رولات البلاستيك شرينك من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة المهندس
المهندس منسي: أيوه
العميل: حضرتك بتعملوا الرولات البلاستيك اللي بتتعمل شرينك؟
المهندس منسي: إن شاء الله
العميل: اللي هي بتتشفط بالهوا السخن، بيبقى رول مقفول
ما هوه الشرينك بيتشرنك، بينكمش، إنما اللي بتشفط بالهوا السخن دوت ده حاجة تانية
العميل: أيوه.. أيوه…
المهندس منسي:أما الشرينك ده بيتشرنك، فبينكمش على المنتج
العميل: آه أنا بتكلم على اللي بينكمش على المنتج
المهندس منسي: آه…
العميل: واخد بالك أنا عندي خط إنتاج مصنع سيراميك وكنت بدور على رولات شرينك
المهندس منسي: مصنع إيه؟
العميل: سيراميك
المهندس منسي: آه أهلاً بيك
العميل: أهلاً بيك، فجبت النمرة بتاعت حضرتك من على النت دلوقتي
المهندس منسي: آه شركة إيه يا فندم؟
العميل: شريكة سيراميك فيردي، المصنع بتاعنا في العين السخنة
المهندس منسي: أهلاً وسهلاً
العميل: إنت مكانكم فين؟ في أكتوبر؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: آه… طب إنتم اشتغلتم مع مصانع بتاعت سيراميك بتعملولها الشرينك ده
المهندس منسي: هوه إحنا حوالي 20 واحد مبيعات، فأنا مش مبيعات، أنا كل اللي عليا إن أنا أرد على استفسار حضرتك وبعد كده حضرتك….
العميل: آه.. طب اديني المبيعات أستأذنك تليفون المبيعات أو حاجة، أو حد من المبيعات
المهندس منسي: وبعدين هوه إنت ما تعرفش شركة المهندس منسي؟
العميل: إيه؟؟
المهندس منسي: إحنا شركة كبيرة، شركة عملاقة، يعني شركة…
العميل: لا صدقني لا… أنا أول مرة…
المهندس منسي: كون إن حضرتك تلجأ لينا معناها إن خلاص انتهى الموضوع، إحنا لو قادرين إن إحنا نعملها بالتأكيد هنعملها، لو مش قادرين هنقولك ما تنفعش
العميل: ربنا يبارك فيك يا حبيبي، ربنا يبارك فيك، الله يخليك
المهندس منسي: هبعتلك أنا المبيعات دلوقتي
العميل: تليفون حد ولا حد هيتصل بيا
المهندس منسي: هبعتهولك في رسالة حالاً
العميل: طب يا حبيبي أنا شاكر أفضالك، شاكر جداً، مع السلامة
