المهندس منسي : وعليكم السلام