خامات بي في سي شرينك لتغليف الزجاجات من شركة مهندس منسي
العميل: مساء الخير
المهندس منسي: مساء الخير يا فندم
العميل: إم تو باك معايا
المهندس منسي: أيوه
العميل: كنت بسأل حضرتك شغال في الـ بي في سي شرينك؟
المهندس منسي: إن شاء الله
العميل: طب أنا كان معايا إزازة 200 مللي وعايز أعملها بي في سي شرينك، كنت عايز أعرف بس التكلفة كام؟ أقل كمية؟
المهندس منسي: تكلفة إيه؟؟؟ ما هو لازم نشوف.. الخامات بالذات لازم نشوفها على الطبيعة ونقعد مع بعض
العميل: آه.. طب عايز بس كلام مبدئي عشان آجي، أصل أنا هاجي من بعيد هي دي القضية
المهندس منسي: إنت تيجي تنورنا في أي وقت
العميل: ربنا يبارك لك يا رب
هي بي في سي شرينك مطبوع 4 لون، وهيتلف على إزازة 200 مللي
المهندس منسي: هي الكمية أد إيه؟
العميل: لأ أنا مطلوب مني 10 آلاف إزازة
المهندس منسي: آه… طب هي الإزازة قطرها كام؟ وارتفاعها كام؟
العميل: لا مش عارف، مش هقدر أقولك
المهندس منسي: آه… يعني أنا أسعر على حاجة كده في الهوا لا أنا شايفها ولا عارف مقاساتها ولا حاجة
بص حضرتك هات الحاجة وشرفنا، أنا معنديش سعر كده إن أنا أقوله
العميل: طب ماشي… طب ممكن تقولي طيب أقل كمية ممكن آخدها
المهندس منسي: في حدود ربع طن
العميل: تمام… ماشي شكراً
