خامات الومنيوم فويل متنوعه من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : يا فندم حضرتك بسأل على أسعار غطا الفويل بتاع علب بلاستيك الصغيرة

المهندس منسي : آه

العميل : عايز أعرف 100 بكام، والألف بكام ؟

المهندس منسي : هوه يلزمنا بس علبة نعرف الخامة بتاعتها إيه لأن البلاستيك أنواع كتير

العميل : هوه مش بلاستيك هوه فويل عادي مش بلاستيك

المهندس منسي : ما أنا عارف، ما هوه في فويل خامة بلاستيك اسمها بولي ستايرين، وفي خامة تانية اسمها آه بي إس، وفي خامة تالتة اسمها بي بي بولي بروبلين، وفي خامة رابعة اسمها بولي إيثيلين، وفي خامة….

العميل : الوصف بتاعها جزء فيها كرتون من فوق والجزء التاني فويل مطبوع

المهندس منسي : آه… ما هوه كده حضرتك بتقولي تخيل معايا، فأنا يلزمني علبة عشان أشوف الوضع على الطبيعة لأنه عالم الصناعة غير عالم التخيل، واخد بالك

العميل : هبعتلك هنا علي الواتس الصورة

المهندس منسي : ما هوه الصورة هتقربلي المسافة 50%، أما العلبة في إيدي هبقى عارفها 100%

معايا

العميل : تمام… يعني مافيش متوسط أسعار لحاجة زي كده؟

المهندس منسي : ما هوه متوسط أسعار أنا ممكن أقولك دلوقتي الألومنيوم الفويل وزنها الكيلو بتاعها بكذا، بالرول، إنما إنت عايز قطع، فلازم بقى نقعد نمسك العلبة ونشوف المقاسات ونشوف التكنيك ونشوف الكميات ونشوف الطول والعرض ونشوف الحاجات دي كلها

العميل : خلاص تمام يا باشا

المهندس منسي : ماشي يا باشا..

العميل : معلش سؤال

المهندس منسي : نعم

العميل : بقول لحضرتك طب المكنة بتاعت الفويل برده بكام

المهندس منسي : اللي هي بتلحمه؟

العميل : آه

المهندس منسي : بتبدأ من ، يعني 2000 جنيه مصري

العميل : خلاص أوكيه.. ماشي يا باش مهندس شكراً

المهندس منسي : ماشي يا غالي