خامات تعبئة وتغليف متنوعة من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : أيوه يا باش مهندس

المهندس منسي : أهلاً بيك

العميل : أنا وصلت الشركة بتاعت حضرتك و الباش مهندس حمادة السنباطي ادتله حضرتك العينة اللي هنشتغلها نفس العينة اللي كلمت حضرتك عليها

المهندس منسي : آه…

العميل : ووريته حضرتك الخامة بتاعتها وقالي الخامة موجودة عندنا إن شاء الله

المهندس منسي : بتقول إيه يا باشا

العميل : بقول لحضرتك في شكارة متقفلة دي حضرتك إن شاء الله هتجيبلي الخامة بتاعتها وإنت هتعملها ، بعد ما نخلص الكمية بتاعت الخامة الأولانية اللي أنا جبتها بيور يعني…

المهندس منسي : آه إنت جبتلنا العينة والخامة بتاعتك وبعد كده….

العميل : هتشتغلوا الخامة بتاعتكم لأنه هوه قالي موجودة عندنا إن شاء الله

المهندس منسي : إن شاء الله

العميل : بإذن الله، برده حضرتك برده هل ينفع نعرف أسعار ولا الوضع إيه ولا….

المهندس منسي : أنا سعري.. أنا سعري هوه الخامة اللي عندي متفصلة، أما إن أنا آخد منك خامة أفصلها ده مش هينفع فهمتني، أنا سعر الخامة اللي عندي اللي أنا أفصلها، يعني أنا بفصلها بنفسي، لأنه النهاردة العمالة بقت زي النيلة بقت سيئة جداً

العميل : الـ إيه؟

المهندس منسي : العمالة

العميل : آه العمالة آه

المهندس منسي : العمالة اللي بتفصل الكيس ده، العمالة سيئة جداً، فإحنا يدوب مكفين شغلنا

العميل : ربنا يصلح حالنا وحال حضرتك يا رب، طب ماشي أنا أعرف الوضع بتاع الخامة دي وضعها إيه وسعر الشيكارة دي كام

المهندس منسي : هتلاقي سعرها رخيص قوي، يعني عندنا في خامات ستوكات برده نفس الخامة اللي عندك، إنت جيبت الخامة اللي عندك دي بكام الستوك ده

العميل : والله ده واحد حبيبي جايبهولي واخد الكيلو بـ 12 جنيه، فهوه حوالي 3 طن عنده لو شفت الخامة.. حضرتك ما شفتهاش

المهندس منسي : آه

العميل : عارف حضرتك المشمع اللي بيحطوا في سقف العربيات دوت اللي هوه الشفاف

المهندس منسي : آه.. آه…

العميل : عارفه حضرتك، هوه دوت أنا جبته معايا خامته جميلة جداً وتقيلة جداً، يعني الشيكارة حتى لو وقعت لأنه هيتعبى فيها زلط ديكوري

المهندس منسي : آه.. آه.. ماشي حاضر

العميل : فأنا هسيبلك دي وهسيب لحضرتك إيميلي وإن شاء الله يحصل تعامل ما بينا وتبقى شركة خير بإذن الله

المهندس منسي : بإذن الله

العميل : ماشي يا باش مهندس

المهندس منسي : ماشي يا غالي

العميل : إزيك يا باش مهندس

المهندس منسي : أهلاً بيك

العميل : أنا جيت لحضرتك المكان وسيبت العينات من 3 أيام ومحدش أقدر إن أنا متعطل على الحاجة

المهندس منسي : عينات إيه يا باشا

العميل : عينات لما قلت لحضرتك أنا عندي رول عايز أفصله وبعدين جيت لحضرتك هناك اداني عنية وقلتله طيب العينة دي وضعها إيه، قالي حضرتك سيب بس الشكارة اللي إنت عايز تعمل زيها والعينة التانية اللي أنا عايز أعملها الرول والمهندس منسي إن شاء الله هيتصرف في الموضوع دوت 3 أو 4 يوم

المهندس منسي : هوه إنت اتعاملت مع مين؟

العميل : المهندس هناك مش عارف اسمه حسام مش عارف اسمه كده

المهندس منسي : مهندس أبيضاني كده

العميل : آه هوه ما هو أنا جاي أعمل شغل ماليش دعوة بالشخص، أنا قلت المهندس منسي من ساعة ما كلمني وسمعت سمعته الكريمة هوه أنا جاي عشان خاطره هوه

المهندس منسي : لا أنا تحت أمرك في أي وقت

العميل : الله يخليك، فأنا طبعاً متعطل جداً، والله أنا بس عشان بتعامل مع الزباين بطريقة معينة، يمكن هوه ده الطريقة معرفش، بس أنا…

المهندس منسي : لا هوه دايماً المهندسين غير… إنت حضرتك تاجر كبير يا باشا، إنما إحنا المهندسين يبقى كلمنا يعتبر زي ما يكون تروس، شويه كده عامل زي….

العميل : على فكرة أنا مهندس مساحة برده يا باشا

المهندس منسي : بس تلاقيك اشتغلت بالتجارة ما اشتغلتش بالهندسة…. عشان كده بقيت غاوي الكلام

العميل : الله يعزك، وأنا بص بقول أنا المهندس منسي ما شفتوش بس من أول كلمة اتعرف البني آدم ده سبحان الله، حضرتك راجل محترم وعندك ذوق في الكلام كمان

المهندس منسي : وصدقني حمادة أحسن مني

العميل : الله يعزك يا باش مهندس، أنا متعطل جداً على الموضوع دوت، وواحد حبيبي زي حضرتك كده جابلي 3 طن من العينة اللي أنا سبتها عند حضرتك

المهندس منسي : لا تحت الأمر يا غالي

العميل : الله يعزك، فيعني حضرتك مشكور يعني تشوف العينة وتقولي …

المهندس منسي : إن شاء الله

العميل : ماشي يا باش مهندس

المهندس منسي : ماشي يا غالي

العميل : هترد عليا على طول إن شاء الله ولا 3 أيام تاني

المهندس منسي : إن شاء الله لا ما تقلقش

العميل : إن شاء الله، متشكر جداً على ذوق حضرتك

المهندس منسي : مع السلامة

العميل : مع السلامة.. مع السلامة