خامات بي في سي شرينك من شركة المهندس منسي

  

خامات بي في سي شرينك من شركة المهندس منسيالعميل: السلام عليكم

المهندس منسي: عليكم السلام ورحمة الله وبركاته

العميل: شركة  إم تو باك؟

المهندس منسي: إن شاء الله

العميل: كنت محتاج أصنع بي في سي بلاستيك يعتبر تغليف لستارة جاهزة، هوه مكتوب هنا إنه مفتوح من الجنبين هوه ده اللي أنا عايزه

المهندس منسي: موجود آه

العميل: طيب موجود مقاسات أد إيه ولا المقاسات اللي أنا عايزها؟

المهندس منسي: حضرتك اللي بتقول عليه إحنا بنفذه

العميل: طيب هوه حضرتك بتحاسب إزاي؟

المهندس منسي: بالكيلو

العميل: الكيلو بكام؟

المهندس منسي: هوه الكيلو بيتحدد بناء على الحاجة اللي حضرتك عايزها، زي إيه؟؟؟ زي الكمية المطلوبة أد إيه؟ السكنس أد إيه؟ العرض… كده يعني الحاجات دي هي اللي بتحدد سعر الكيلو

العميل: طب لو أنا عملت مع حضرتك مثلاً جيت لحد حضرتك وقعدت مع حضرتك واتفقنا على كل المواصفات، إنتاجية حضرتك تبقى بعد أد إيه؟

المهندس منسي: البضاعة حاضرة، الغالبية بضاعة حاضرة

العميل: لا الأيام حضرتك، أنا مثلاً لو أنا مثلاً اتفقت مع حضرتك هتنتجلي الكمية بعد أد إيه؟

المهندس منسي: ما هو أنا بقول لحضرتك ممكن تكون البضاعة حاضرة

العميل: آه البضاعة حاضرة تمام…

المهندس منسي: آه ممكن.. ممكن تكون بضاعة حاضرة، والغالبية هتكون بضاعة حاضرة

العميل: طيب حضرتك فين عشان أنا جاي

المهندس منسي: إحنا عندنا حدائق القبة، مدينة نصر، باب الشعرية، 6 أكتوبر

العميل: طيب فين في حدائق القبة

المهندس منسي: هبعتلك الداتا دلوقتي حالاً، هبعتلك التليفونات بتاعته في رسالة حالاً

العميل: أنا منتظر من حضرتك رسالة، حضرتك متواجد بكرة؟

المهندس منسي: ما هو مش أنا اللي موجود هناك، أنا الاستشاري بتاع الشركة، اللي موجود هناك المهندس أحمد

العميل: طيب لغاية الساعة كام؟ ممكن نعدي عليه النهاردة مافيش مشكلة؟

لغاية الساعة 9

العميل: خلاص ممكن حضرتك نعدي عليه النهاردة، ابعتلي العنوان وأنا هعدي عليه النهاردة

المهندس منسي: ماشي يا غالي

العميل: ماشي يا باشا، شكراً