رولات استيكر من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : إزي حضرتك

المهندس منسي : الحمد لله

العميل : تمام، مع حضرتك فرج محمد فرج احنا شركة للدهانات

المهندس منسي : أهلاً بيك

العميل : أهلاً وسهلاً بحضرتك، كنت دخلت على الواتس آب بتاع حضرتك وجبت تليفونك، وكنت عايز عندي عبوات بلاستيك وكنت عايز أعملها ليبول

المهندس منسي : آه تحت الأمر حاضر

العميل : ينفع ولا؟

المهندس منسي : آه ينفع إن شاء الله

العميل : طب إزاي بقى؟

المهندس منسي : الليبول ده أنواعه كتير جداً، في الليبول اللي هوه الورق اللي بيتلصق من صمغ، وفي ليبول تاني اسمه ليبول استرتش استيكر، وفي ليبول تالت اسمه ليبول تغليف شرينك

العميل : ده بص حضرتك إحنا بنشتغل في مجال اليخوت و المستلزمات البحرية، فإحنا عايزين حاجة شيك وضد المياه

المهندس منسي : آه ضد المياه في نوعين، استيكر بلاستيك، أو استيكر ورق واخد طبقة بلاستيك، أو في سفت شرينك

العميل : طب في نقطعة حضرتك، هل الاستيكر اللي هوه الواخد بلاستيك أو التاني لما آجي ألصقه هل هيعملي هوا والرجالة عندي بتلصق على الجراكن والكلام ده؟

المهندس منسي : يعمل إيه؟

العميل : هوا.. هوا وهمه بيلصقوا فقات هوا

المهندس منسي : المفروض إن حضرتك هتاخد مكنة معاه نص أتوماتيك عشان شغل حضرتك في شركة…

العميل : بص أنا عندي جراكن.. إحنا لسة شركة صغيرة لسه بادئين يعني إحنا كمان بنشتغل في رينج اللي هوه اليخوت بس

المهندس منسي : ممكن تشتغل على كاتجري تاني، ممكن يشتغل على مكن نص أتوماتيك

العميل : آه تمام.. تمام

المهندس منسي : لكن في الأول والآخر هي المكنة دي هتعلم إنك إنت توري العميل اللي على الجركن ده شركة ولا حد كده بيلصق أي حاجة

العميل : لا يا باشا شركة.. آه ده اللي إحنا عايزينه كويس

المهندس منسي : هي دي بقى الرسالة اللي إنت هتأديها، إنك إنت لو اشتغلت بأي مكنة، المهم مكنة مش يدوي، المهم مكنة، العبوة نفسها بتشتري قبل…

العميل : ده اللي إحنا عايزين نوصله، إحنا نزلنا قبل… يعني الحمد الله ربنا كرمنا في المنتجات اللي نزلناها ثبتت عندنا في المجال بتاع السياحة والكلام ده كله، فإحنا عايزين نطور من أداءنا في الشكل العام

المهندس منسي : حضرتك ممكن تشرفني بالزيارة وأفرجك على شويه حاجات كده…

العميل : هي المكنة دي عامله كام النص أتوماتيك يا باشا؟

المهندس منسي : والله في نوعين، في النوع المدور عامله ، وفي نوع على المربع بتعمل 1

العميل : طب في نقطة بس، أنا عندي جراكن 20 والجراكن اللي هي بتشيل 4 كيلو واللتر

المهندس منسي : آه

العميل : وعندي عبوات اللي هي بتاعت المعجون بردك بلاستيك، اللي هي الـ 20 الكبيرة…

المهندس منسي : أنا يلزمني إني أشوف صور الحاجات أو الحاجات دي لايف، يعني أمسكها بإيدي

العميل : أنا أجيبها لحضرتك الحاجة معايا

المهندس منسي : تيجي تنورني في أي وقت

العميل : إمتى حضرتك؟ الأسبوع الجاي إن شاء الله على يوم الاثنين كده أكلم حضرتك؟

المهندس منسي : عادي مافيش مشكلة، أنا ببقى موجود….

العميل : على نفس رقم الواتس دا

المهندس منسي : لأ هبعتلك العنوان في رسالة حالاً

العميل : ماشي يا باشا تمام.. تمام، حضرتك بتعملي الاستيكر بردك عند حضرتك وكل حاجة

المهندس منسي : كل حاجة

العميل : طب تمام

المهندس منسي : المكنة والاستيكر والعبوات، طالما في عالم التعبئة والتغليف يبقى في مجالنا

العميل : يعني ألاقي عندك جراكن؟

المهندس منسي : كله.. كله.. كله

العميل : طب أنا عاوز أشوف الجراكن اللي عند حضرتك يمكن بردك مميزة

المهندس منسي : إحنا بالنسبة لنا بنهتم بخصوصية العميل، إحنا بنحاول بقدر الإمكان نطور العميل، نخلي العميل درجة أولى، درجة أولى يعني لازم في منظمة شركة كبيرة، إحنا كشركة لينا رسالة، رسالتنا بتقول أنا أحط الصغير جنب الكبير وعليه إن يثبت نفسه، طب للكبير أنا مش حاقد على الكبير، ولكن الكبير أنا هطوره وهخليه أجود وأجود

العميل : فهمت حضرتك فهمت..

المهندس منسي : فهمتني، يعني الشركات المالت إنترناشيونال بتيجي تعمل معانا إيه؟؟ بتيجي نطورلها منتجاتها، نعلي من المنتج، نخلي المنتج يبقى زيه زي العالمي بالضبط

العميل : أيوه ما ده اللي إحنا عايزين نوصله

المهندس منسي : يعني أشوف المنتج ده ما أقدرش أفرقه إذا كان مصري ولا إيطالي ولا ألماني ولا… ولا…، أنا عايز أطلع في الصناعة المصرية في….

العميل : في العبوات.. في الشكل العام بتاع العبوة

المهندس منسي : في العبوة وفي التغليف وفي كل ما هو يشمل… هو النهاردة لما حضرتك بتيجي تشتري منتج بتشريه من المنتج الداخلي ولا بتشتريه من المنتج الخارجي؟؟؟ مش بتشوف الشكل الأول…

العميل : بشوف الشكل الأول، وإحنا الحمد لله وصلنا إن إحنا عملنا الداخلي كويس جداً بس الكومنتات بقى عندنا عايزين نضبط الشكل الخارجي

المهندس منسي : هوه ده.. هوه ده، حضرتك النهاردة لما تيجي تشتري منتج لو إنت مش مطمن لشكله مش هتتعامل معاه

العميل : أنا عايز أقولك إحنا وصلنا للداخلي 100% بينافس العالمي الحمد لله لما بييجوا يستوردوا إحنا الكواليتي بس إحنا الناس قالتلنا كومينت الخارجي بتاعك لازم بقى يبقى على أعلى مستوى برده

المهندس منسي : إن شاء الله

العميل : زي ما حضرتك ما بتقول ده إن شاء الله، أتعرف بحضرتك بس عشان…

المهندس منسي : المهندس منسي مع حضرتك

العميل : ده إحنا اتشرفنا بحضرتك، اتشرفنا يعني، ربنا يخلي حضرتك، طب ده الواتس بتاعك حضرتك؟

المهندس منسي : أكيد آه

العميل : طيب تمام أوكيه، مستني تليفون حضرتك وأنا إن شاء الله هكلمك الأسبوع الجاي ناخد معاد من حضرتك إن شاء الله

المهندس منسي : تيجي تنورني في أي وقت

العميل : نتشرف بحضرتك، اتشرفنا بحضرتك، اتفضل، سلام عليكم