رولات شرينك مقدمة من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إزيك يا باشا عامل إيه معاك مصطفى عصام
المهندس منسي : أهلاً بيك
العميل : لو سمحت كنت عايز أسأل على شرينك الرول اللي عامل زي القطرة كده
المهندس منسي : آه.. حضرتك ابعتلنا الإزازة عشان نرفع مقاساتها ونشوف الخامة اللي إنت عايزها إيه بالضبط
العميل : طيب أقابلك فين ولا….
المهندس منسي : هبعتلك العنوان في رسالة كلم المبيعات وتعامل معاهم
العميل : خلاص تمام… أبعت إزازة ولا أبعت إيه؟
المهندس منسي : آه هتجيب إزازة معاك وتختار الخامة اللي هتعجبك وهمه هيسعروهالك
العميل : موجود عندك فين المكان فين؟
المهندس منسي : إحنا عندنا حدائق القبة، مدينة نصر، باب الشعرية هوه إنت عايز تغلفها كلها ولا الرقبة بس؟
العميل : مش عارف لسة يا كده يا كده، مش متأكد
المهندس منسي : لا لازم تحدد قبل ما تيجي، وتشوف الكمية اللي عايزها أد إيه؟ إنت عايز كمية أد إيه؟
العميل : خلاص ماشي…مش متأكد برده يعني بس…
المهندس منسي : دي نقط لازم تحددها قبل ما تيجي
العميل : الرقبة يا كله، والكمية…
المهندس منسي : آه تحدد الكمية اللي إنت عايزها أد إيه؟ وتشوف إنت هتعمل إيه؟؟ طب إحنا هنحط أسعار وهنتفق على إيه؟؟؟ هنتفق على حاجات إنت مش عارفها، طب هنتفق عليها إزاي مش فاهم يعني؟؟!!!!!!!!!
العميل : لأ قصدي نجيلك يعني نشوف الدنيا فيها إيه؟
المهندس منسي : آه تعالى بقى للمبيعات هبعتلك العنوان في رسالة حالاً
العميل : طب ابعتلي عنوان مدينة نصر، أنا ساكن في مدينة نصر
المهندس منسي : هبعتلك باب الشعرية عشان خاطر هنا 3، إنما هنا واحد بس
العميل : طيب تمام
المهندس منسي : مع السلامة
