خامات ورولات أظرف السكر الورق من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : باش مهندس منسي

مهندس منسي : أيوه

العميل : لو سمحت كنت عايز أستفسر عن سعر الرول بتاع أظرف السكر

مهندس منسي : هوه حضرتك بيتحدد بناء على الكمية والرسمة والمقاس والخامة اللي إنت هتختارها، ففي شويه داتا كده حضرتك بتشرفنا ومعاك عينة من اللي إنت عايز تعمل زيها وهمه بيدولك برايس ليست بالحاجة

العميل : طب أستأذنك بس في حاجة، أنا كنت عايز إن أنا جيت عندك واتفرجت على المكنة، وإن شاء الله هجيبها، بس أنا عايز أعرف أبعاد الربحية إيه؟ أنا مش عارف أي أسعار ولا شرا ولا بيع، أنا عايز أبعاد الربحية إيه…

مهندس منسي : هوه إحنا مش مكتب دراسات جدوى، الربحية دي مش تبعنا، إحنا بنصنع مكن وبنصنع خامات، عملية الحاجات ديت دراسات تطبيقية ودراسات جدوى، يستحسن إن حضرتك تقوم بيها بنفسك

العميل : آه يعني ما عندكش معلومات أسعار أظرف الورق بكام أو…

مهندس منسي : هوه أنا بتكلم بالنسبة للأظرف ولا بتكلم بالنسبة للربحية؟؟؟ بالنسبة للأظرف والخامات ده طبيعي نقدر نديهولك، أما بالنسبة للربحية بتاعتك أنا ما أعرفهاش

العميل : آه… ماشي، ماشي شكراً، خلاص أنا هبقى أشوف الخامة اللي أنا محتاجها وهاجي أقعد معاك إن شاء الله

مهندس منسي : إن شاء الله

العميل : مع السلامة

مهندس منسي : ماشي شكراً