خامات الألمونيوم الساده والمطبوع من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة منسي
مهندس منسي : أيوه
العميل : كنت عايز بس أسأل على ورق الألومنيوم اللي بتلحم بيه البلاستيك
مهندس منسي : آه موجود
العميل : كنت عايز أعمل نص طن مطبوع
مهندس منسي : عندنا آه
العميل : يتكلف كام يا باشا؟
مهندس منسي : هوه سادة؟
العميل : لأ مطبوع
مهندس منسي : ما هو حضرتك تجيبلنا الديزاين وتيجي تشرفنا بالزيارة ونبص عليه ونبدأ نقولك ده سعره هيبقى كام
العميل : السعر اللي هوه حضرتك قصدك السرلات يعني؟
مهندس منسي : لأ إحنا بنطبع بطريقة الروتوجرافيك، دي أعلى أنواع الطباعة
العميل : آه… طب دي تقريباً تتكلف كام طيب؟
مهندس منسي : ما هو تقريباً بناء على إيه؟؟ ما هو لازم أعرف حاجات كتيرة، لازم حضرتك تيجي تجيبلي الحاجة اللي هتلحم عليها وبناء عليها هنبدأ نقولك
العميل : طب هوه طن الألومنيا سادة بكام دلوقتي؟
مهندس منسي : النهاردة في حدود 42
العميل : لكن مطبوع يعني في حدود كام يعني؟
مهندس منسي : تقريباً في حدود للكيلو
العميل : دي الطباعة بس؟
مهندس منسي : لأ الطباعة بكل حاجة
العميل : آه… للطن
مهندس منسي : الخامة + الطباعة + كل حاجة يعني
العميل : آه.. خلاص ماشي طب حضرتك العنوان فين؟
مهندس منسي : إحنا عندنا حدائق القبة، مدينة نصر، باب الشعرية
العميل : طيب مافيش واتس آب ولا حاجة أبعتلك عليه الديزاين برده بدل ما آجي
مهندس منسي : ما هو إنت هتبعتلي الديزاين مقفول، أنا عايز الديزاين مفتوح
العميل : آه.. أنا معايا صورة
مهندس منسي : ما هو أنا عايز الحاجة مفتوحة على فوتوشوب بي سي ثري، أو الستريتر إيه آي
العميل : والله أنا ماليش في الكلام ده أنا مش هقدر…
مهندس منسي : ابعتلنا الديزاين وإحنا هنبص عليه
العميل : أنا قعدت على النت كده لحد ما وصلت لديزاين معين
مهندس منسي : معلش هنتعبك شويه معانا وابعتلنا الحاجة نبص عليها
العميل : طيب ممكن حضرتك تبعتلي العنوان بالضبط
مهندس منسي : أنهي فرع ملائم ليك؟
العميل : فين حضرتك قول تاني، أقرب حاجة لإسكندرية
مهندس منسي : حدائق القبة، مدينة نصر، باب الشعرية
العميل : ماشي مدينة نصر فين
مهندس منسي : هبعتهولك حالاً
العميل : خلاص ماشي يا باشا
مهندس منسي : مع السلامة
العميل : ماشي شكراً
