جميع خامات الأكياس من شركة مهندس منسي للتغليف الحديث
المهندس منسي: السلام عليكم.
العميل: آلو، مساء الخير.
المهندس منسي: مساء النور يافندم.
العميل: مع حضرتك أحمد بدر من غمر.
المهندس منسي: أهلا وسهلا.
العميل: كنت واخد من عند حضرتك أكياس ألومنيوم.
المهندس منسي: آه، أهلا بيك يا أستاذ أحمد..
العميل: تمام، أهلا بحضرتك، هو أنا كن عايز حضرتك، عايز أكياس..
المهندس منسي: آه
العميل: يعني آخد 4000 كيس.
المهندس منسي: آه
العميل: طبعاً كنت واخد كميات قليلة شوية خمسميات، ستميات، فبيبقوا غاليين قوي.
المهندس منسي: معاك يا باشا.
العميل: فعايز أعرف لو أخدت 4000 كيس دلوقتي حتاخد مني كام؟ هو الكيس 1 كيلو.
المهندس منسي: كدا انت لسه مطلعتش على الـ.. عن الباكدج، هو الباكدج عشان تنزل السعر عشر تلاف (10 آلاف).
العميل: عشر تلاف كيس؟
المهندس منسي: آه
العميل: آه
المهندس منسي: أما لو انت عايز تنزل في السعر، انت ممكن تاخد الخامة وتاخد مكنة التفصيل
العميل: أنا كدا عندي المكنة فعلا.
المهندس منسي: مم..
العميل: ولكن برضو يعني فيها صعوبة إننا ناخد الخامة ونقفل إحنا والكلام ده.
المهندس منسي: آه
العميل: فإحنا هناخد الخامة ونقص ونلحم وكله؟ ، أو العمالة مش مكفية بالنسبة لنا إننا نقعد حد يقفل لنا أكياس، فإحنا فعلا عندنا مكنة فعلا وخام، فإحنا كنا عايزين برضو ناخد الحاجة جاهزة.
المهندس منسي: ماشي يا برنس/غالي.
العميل: أيوا حضرتك هتدينا بكام الـ..، لو هناخد 4000؟
المهندس منسي: يعني قول 10، عشان تقدر تاخد سعر الكيلو مثلاً يعمل 116 قرش
العميل: الـ إيه؟
المهندس منسي: سعر الكيس الكيلو يعمل 116 قرش في العشر تلاف.
العميل: سعر الكيس الواحد؟
المهندس منسي: آه.
العميل: 116 قرش؟
المهندس منسي: آه جنيه و16 ساغ آه.
العميل: قول جنيه يعني.
المهندس منسي: آه قول جنيه و16 ساغ
العميل: كتير أنا كنت باخده قبل كدا بـ 75 قرش، وبـ 70 قرش.
المهندس منسي: كنت بتاخده من مين.. مين اللي كان بيبعتهولك؟
العميل: من حضرتك.
المهندس منسي: من مين؟
العميل: من حضرتك.
المهندس منسي: مني أنا المهندس منسي نفسه؟
العميل: آه
المهندس منسي: ورق على ألمونيا على بولي إيثيلين..
العميل: مهو كان خفيف أصلاً مش تقيل.
المهندس منسي: آه يبقى انت بتتكلم عن كيس وأنا بتكلم عن كيس تاني ..
العميل: ممكن هو كان كيس خفيف مش تقيل يعني
المهندس منسي: آه، أنا بكلمك على الألومنيوم فويل التلت طبقات بتاع المبيدات والكيماويات
العميل: مهو أصل بص هقول لحضرتك إحنا بنحطه في علبة تاني كرتون، انت معايا؟ يعني احنا بنحطه تاني عندنا..
المهندس منسي: مم، وانت تحطه في علبة تاني ليه ما الكيس نفسه شكله حلو
العميل: لا لا مهو إحنا بنحطه في علبة عشان إحنا بنطبع العلبة مش بنطبع الكيس، تمام؟
المهندس منسي: آه، لا عادي انت ممكن تعمل عالكيس ستيكر
العميل: لا لا لا هو إحنا بنفضل نعمل العلبة والكيس دوت اللي إحنا هنعبي فيه بس.
المهندس منسي: انت يعني مش عايز تكلف..
العميل: لا خالص والله مش الفكرة مش عايز اكلف لا لا..
المهندس منسي: انت عارف سعر ال النهاردة بكام ولا متعرفش؟
العميل: الـ إيه؟
المهندس منسي: سعر ال انت عارف النهاردة كام ولا متعرفش؟
العميل: سعر ال؟ هو كل ما أكلم حد يقولي سعر ال؟ إيه يا جماعة في إيه؟!
المهندس منسي: هو إحنا بنجيب الطلبية دي من عندنا؟، مهو كل حاجة إحنا بنستوردها، النهاردة مفيش بلد لوحدها دلوقتي، كل البلاد متحدة مع بعضها..
العميل: مفهوم طبعاً، بس أنا عايز أقول لحضرتك أنا مش بكلف..
المهندس منسي: فين دلوقتي أيام ما كان ال بخمسة جنيه ونص؟ النهاردة واصلة تسعة جنيه.
العميل: مهو كان بسبعة برضو، يعني برضو كان ال بسبعة، ماشي؟
المهندس منسي: لا يا راجل مهو كان بعدها بقريب قوي
العميل: آه، مهو قريب برضو مش بعيد قوي.
المهندس منسي: آه
العميل: يعني حتى أنا أقول لحضرتك إحنا بنعمل العلبة أصلا ممكن نكون مضطرين ليها، تمام؟
المهندس منسي: مم
العميل: الناس اللي بياخدوا مننا هم بيطلبوها..
المهندس منسي: بيطلبوا العلبة يعني..
العميل: آه طبعا، أرجعها وأعمل الكيس وأوفر عليا، تمام؟
المهندس منسي: آه
العميل: فبقول لحضرتك إننا بنكلف العلبة وبتاع وكل القصة دي عشان التجار اللي بياخدوا مننا.
المهندس منسي: ماشي يا غالي
العميل: فمعانا توكيل أصلاً من..
المهندس منسي: أصل هو حتى المنتج نفسه لما يفتح المستهلك، والمستهلك يفتح يلاقي الكيس بتاعك محترم بيثق في المنتج، مبيحسش إنه قدام شركة صغيرة، يحس إن الشركة محترمة ماشي؟، دي لوحدها بتعمل ثقة..
العميل: ما أنا يا باشا هأقول لحضرتك، أنا أصلاً باخد المنتج بتاعي من شركة في أبو زعبل، مصنع 13/18 حربي، معايا؟
المهندس منسي: مهو عيبنا المصريين إن إحنا بنعمل إيه؟، بنجيب المنتج صح ونحطه في أي كلام..
العميل: بالظبط..
المهندس منسي: هو ده اللي بيبوظ الدنيا، عارف حضرتك..
العميل: هو ده اللي بيبوظ الدنيا فعلاً
المهندس منسي: آه لو انت حطيته في تغليف مظبوط 100%، آه لا ده بتلاقي..
العميل: آه والمنتج مش بيرفكت، والمنتج مثلا 50%
المهندس منسي: آه مش شرط إنه..
العميل: والدنيا تبقى تمام
المهندس منسي: آه ممكن آخد منتج مظبوط في تغليف مظبوط، أهم حاجة التغليف بقى، لأن التغليف هو اللي هيظهر المنتج، لأنه انت دلوقتي، متبصش للزبون بتاعك اللي هو التاجر، بص للعميل النهائي، أنا العميل النهائي هو اللي هيفرض شروطه على التاجر
العميل: بالظبط.
المهندس منسي: ليه؟، لأن العميل النهائي أخد من حضرتك العلبة لقى كيس ألمونيا، حس من حضرتك إحترام ناحية المنتج، فهمتني؟
العميل: آه.
المهندس منسي: جاله إيحاء إنه لو حط المنتج ده هيجيب نتايج عالية
العميل: أيوا فعلاً.
المهندس منسي: فكل ما هيقولك، هيقولك لا ده أنا جايبه منتج إيه!، يعني شركة محترمة.
العميل: تمام.
المهندس منسي: فهمتني إزاي؟، فهو ده اللي حيفرض اسمك بعد كدا على التاجر، التاجر هو.. يعني التاجر بدل ما يفرض شروطه عليك، انت اللي هتفرض شروطك، لأن بيطلب منك طلب، عايز يوقف حاله، لو عايز يوقف حالة يبقى ملناش فيه.
العميل: كل دا مفهوم من حضرتك ، وبتعرف إحنا كنا لما بنجيب الكيس؛ بولي إيثيلين على شوية ألمونيا على معرفش إيه كان يبيقى محمل قوي..
المهندس منسي: مم
العميل: وبعدين…
المهندس منسي: أخدتوه بعد كدا خفيف
العميل: طبعاً قعدنا نخف نخف نخف نخف في الخام ونسبة الخام، لحد ما وصلنا يمكن للربع..
المهندس منسي: آه
العميل: وكان معانا كيس أبيض حتى، تمام؟ آلو؟
المهندس منسي: معاك يا باشا
العميل: آلو؟
المهندس منسي: آلو؟
العميل: آلو؟
المهندس منسي: أيوا معاك
العميل: أيوا يا باشا فبقول لحضرتك خفيف خالص اللي هو كيس أبيض
المهندس منسي: يعني كيس أبيض طبقة ورق
العميل: هو من برا ومن جوا الفضي العادي
المهندس منسي: آه تمام يبقى انت بتتكلم عن..
العميل: اللي هو خفيف قوي
المهندس منسي: يبقى انت بتتكلم عن كيس
العميل: كيس إيه؟
المهندس منسي: كيس
العميل: آه تمام
المهندس منسي: ماشي
العميل: دا بيرجع تاني يتحط تاني في علبة كرتون وقصة كدا..
المهندس منسي: ماشي يا باشا
العميل: الكرتونة دي بتتحط في كرتونة تاني كبيرة، تمام؟
المهندس منسي: آه
العميل: وبعدين نحط..، في نقطة ممكن حضرتك ممكن تكون غايبة أصلاً، عشان الاسم بتاع صاحب الشركة
المهندس منسي: مم
العميل: فالعميل بيحملني بيقولي إيه؟، بيقولي أنا عايز أعمل الإمكانيات وأراعي الأسعار.
المهندس منسي: مهو دي اللي مطلوبة دايماً طول العمر، مش عندك لوحدك، يعني عند الكل متقلقش..
العميل: بالظبط، فأنا كنت عايز آخد الأكياس، هو حضرتك هتديهاني بكام؟
المهندس منسي: حضرتك بقى تشرفنا وأقعد مع الحاج حامد، وهو هيتفق معاك إن شاء الله، آلو؟ آلو؟
