خامات ليبل تغليف برطمانات النسكافية من شركة المهندس منسي

 

 

العميل: سلام عليكم.

المهندس منسي: سلام ورحمة الله وبركاته.

العميل:كيف الحال يا باش مهندس.

المهندس منسي: أهلاً بيك.

العميل: معاك الحاج محمد من السعودية اللي كنت كلمت حضرتك عشان الماكينة بتاعت والكلام ده كله.. حضرتك في مدينة نصر وأعطتنا العنوان.

المهندس منسي: آه.

العميل: طب الجماعة لما روحتلهم وأخدت منهم الماكينة عادي جداً على أساس إني أنا هاخد منهم الورق واتفقت مع الباش مهندس هناك اسمه الباش مهندس أحمد، وقالي أوكيه هرد عليك بالكمية وكل حاجة يوم السبت، السبت أرن عليه ما يردش عليا، الأحد أرن عليه ما يردش عليا، دلوقتي أرن عليه ما يردش عليا، مش عارف ليه ما بيردش، ومش عارف بالضبط ليه عدم الرد يعني؟

المهندس منسي: ورق إيه؟

العميل: ورق اللي هوه  بيتحط على البرطمان بتاع الكافيه، زي النسكافيه بالضبط كده، أنا الخامة عنده ورتهاله قولتله أوكيه قالي خلاص أنا هشوف الدنيا وهرد عليك، أرن عليه ما بيردش عليا خالص.

المهندس منسي: آه..

العميل: مش عارف إيه السبب يعني ليه عدم الرد، طب قولي مفيش قولي فيه، قولي فيه في شركة تاني أو الكلام ده كله.

المهندس منسي: آه.. لا لا ما تقلقش.

العميل: عدم الرد ده مش حلو، يعني إحنا ناس اشترينا منكم على أساس إن إنتم هتوصلونا الورق والطباعة، قالي الطباعة هتاخد 45 يوم، قلناله خلاص شوفلنا الورق نشتريه منك ولو الطباعة هتتأخر نبقى نطبعه إحنا في السعودية، إحنا هنبيع معاكم وهنشتغل، فمش عارف ليه ما بيردش مش عارف.. السبب إيه مش فاهم.

المهندس منسي: فيه 10 أرقام مبيعات، ده ما ردش عليك خش على الفوقيه أو اللي بعديه على طول يعني.

العميل: ما أنا معاييش أرقام هوه ده بس اللي خدته.

العميل: رقمه 58.

المهندس منسي: لا هوه رقمه 58 أو 59 أو 60 أو 56 أو 55.

العميل: آه.. آه.. طيب.

المهندس منسي: إحنا الأرقام عندنا من 55 لغاية 65.

العميل: تمام.. طيب ماشي.. أوكيه، ألف بركة وهشوف وهرد على حضرتك برده على أساس نشوف الدنيا فيها إيه.

المهندس منسي: ماشي يا غالي.

العميل: على أساس إن أنا كنت جيت وأقعدت معاه وكلمته وفاهم هوه الدنيا كلها بس مش عارف ليه ما بيردش، يا الله خير مش مشكلة، خلاص أنا هكلم 59 أو 60 أوكيه.

المهندس منسي: أو 57 أو 56 أو 55.

العميل: طيب أوكيه ماشي، شكراً شكراً.