خامات الشرينك للتغليف من شركة مهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: باشا
المهندس منسي: أيوه يا غالي
العميل: حضرتك عارف الشرينك
المهندس منسي: آه
العميل: في منه طري وفي منه متين كده صلب
المهندس منسي: آه
العميل: أنا كنت بستفسر بخصوص الصلب ده
المهندس منسي: إنت عايز السكنس بتاعه عالي
العميل: آه متين
المهندس منسي: آه مافيش مشكلة
العميل: تمام..
المهندس منسي: ماشي
العميل: ده يبقى ظروفه إيه يا باشا؟
المهندس منسي: مش فاهم يعني إيه ظروفه إيه؟ الكمية إيه؟ والمقاس إيه؟ والطلبية عندك إيه؟
العميل: طب حضرتك عندك واتس أصور لك العينة وأبعتهالك
المهندس منسي: والله أنا التعامل بتاع الواتس ده بيضايقني
العميل: طيب حضرتك اللي يناسبك يا باشا…
المهندس منسي: حضرتك لو تشرفنا بالزيارة يبقى أفضل
العميل: فين حضرتك طيب يا باشا؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: أنا موجود في حدائق القبة، أنا المهندس جالكم من قيمة يومين قولتوله ما بنشتغلش إلا في النايلون
المهندس منسي: مين قال الكلام ده، نايلون إيه، إحنا عندنا شرينك، وعندنا سلوفان، وعندنا بي بي، وعندنا بي أو، وعندنا بولي إيثيلين… عندنا كل أنواع الماتيريال
العميل: طب خليك معايا كده أشوفه راحلك أنهي فرع في حدائق القبة
المهندس منسي: هوه ممكن يكون رجل البيع اللي موجود ما فهمش دماغه
العميل: لا هوه خدله عينة
المهندس منسي: بص حضرتك أنا موجود النهاردة في فرع مدينة نصر لو حضرتك حد يشرفني
العميل: طب حضرتك موجود النهاردة طيب يا باشا
المهندس منسي: موجود النهاردة في فرع مدينة نصر، هبعتلك الداتا بتاعته في رسالة دلوقتي حضرتك تبعتلي العينة وإن شاء الله موجودة ما تقلقش خالص
العميل: طب حضرتك أستنى منك رسالة
المهندس منسي: آه هبعتهالك حالاً
العميل: خلاص ماشي يا باشا
المهندس منسي: سلام
العميل: مع السلامة
