خلاط متجانس موديل 710 من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: كيف حالك
المهندس منسي: الحمد لله نحمد ربنا ونشكر فضله
العميل: ربنا يعني يا رب… انا اتصلت قبل كدا اسأل علي الخلاط
المهندس منسي: لا والله لا معلش
العميل: أصل أنا مافيش حاجة أساساً بالواتس إلا ما رديت عليه، أصل هوه المشكلة في حاجة أنا عندي
أنا بقالي 3 أيام أتصل ماحدش يرد، يعني….
المهندس منسي: طب إزاي، أصل إنت عارف الشغل كتير
العميل: يعني عندك محمد صابر كان المتخصص على طول
المهندس منسي: مين محمد صابر؟
العميل: بتاع التخصص المتخصص هادا بالمصنع
المهندس منسي: ده حضرتك ممكن تكون بتتصل بأرقام تانية غير أرقامنا
العميل: اتصلت 3 أيام
المهندس منسي: الرقم ده ممكن بس لو أنا معرفتش أرد عليك في حد بيرد مكاني، المهندس حمادة
العميل: آه ممكن
المهندس منسي: آه على نفس الرقم ده، طب في 4 أرقام بعتهم لحضرتك كلمت حد فيهم؟
العميل: لا أنا ما اتصلت
المهندس منسي: آه.. هوه الرقم ده ومعايا واحد تاني، بس الرقم ده على ضغط جامد قوي واخد بال حضرتك، فأنا مش برد، فطبعاً ببقى في ميتينج مع ناس محترمة زي حضرتك كده فمبعرفش أرد، ففي غيري بقى بيرد ورايا المهندس حمادة، فممكن يكون برده عليه ضغط
العميل: ممكن حمادة , حد تاني برده ، أنا راسلته
المهندس منسي: لا اتشرفت بيك أنا آسف
العميل: حصل خير يا باش مهندس، الخلاط كام ؟
المهندس منسي: هوه حضرتك كنت كلمتني قبل كده تقريباً فيها مش كده؟
العميل: لا أبداً
المهندس منسي: كنت جاي من طرف حد من ليبيا
العميل: لا أبداً، في واحد من ليبيا ؟
المهندس منسي: آه في واحد سعودي جاي من طرف واحد من ليبيا وكلمني عليها، ثانية واحدة أشوفلك بطلع قائمة الأسعار بتاعتها
العميل: مستورد هادا؟
المهندس منسي: لا هوه إحنا ماركة، إحنا بنصنع قطع الغيار وبعد ما نصنع قطع الغيار نبدأ نجمعها، مصنع، زي ماركة سامسونج وإتش بي كده، إحنا مسجلين لغاية دلوقتي في 4 دول، واخد بالك، وللأسف جينا نسجل في السعودية، الإجراءات صعبة قوي في السعودية، صعبة صعبة يعني
العميل: لا مش صعبة
المهندس منسي: ما هو أنا مش عايز أخش السعودية، أنا عايز أخش استثمار، فهمه حطوا مبلغ عالي قوي قلنا ماشي موافقين، بعد كده عايزين بقى حاجات كتيرة جامدة يعني
العميل: لا.. لا.. بسيطة بإذن الله
المهندس منسي: أصل هو السعودية بالنسبة لنا تعتبر يعني مزروعة في قلب كل مصري
العميل: الله يبارك لك
المهندس منسي: لأ ده مش أنا لوحدي، مزروعة في قلب كل المصريين
تسلم الله يبارك لك
المهندس منسي: فده أساسي… أساسي، إحنا ناس بتحب السعودية
العميل: هوه في ناس كتيرة بسبب الموسم هنا
المهندس منسي: بيقولوا في منطقة اسمها…. اللي هي قريبة من البحرين، الخبر
العميل: آه الخبر آه
المهندس منسي: آه في مناطق صناعية بقى جنبها بيقولك كويسة قوي ودي أحسن منطقة ممكن تستثمر فيها عشان تلم معاك منطقة الخليج بالمرة
العميل: لا والله، لا.. لا.. لا… الإمارات محترمة
المهندس منسي: يعني أحسن منطقة صناعية عندكم الواحد يستثمر فيها إيه بقى؟
العميل: الرياض
المهندس منسي: بس عايز منطقة تكون سعرها هادي برده، تكون منطقة كويسة وسعرها هادي وخدماتها كويسة
العميل:
والله غالي الخبر
المهندس منسي: غالي عشان خاطر قريبة من الخليج
العميل: لا مو عشان كده بس هادا سعرها
المهندس منسي: آه… آه… إنما أحسن بلد بقى الكل بيجري عليها يشتري مكن ويرجع تاني أنهي بلد؟
العميل: عندك الرياض العاصمة
المهندس منسي: آه.. آه.. أصل أنا جيت عندكم ورحت منطقة اسمها العليا
العميل: آه…
كنت جاي في زيارة تجارية لشركة كبيرة عندكم اسمها شركة القطاني
العميل: القطاني ؟؟
المهندس منسي: اسمها القطاني، فخدت بقى دايرة في حته اسمها الباحة والطائف، ورحت الباحة
العميل: لا الباحة، هادا كلام فاضي
المهندس منسي: آه.. آه.. المفروض آه حاجة يتبني عليها مستقبل
العميل: عطني 5 ـ 6 أيام أشوفلك مكان مناسب كده، وإن عرفت ييسرلك الأمور
المهندس منسي: آه ياريت، ياريت بعد إذن معاليك
العميل: وقصر عليك المصنع منطقة والكلام داا
المهندس منسي: ياريت الله يبارك لك ياريت تشوفلي الموضوع ده … بص يا فندم هوه الواحد لتر عامله
العميل: الواحد طن
المهندس منسي: سوري الواحد طن، الواحد طن عامله
العميل: هادا واحد جاكت مش دابل جاكت، ولا دابل جاكت؟
المهندس منسي: الدابل جاكت بتعمل
العميل: سعر أفضل من كده ما في؟
المهندس منسي: ما سعر أفضل من كده بناء على الإمكانيات، بس في الآخر مش هتبقى إم تو باك، مش هتبقى تحمل ماركتنا إحنا، أصل إحنا مش بنحط ماركتنا على حاجة كده، لازم نكون عاملين مقاييس الجودة ومعايير الجودة عليها مضبوط
العميل: طيب أوكيه الزيربوكس هادا خلاط…
المهندس منسي: بص يا سيدي هوه عملية الزيربوكس دوت إنت براحتك ممكن تقولي حطلي زيربوكس ألماني، حطلي زيربوكس إيطالي، اطلب كيفما تشاء البلد اللي إنت عايزها
العميل: لا بس الحين على السعر هادا زيربوكس إيش؟
زيربوكس ألماني
و لا صيني هادا ولا شو الصيني؟
لا عادي ممكن تركب سيمنس… ممكن تركب في مواتير سيمنس وفي زيربوكس سيمنس
العميل: آه حلو
إحنا عندنا أوردي متركب هنا بينا وبينهم
العميل: معاها كل حاجه
المهندس منسي: آه معها اللوحة آه، ومعها الإندكشن ومعها كل حاجة
العميل: وسماكة الحلة كام؟
المهندس منسي: 2.5 مللي
العميل: خفيف
المهندس منسي: ما هو 2.5 مللي إنت بتتكلم لما نيجي نقول الضغط و… و… و… هتلاقيها مضبوط 100% إنما عايز أتقلك أتقلك بس هاخد سعر التتقيل، كلام فاضي هتزيد 100- بس في الآخر هيجي على حساب الفيبريشن، ما هو العملية مش أوزان، وحد الله، العملية مش عملية وزن، أنا هوزن هديلك مكسر المكسر ده شغله ما تحسش بصوت ما تحسش بحاجة، هي مشكلة العرب إنهم بيعملوا إيه؟؟؟ إنهم بيتقلوا في الأوزان، ما هو….
العميل: لا.. لا.. لا… مش معاك، لا خفيف أنا عندي ورشة حدادة عندي خبرة بالحديد….
المهندس منسي: إنت قصدك يعني… ما هو أنا هعمل، وحد الله، أنا مش هعمل على الطول أد ما هعمل على العرض، عشان كده هعملك 2.5 مللي، إنما إنت لو محتاجة 3-4 مللي براحتك
العميل: كم نوع الاستالس
المهندس منسي: 316 أو 804 حسب طلبك، أصل هوه إنت بديني الكاستومايز بتاعتك وأنا بشتغل عليها
العميل: طب الـ 2 طن يا باش مهندس
المهندس منسي: لأ أنا ما بشتغلش في الـ 2 طن أنا آخري هوه الـ 1 طن، 2 طن ده يبقى هبدأ بقى إيه… هتجيلي حضرتك ونقعد نوصف مع بعض وأعملهولك بالطلب، ولكن أنا ما أعرفش سعره لأن أنا آخري 1 طن عشان كده تلاقيني مسعره، أنا بشتغل في أكتر من 40 مكنة دول همه اللي متخصص فيهم قوي وأبدعت فيهم، أصل إنت لما أكتر من كده في الآخر الواحد ما يبقاش مهندس….
العميل: بس…. طب وليه غطا هادا من فوق
المهندس منسي: آه أكيد لازم يبقلها غطا
العميل: غطا إزاز
المهندس منسي: لأ غطا إنت اللي بتقوله، بتقولي اعملي غطا استالس ولا غطا أتريليك
العميل: آه… طيب
المهندس منسي: لو عايزه يبقى أتريليك، لو عايزه عادي مافيش مشكلة يبقى غطا عادي
العميل: طيب بالنسبة للـصبغ
المهندس منسي: آه إنت عايز تعمل خلاطة للصبغ
العميل: آه..
المهندس منسي: آه… بيبقلها خلاطات مختلفة، في حاجة اسمها متجانس عشان خاطر يعملك السمودينج بتاعه عالي قوي، هتلاقي عندنا رقمه تقريباً 710
العميل: طيب
المهندس منسي: ده مش بيبقى خلاط اللي إنت بتشوفه الخلاط الكبير دوت، ممكن تشغله على الخلاط الكبير مش هيعمل مشكلة، ولكن في خلاطة حضرتك بتعمل إيه بتحطلها الماسورة تاخد منك وتطحن وتعملك من اتجاه تاني تقوم تنزلهولك عامله التجانس بتاعها عالي جداً، بتوصلك درجة التجانس لغاية 10 ميكرون في البوصة، يعني أعلى درجة في العالم دلوقتي
العميل: قصدك الدمج يعني؟
المهندس منسي: أيوه.. آه، هوه يعني إيه 10 ميكرون، بص المللي عملناه قسمناه إلى ألف ميكرون، يعني الواحد ميكرون واحد من ألف من المللي…. 10 من الألف من المللي
العميل: لا.. لا.. لا… أنا عارف الميكرون، الفكرة فكرة… سعره كام الخلاط؟
المهندس منسي: بتعمل 3000، بس هي مش خلاطة هي حاجة اسمها… إنت ممكن تشتغل بيها أي أشغال تانية مش شرط إنك تعملها بويات
العميل: لا.. لا… البويات الترس بتاعه مختلف، الريشة بتاعته مختلفة
المهندس منسي: أيوه.. أيوه… ولكن دي لا هي ترس، ولا هي ريشة، ولا هي تنك، فإنت بتعمل تنك جنبيها وهي وحدة كده بتاخد منك الحاجات بتاخد منك المكونات وتدعكها وتعملها تجانس وتروح عملاها إحنا بنشغلها في شركات الأدوية عشان خاطر تعمل تجانس
العميل: خليط إزاي بدون مكسر يا باش مهندس…
المهندس منسي: ما هو وحد الله، دي ده التحديث، ده الآب ديت العلمي، ده آب ديت مش النظام القديم، النظام القديم كان كله ميكسر، كنا بنعمل البودر بنكسر بيه والعادي بنشوف برده كام وحدة في المليون وبنعمل… كده، بنعملها نظام بوتقة وكده، ولكن الحديث بقى إيه؟؟ الحديث بتاعنا اللي هوه المتجانس دوت
العميل: المتجانس عبارة إزاي يدور؟ المكونات إزاي تدور مع بعضها؟
المهندس منسي: بص حضرتك خش على الموقع واتفرج
العميل: هادا يدور المكونات ولا ايش
المهندس منسي: بص حضرتك كل اللي إنت بتعمله إنك بتعمل وحدتين 2، وحدة تخليط، ووحدة تانية وحدة طحن السوائل، اللي هي المتجانس، واخد بالك، المتجانس ده
العميل: طب إذا كانت المكونات كلها سوائل إزاي مافيش طحن
المهندس منسي: آه.. آه.. ما هي اسمها طحن السوائل الرغوية واخد بالك، إزاي؟؟ حضرتك مثلاً دلوقتي عندك مثلاً محلول الملح مثلاً، فإحنا عايزين نعمله كامل الإذابة، إنت بتشوف كده فتقول خلاص ده داب خلاص، لأ هوه ما دبش واخد بالك، إحنا عايزين نعمل كامل الإذابة يعني طريقة الذوبان أعلى مرحلة للذوبان عشان نعمل على عدم الرسب لتحت، فعملنا المتجانس ده وصل معانا لدرجة تجانس عالية جداً لدرجة إنها وصلت لواحد في المليون
العميل: ممتاز… عن طريق إيه يشتغل؟
المهندس منسي: عن طريق الشحن… لأ ما هو أنا لو قعدت وصفتهالك 20 ساعة مش هتفهمها، إنت لازم تخش تشوف الفيديو بتاعها، دي شغلناها كمان في الشيكولاتات، يعني إنها تاخد الشيكولاتة.. كان الأول بنشتغل في الشيكولاتة بحاجة اسمها بونش
العميل: بصراحة ما أدري كل الدنيا ماشيه على الخلاطة القديمة…
المهندس منسي: آه.. آه.. ده بقى طريقة حديثة، إحنا كنا الأول الشيكولاتات بنشتغل بطريقة الجانش….
العميل: لا… لا… بس أنا عندي كبير أنا فهمت أنا شغال بالزيوت ومش عارف إيه والمنظفات…
المهندس منسي: أنا معاك في دي ومعاك في دي، أنا بالنسبة لي بطرح عليك الحديث مش بهدف حاجة، أنا بطرح عليك الحديث للاستفادة من إنك إنت كلمتني بس، إنما أنا بالنسبة لي عادي دي معاك ودي معاك
العميل: أنا فاهم يعني كله موجود مافي مشكلة
المهندس منسي: آه فهمتني إزاي، فصدقني أنا ما يهمنيش أنا هكسب منك إيه أد ما يهمني إنك إنت هتستفاد مني إيه، المكسب كده كده جاي، طالما إنت استفد مني لازم هتتديني مكسبي، أو لازم هتتديني أتعابي، فأنا بحاول إن أنا أجيبلك كل الأب ديت، بص أنا هبعتلك الرابط أهوه بتاع المتجانس دوت إنت بص عليه وبص على فكرته وشوفها هتنبسط منه قوي، هتبدأ كل اللي يقولهولك هتبدأ تشرحهوله، لأن ده فكر جديد وحاجة جديدة جميلة شغلناه وجابت معانا نتائج عالية قوي
خش حضرتك اتفرج، بص هوه فيها حاجة لما نقعد…
العميل: لا.. لا.. مش غلط
المهندس منسي: آه…
العميل:الهجانة بتاعت المعجون؟
المهندس منسي: آه هجيبها لحضرتك أهوه هجيبلك سعرها حالاً
العميل: الهجانة برده، طبعاً الهجانات أفقية مش عمودية؟
المهندس منسي: آه إحنا بنعملها نظام البوتقة، نظام الدودة
العميل: آه زي برميل مرمي أفقي عرضي، حلزوني
المهندس منسي: آه… بص يا سيدي برده اللي هي على السن
العميل: في زيادة
المهندس منسي: هوه بص أنا عايز أقول لحضرتك على حاجة، هوه إحنا بنشتغل مثلاً على أعلى حاجة 1 طن ليه؟؟ لأن النهاردة إنت حضرتك مثلاً بتقول أنا عايز أعمل في الطلبية… الطلبية الواحد طن يعني إيه؟؟؟ يعني 25 دقيقة، 25 دقيقة قول 30 دقيقة، يعني في الساعة 2 طن
العميل: آه… فهمت يعني ممكن تعمل 4 ـ 5 مرات
المهندس منسي: آه.. وبعدين أنا لو محتاج تعمل 2 طن فإنت تاخد تحط واحد تاني جنبيه، تعدد الوحدات، أثبت علمياً أن تعدد الوحدات أفضل مليون مرة من إنك تحط البيض كله في سلة واحدة
العميل: صح… صح… عشان لو حصل خطأ… آه… الغلطة لما يكون مكسر كبير الغلطة بفورة يعني
المهندس منسي: الله ينور عليك، أنا لما أغلط في 2 طن الغلطة مصيبة، أما لما أكون شغال على 300 كيلو 300 كيلو الغلطة ممكن أتلاشاها وهي شغالة
العميل: ممكن أيوه صحيح
المهندس منسي: هي زي طبخة حتى لو كان مهندس كبير مهما كان يمكن التحكم فيها
العميل: آه… أنا بعمل بداية من 50 لتر
المهندس منسي: 4000 اللي هوه الطن العجانات
العميل: طيب و المكسر؟
المهندس منسي: اللي هوه اللي إحنا اتكلمنا فيه، آه 4500 اللي هوه الدابل جاكت، قصدك على المتجانس الجديد اللي أنا رشحتهولك دلوقتي؟
العميل: المتجانس بـ 3000 صح؟
المهندس منسي: آه المتجانس ده بـ آه
العميل: ده أقدر أتحكم فيه عادي؟
المهندس منسي: آه تقدر تتحكم فيه، كل المكن بتاعنا تقدر تتحكم فيه وتوزده وتنقصه وتتعامل معاه براحتك، كل مكن المهندس منسي اللي إحنا صنعناه كلها بدون استثناء بنعمله مرونة….
العميل: لا.. لا… لا… عندك العجانة لكن المتجانس ممكن تجيب حلة كبيرة وأشتغل عليها
آه مافيش مشكلة، ممكن تجيب 5 طن ما عندكش مشكلة
العميل: آه… طيب والمكسر هادي بتاع الدهانات؟
المهندس منسي: هوه لو دابل جاكت … هوه تقدر تشغله مكسر للدهانات، لأنه إحنا بنصنعهولك بالطلب، فإحنا نقدر نخليلك المكسر الدبل جاكت ده ممكن نخليه للدهانات
العميل: لأ مش عايزه دابل جاكت، عايزه عادي
المهندس منسي: آه… سنجل جاكت، على الطن يعمل، إنما إنت ممكن تاخده نص طن، ممكن تاخده 300 براحتك
العميل: آه… للدهانات
المهندس منسي: هوه نفسه.. هوه نفسه
العميل: لأ مش نفسه، هادا مختلف….
المهندس منسي: صلي على النبي، مختلف في إيه؟؟ في الريشة، واخد بالك إنه بيبقى ريشة بس مافيش أكتر من كده
العميل:الريشة إيش؟
المهندس منسي: حاجة اسمها ريش وسكاكين
العميل: لأ بتاع الدهانات الريشة بتاعته زي الترس
المهندس منسي: بص صلي على النبي، هوه اختلافاته داخلياً، أما عملية الأطوال لو هوه عايزه طويل أو عريض أو…. دي مش هتفرق في حاجة، إنت ليك عليا إن أنا التجانس بتاعك يبقى عالي وبس، فهمتني إزاي، ولكن هوه في مكنة طلعت جديدة واخد بالك، كل العملية إن إحنا عملنا إيه، علمنا مكسر بدل ما هو طالع لفوق قوي كده، عملنا ماسورة، الماسورة دي قطرها 120 أو 150 مللي وبدأنا نخلط المكونات عن طريق الحقن، معايا، بنحقن المكونات في قلب الماسورة، بس هنا إنت بتتاعمل على جهاز الجهاز لوحده غالي مش من طبيعة شغلنا هنا في مصر
العميل: لا.. لا.. هادا مكلف
المهندس منسي: إن شاء الله
العميل: خلاص أنا أشوف الفيديو هادا وإن شاء الله بينا اتصال
المهندس منسي: ماشي يا غالي
العميل: تسلم .. مع السلامة
المهندس منسي: وآسف جداً لأن إنت مش عارف توصلنا بس صدقني
العميل: لا.. لا.. والله صارلي 3 أيام هادا اللي زعلني شويه
المهندس منسي: حضرتك إنت بتتصل بالتليفون ده، في جالك دلوقتي رسالة فيها 4 تليفونات كلم أي حد منهم
العميل: أوكيه
المهندس منسي: لو ما عرفتش توصلي كلم أي حد فيهم
العميل: خلاص أوكيه مع السلامة
المهندس منسي: مع السلامة
