رولات تغليف الاثاث من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : لو سمحت أنا عايز أسأل على تغليف العفش ، عايزه أغلفه وكده؟

المهندس منسي : تغليف إيه؟؟؟

العميل : العفش

المهندس منسي : مش سامع حضرتك كويس

العميل : عايزه أغلف العفش عايزين يعني احنا مسافرين عايزين نغلفه

المهندس منسي : العفش …

العميل : العفش بتاعنا الاوض

المهندس منسي : آه اوض النوم وكده

العميل : آه أيوه

المهندس منسي : إحنا مش شركة تغليف عفش ولكن إحنا بنقدم الخامة اللي ممكن تغلفي بيها العفش هوه أنا هغلفه لمدة سنة بس مش أكتر عادي مافيش مشكلة بصي يا سيتي إحنا عندنا الخامات تغليف، يعني الورق اللي بتلفي بيه العفش بتاعك

العميل : هوه الورق ده بيبقى عبارة عن إيه؟

المهندس منسي : بيبقى عبارة عن بولي  إستر على ألومنيا على بولي إيثيلين، واخدة بالك

العميل : أيوه

المهندس منسي : خامات بيبقى فيها ألومنيا عشان خاطر النور لما يخش ما يبوظلكيش الصبغة

العميل : أيوه صح

المهندس منسي : يعني يقفل النور خالص عن العفش بحيث إنك لو حطيتيه في النور أو إضاءة أو أي حاجة اللون بتاع العفش ما يتغيرش

العميل : طيب لو أنا غلفت مثلاً همه 6 اوض بالمطبخ هوه بيستهلك أد إيه وبكام يعني؟

المهندس منسي : يعني ممكن تاخديلك مثلاً 200 كيلو ولا 300 كيلو، ممكن 300 كيلو

العميل : بكام؟

المهندس منسي : الكيلو يبقى عامل في حدود 6 جنيه

العميل : وإنت قلت حضرتك كام كيلو؟

المهندس منسي : خديلك 200 كيلو على أد… آه خدي 200 كيلو…

العميل : لو أنا خدته منك أعرف أغلفه أنا؟

المهندس منسي : آه طبعاً

العميل : بدل ما أجيب حد مثلاً

المهندس منسي : آه طبعاً ممكن تغلفي إنتي ومعاك حد من نسيبك أختك…

العميل : آه.. آه.. ولادي هنا والجيران ربنا يخليك، طيب لما بيتغلف بيتلصق بحاجة ولا أنا أديله يلصق نفسه

المهندس منسي : لأ بصي يا سيتي بعد ما بتخلصي آخر الطرف بتجيبي حتة سيلوتب وتروحي لاصقاها

العميل : بس كده

المهندس منسي : بس كده آه تيجي بعد سنة، بعد سنتين، بعد 20 سنة تفتحي كأنك لسه لفاه إمبارح، ليه بقى؟

العميل : في مواد بتتحط ولا حاجة؟

المهندس منسي : ولا أي حاجة، هوه الورق ده بيعمل كل حاجة

العميل : أيوه آه… خلاص ماشي حضرتك هقول للجماعة هنا وشوف هيقولوا إيه وهرن عليك

المهندس منسي : ده إنتي ممكن بعد كده كمان في البلد تقولي لكل الناس اللي عايز يغلف العفش بتاعه أغلفهوله أنا،على فكرة لو إحنا عرفنا نعمل الموضوع ده هنعملك إعلان كويس قوي، والله

المهندس منسي : هوه إنتي منين؟

العميل : إحنا من زفتى؟

المهندس منسي : أنا من ميت غمر أساساً من قرية تبع ميت غمر اسمها ميت مسعود

العميل : أهلاً وسهلاً، وطب إنت في ميت غمر حالياً ولا فين دلوقتي؟

المهندس منسي : لا ده أنا جيت خلصت الجامعة هنا فتجوزت وعيشت هنا أيوه.. العميل : آه… إنت من ساعة ما قلتلي إنك من ميت غمر ده كأني لقيت لقية، ده أنا كل ما أكلم واحد من القاهرة من القاهرة…

المهندس منسي : لأ هوه أنا أساساً من ميت غمر من قرية تبع ميت غمر، فجيت أخلص الجامعة في جامعة القاهرة هنا فتجوزت بقى هنا وعشت هنا

العميل : ربنا يوفقك يا رب

المهندس منسي : الله يبارك لك

العميل : ربنا يوفقك يا رب

المهندس منسي : الله يبارك لك

العميل : طيب هعرف أعمله يعني

المهندس منسي : هتعرفي تعمليه وهيبقى زي الفل

العميل : بإذن الله.. بإذن الله، هقولهم كده وهرد على حضرتك

المهندس منسي : تحت أمرك يا ست الكل

العميل : ربنا يخليك يا رب، ألف سلامة

المهندس منسي : ماشي يا سيتي مع السلامة

العميل : الله يسلمك