رولات البي في سي بجميع أنواعها من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : لو سمحت عايز أسأل على الرولات الـ بي في سي اللي لونها أزرق بتاعت التغليف

مهندس منسي : آه

العميل : دي بقى بتتباع بالرول ولا إيه؟

مهندس منسي : بتتباع بالرول آه، هوه إنت عايزها تغلف إيه؟

العميل : هو أنا عايز أغلف حاجات كده زي دوا، بس هي مدهونة فرن وكده، فأنا عايز أغلفها عشان خاطر هي لسه هتتركب في حاجة تانية تتركب وكده، فيعني عشان الخدش والبصمات والحاجات دي يعني

مهندس منسي : تغليف شرينك

العميل : إيه؟

مهندس منسي : تغليف شرينك، يعني حضرتك هتغلفها تغليف شرينك عشان خاطر تحميها من البصمات والتجريح والحاجات دي

العميل : أيوه الله ينور عليك

مهندس منسي : موجودة آه

العميل : طب دي أنا اللي بجيب الرول وأنا اللي بجيب المكنة من بره ؟!

مهندس منسي : عادي ممكن تاخد الرول من عندنا وممكن تجيب إنت الرول مافيش مشكلة

العميل : آه.. يعني حضرتك بتبيع الرولات بس؟

مهندس منسي : ببيع الرولات والمكنة

العميل : طب المكنة دي بتاعتها فيها مكبس يعني، بتحط فيها الحاجة وهو بيكبسها؟

مهندس منسي : لأ بيبقى حاجة اسمها مكنة تغليف شرينك، دي بتحط المنتج بتاعك في تيوب كده زي قميص وتروح مدخلها في المكنة، المكنة تروح شفطه.. تروح مخليا البلاستيك ينكمش على المنتج ويبقى حته واحد في المنتج، أول ما إنت تيجي عايز تستخدمه تروح حايش البلاستيك كده من على المنتج يبقى.. يظهرلك المنتج بعد التقشير

العميل : آآآآه… طب حضرتك ما تعرفش تفصلي لو… يعني أنا ما عنديش مكنة مثلاً، لو اشتريت الرول مش هعرف أعمل بيه حاجة صح؟

مهندس منسي : لأ اشتري المكنة، أصل هي رخيصة مش غالية، بـ ، يعني 4800 جنيه 5000 جنيه كده يعني

العميل : آه.. لكن من غير المكنة حضرتك ما تشتغلش زي المكابس أنا أجيبلك الشغل وإنت تغلفه

مهندس منسي : لأ ما هو أنا ببيع المكن ليك وإنت بتتعامل، لأنه أساساً إحنا لو كل واحد غلفنا له إحنا ما نعرفش كل واحد أسلوبه إيه في تغليفه، يعني إنت مثلاً ممكن ياخده الحاجة بتاعتك، ما هم ما يعرفوش، همه بيغلفوا وبس، يجرحوهالك قبل ما يتغلفوا، إنت بالنسبة أفضل لك إنك تغلف على أساس إنت عارف شغلتك هتتغلف إزاي

العميل : تمام.. آه

مهندس منسي : تتعامل معاها إزاي يعني

العميل : صح.. طب آخر نقطة معلش، أنا دولقتي أنا لو جيبت الرول من غير المكنة، ينفع أغلف بيه ولا ملوش لازمة؟

مهندس منسي : لأ مالوش لازمة

العميل : آه تمام، لازم المكنة بتاعته

مهندس منسي : آه لازم المكنة، ما هو إنت هتجيب الرول وهتعمل إيه؟؟ هتلفه عليه وبس

العميل : أيوه.. أيوه.. صح

مهندس منسي : إنما لو عايز رولات وتاخدها تلفها وبس كده وبعد كده تلصقها بسلوتيب تعالى خد رولات براحتك

العميل : ده بكام بقى الرول؟

مهندس منسي : يعني في أنواع كتيرة قوي في حاجات…

العميل : هوه فكرته كده زي الاسترتيش الشفاف صح

مهندس منسي : آه.. فكرته كده، بس دي حاجة برده غير صناعية، أصل النهاردة لو إنت عندك مكنتك وعندك شغلك وبتطلع الشغل كده بنظافة على الأقل بتكسب ثقة العميل إنه يرجعلك تاني

العميل : أكيد طبعاً، خلاص ماشي متشكر جداً

مهندس منسي : سلام