جميع خامات الشرنك من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : الله يعزك يا ريس، المهندس منسي
مهندس منسي : أيوه
العميل : عندك الأكياس اللي هي الشرنكه؟
مهندس منسي : عايز أكياس الشرنكه يعني
العميل : أيوه قطر 9 أنا محتاج منها قطر 9
مهندس منسي : 9 سم؟
العميل : آه
مهندس منسي : موجودة إن شاء الله
العميل : بكام يا حبيب قلبي… بتبيع كيلو ولا بتبيع رول؟
مهندس منسي : شوف إنت عايز قطعة أد إيه؟ يعني 9 سم في عرض أد إيه؟
العميل : 9سم × عرض 7
العميل : القطر 9 ….
مهندس منسي : طب أستسمحك تبعتلي الحاجة اللي هنشتغل عليها عشان خاطر إنت بتقول قطر وأنا بتكلم كده على المقاس الارتفاع…. لو قطر 9 يبقى إحنا بنتكلم على… ثانية واحدة كده نقول 9 × 3.14 يبقى كده إنت عايز 14 سم
مهندس منسي : عرض 14 – 15
العميل : بالضبط كده معاك آه
مهندس منسي : عشان كده أنا عايز العبوة نفسها اللي حضرتك هتشرنكها عشان نعرف نضبط الدنيا عليها
العميل : العبوة نفسها ممكن أصورها لك على الواتس
مهندس منسي : والله يستحسن لو العبوة نفسها عشان خاطر الدنيا تبقى أدامنا واضحة يعني
العميل : هي عامله زي القطارة بالضبط
مهندس منسي : آه…. طب الارتفاع هيبقى أد إيه؟
العميل : 7.5
مهندس منسي : يعني إنت عايز 7.5 × 14
العميل : آه وقطرها 9 هي آه
مهندس منسي : هيبقى في حدود 48 جنيه الكيلو
العميل : ده رول ولا كيلو
مهندس منسي : رول آه إن شاء الله
العميل : في حد في الجيزة أو في فيصل؟
مهندس منسي : لا والله للأسف إحنا عندنا حدائق القبة، مدينة نصر، باب الشعرية
العميل : فين في باب الشعرية؟
مهندس منسي : هبعتلك العنوان حالاً
العميل : ماشي يا ريس
العميل : أصل أنا من باب الشعرية
مهندس منسي : أهلاً وسهلاً بيك
العميل : أهلاً وسهلاً بحضرتك، الله يعزك يا رب، أنا من سوق الزلط
مهندس منسي : آه.. إحنا بقى في شارع المنسي….
العميل : ورا القسم؟
مهندس منسي : ورا رئاسة الحي
العميل : آه.. أيوه.. أيوه عارفه، فين من عند مثلاً أخش من شارع بورسعيد
مهندس منسي : آه.. آدي رئاسة الحي أهي، وراه على طول هتلاقي شارع المنسي
العميل : آه.. ماشي يا ريس، رقم كام؟
مهندس منسي : إحنا 1
العميل : أقول المهندس منسي
مهندس منسي : إن شاء الله
العميل : ماشي حبيب قلبي، تسلملي يا ريس، اتفضلن شكراً حبيب قلبي، سلام
