خلاط سوائل سنجل جاكت ودبل جاكت كود 410 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | أيوه يا باش مهندس |
| المهندس منسي | : | اتفضل |
| العميل | : | حضرتك عندك الخلاطات بتاعت السوائل دي جاهزة ولا بتصنعها بالطلب؟ |
| المهندس منسي | : | في جاهز وفي بنصنعها بالطلب |
| العميل | : | طب الجاهز سعة أد إيه مثلاً، أنا عايز مثلاً سعة 100، 150، 200… يعني لحد 200 لتر |
| المهندس منسي | : | اللي جاهزة دلوقتي حوالي 100 لتر |
| العميل | : | طب ده سعره كام؟ |
| المهندس منسي | : | صدقني مش متذكر |
| العميل | : | طب حضرتك ما عندكش حاجة التقليب بتاعها أتوماتيك، يعني أنا أضبطه على مدة معينة يفصل ويشتغل لوحده؟ |
| المهندس منسي | : | دي حاجات بنعملها لك على حسب الطلب |
| العميل | : | يعني لو عايز حاجة مثلاً يشتغل ربع ساعة ويفصل يريح شويه ويشتغل ربع ساعة تاني يبقى ده حضرتك تقدر تعملهولنا؟ |
| المهندس منسي | : | آه دي حاجات بنعملها بالطلب آه |
| العميل | : | تمام يا فندم، وده دبل جاكيت بحط جواه المياه وبيسخن |
| المهندس منسي | : | إن شاء الله |
| العميل | : | طيب ماشي يا باش مهندس، أنا الدكتور يوصل بس وهبلغه ولو كده نيجي نبص عليه، ونعرف سعره كام لو حضرتك تقولنا السعر |
| المهندس منسي | : | إن شاء الله |
| العميل | : | ماشي يا باش مهندس |
| المهندس منسي | : | مع السلامة |
