خامات الومنيوم فويل من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : مع حضرتك جوزيف من الأقصر
المهندس منسي : أهلاً وسهلاً
العميل : أهلاً وسهلاً بحضرتك، كنت بسأل على ورق الفويل
المهندس منسي : إزاي؟؟؟
العميل : محتاج موبينا
المهندس منسي : عايز ورق فويل يعني؟
العميل : موبينا، أنا عندي المكنة بتاعتها يعني
المهندس منسي : ما هو أنا يعني عايز الكور اللي جوه يعني؟
العميل : لأ مش… الموبينا بتاعت الألومنيوم انا عايز الومنيوم فويل
المهندس منسي : ما هو فهمني يعني إيه الموبينا اللي إنت تقصدها، لأنه الموبينا ديت كلمة مطاطة شويه، كلمة زي الموبينا… مثلاً في ناس بيقولوا على الكور اللي جوه ده موبينا، كده يعني فإديني مصطلح أوسع من كده انتشاراً يعني
العميل : الخامة ذات نفسها بتاعت…
المهندس منسي : آآآآآه يعني إنت عايز الألومنيوم فويل نفسها
العميل : بالضبط آه
المهندس منسي : آه.. آه.. آه..
العميل : موجودة عند حضرتك؟
المهندس منسي : موجودة آه موجودة
العميل : طب كنت عايز أعرف الكيلو على كام؟
المهندس منسي : يبقى في حدود 42
العميل : ده سعر الموبينا الواحدة مش كده؟
المهندس منسي : لأ مش الموبينا، سعر الكيلو
العميل : طيب الموبينا تعمل كام كيلو؟
المهندس منسي : بص مش هقدر أديك معلومات أكتر من كده، هوه الحاجة موجودة عندنا في المصنع بتاعنا في أكتوبر، أنا ممكن أبعتلك العنوان بتاعه والتليفونات بتاعته في رسالة، وإنت تروح تتفرج على الحاجة والحاجة اللي تعجبك أوزنها وشيلها
العميل : طب أنا من الصعيد تمام
المهندس منسي : آه…
العميل : ففي ممكن أكلم حد هناك أتواصل معاه بالواتس آب؟
المهندس منسي : والله أنا رأيي إن الحاجة دي بالذات لازم تتشاف بالعين وتتمسك بالإيد، لأن إنت كده بتتكلم في سمك ومقاس وحاجات من دي، فمعلش اتعب شويه ولما تيجي إن شاء الله في القاهرة ابقى شرفنا بالزيارة
العميل : طيب ماشي يا فندم، شكراً خالص لذوق حضرتك، وآسف لو كنت عطلتك ولا حاجة
المهندس منسي : لا ولا حاجة تحت أمرك يا باشا
العميل : ربنا يخليك يا فندم، شكراً
