جميع خامات ورولات الألمونيا من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : شركة المهندس منسي

مهندس منسي : أيوه

العميل : طب من فضل حضرتك كنت بسأل على طن الألومنيا عندك ميكرون 40 ولا مافيش؟

مهندس منسي : إنت عايزه تستخدمه في إيه؟

العميل : أنا بلفه زي ورق البوتاجاز كده بس بعمله بطريقة معينة يعني عشان في ناس بتستخدمه وتقطعه للشيشة والحاجات ديت، بس الميكرون المطلوب ميكرون عالي

مهندس منسي : آه… همه طالبين منك ميكرون عالي يعني

العميل : آه

مهندس منسي : هوه أوردي موجود عندنا 40 و 45 وحاجات من دي، إحنا اللي عندنا ستوكات

العميل : آه.. طب….

العميل : حضرتك كنت عايز توصلي نقطة معينة، إن عندك ستوكات

مهندس منسي : هوه الألومنيا اللي عندنا ستوكات

العميل : العرض بتاعها كام، دي صيني ولا..

مهندس منسي : لأ دي ألماني وإيطالي

العميل : طيب أسعارها بتبدأ من كام والعرض بتاع الرول كام؟

مهندس منسي : بيبقى الأسعار في حدود 42، والعرض عروض مختلفة

العميل : طيب قربلي حاجة للـ 120 مثلاً

مهندس منسي : ماهو حضرتك بقى هتروح تتفرج على المقاسات وعلى الخامات في المخازن عندنا في 6 أكتوبر وتختار الخامة اللي هتعجبك

العميل : طيب يعني البكرة ممكن تزيد عن طن ولا…

مهندس منسي : لا ممكن تقل

العميل : طب البكر نفسه الستوك بيكون فيه ملاحظات شويه، حته مضروبة كده.. كده.. ولا الشغل فضلات..

مهندس منسي : لا كله تمام وزي الفل، ده ستوك ألماني مش ستوك مصري

العميل : طيب ماشي يا باشا، طيب حضرتك أستأذنك نمرة تليفون.. مهندس مين معايا حضرتك؟

مهندس منسي : المهندس منسي، أنا دلوقتي هبعتلك تليفون المسئول عن الفرع بتاع أكتوبر كلمه وتابع بقى معاه، قوله أنا جاي أتفرج على الألومنيا اللي عندك

العميل : طب توكلنا على الله، ماشي أستأذن حضرتك ابعتهولي وابعتلي اسمه وأنا هكلمه

مهندس منسي : إن شاء الله

العميل : ماشي مع السلامة

مهندس منسي : مع السلامة