رولات الاكياس اللامينيشن من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : إزيك يا باش مهندس

المهندس منسي : أهلاً وسهلاً مين معايا

العميل : مع حضرتك عماد من شركة للصناعات الغذائية

المهندس منسي : آه أهلاً وسهلاً

العميل : أهلاً بحضرتك، كنت بسأل على أكياس اللامينيشن حضرتك بتعمله طباعة؟

المهندس منسي : آه..

العميل : طب هوه حضرتك كنت عايز أعرف إزاي أعمله، المطلوب مني إيه وسعرها إيه وكده يعني؟

المهندس منسي : المطلوب من حضرتك تجبلي الديزاين وتعرف المقاسات بتاعتك، والكمية أد إيه، وتيجي تنقي الخامة اللي إنت عايزها وتاخد برايز ليست بالحاجة اللي موجودة، قائمة أسعار بالحاجة اللي إنت طلبتها

العميل : طيب هوه ممكن الكلام ده يبقى إيميلات ولا لازم آجي لحضرتك؟ أنا مطلوب مني هنا في الشركة طالبين مني مثلاً إيه يعني أسعار مبدئية يعني

المهندس منسي : ما هوه اللي مش عايز يتحرك ده ده بيقلقنا شويه إنه ما عندوش جدية يعني

العميل : للأسف إيه؟

المهندس منسي : إن مافيش جدية، ما بيحسسناش بالجدية، يعني الموضوع بالنسبة مش مهم، كون إن إحنا نقوله وراني الديزاين أو أقعد معانا شوية، يقولك لا معلش هنقضيها تليفونات يبقى ده بيحسسنا إن مافيش جدية، للأسف يعني

العميل : لا.. لا صح، أنا أشكرك على صراحتك يعني

المهندس منسي : والنهاردة بيتصل بينا في اليوم عدد كبير جداً، ومحدش بينفذ، أما اللي بيجي بنحسن بالجدية في التنفيذ، أصل صلي على النبي، أنا محتاج شغلانة، يعني إنت دلوقتي لو محتاج قميص أو تيشرت هتروح متصل بيه تقوله ابعتلي التيشيرت ما إنت هتنزل عشان خاطر تتفرج وتجيب

العميل : صحيح

المهندس منسي : مضبوط يا ريس

العميل : صحيح.. صحيح.. طيب أنا هجهز الديزاين معايا والمقاسات هجزها سهلة، الخامة بقى نوع الخامة إيه عند حضرتك، يعني أنا دلوقتي….

المهندس منسي : كل خامات التغليف أديش ما بدك، كل خامات التغليف بدون استثناء، إحنا رواد في المجال، لو خامة نقصت عندنا….

العميل : أنا بكلم حضرتك وأنا عارف… أنا ما قابلتش حضرتك لحد دلوقتي بس أنا عارف من قبل ما قابل حضرتك يعني

المهندس منسي : الحمد لله

العميل : من كلام حضرتك نفسي أعرف حضرتك يعني

المهندس منسي : لا تحت أمرك

العميل : فحضرتك يعني معرفتك سابقة من غير ما تعرف نفسك يعني

المهندس منسي : الله يبارك لك يا غالي

العميل : الله يخليك، طيب أنا برده عشان أكون صريح إحنا عايزين حاجة برده ما تبقاش عالية، لأنه اللامينيشن تقريباً بتبقى طباعته غالية أو الخامة بتاعته بتبقى غالية مش عارف

المهندس منسي : ما تقلقش، إنت عايزها سادة ولا مطبوعة؟

العميل : لا مطبوعة

المهندس منسي : لا حضرتك شرفنا وإن شاء الله خير

العميل : شفت حضرتك الكيس اللي هي الطباعة اللي هي….

المهندس منسي : أنا هقول لحضرتك يا أستاذ، شوف صلي على النبي، العملية لازم تعمل طباعة عالية ولازم تعمل جودة عالية، لأن إنت العميل ما شفش المنتج اللي جوه، شاف الطباعة بتاعتك

العميل : آه…

المهندس منسي : هوه العميل شاف المنتج اللي جوه شكله إيه؟؟

العميل : آه صح ده له تأثير برده

المهندس منسي : ولكن شاف الطباعة بتاعته

العميل : صح تمام….

المهندس منسي : يعني حضرتك لما تركب العربية إنت جربتها، إنت شفت جودتها من بره قلت أنا عايز أشتري عربية زي دي، مضبوط ولا مش مضبوط، نفس العملية بالنسبة للمنتج اللي العميل بشتريه، العميل بيشوف المنتج من بره بطباعته بجودته، بيبدأ يشتريه، بعد ما يشتريه يبدأ يحكم عليه، المنتج جيد ولا مش جيد

العميل : صح.. تمام.. صح

المهندس منسي : ماشي يا غالي

العميل : طيب ماشي أشكرك برده أنا لو كده هاجي لحضرتك، أنا عارف المكان عموماً

المهندس منسي : ماشي يا غالي

العميل : اتشرفت بمعرفة حضرتك والله

المهندس منسي : الله يبارك لك

العميل : الله يخليك، اتفضل يا باشا مع السلامة

المهندس منسي : مع السلامة