رولات ومقص تقطيع الورق من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : كيف حالك يا أخي

المهندس منسي : الحمد لله

العميل : معاك صالح

المهندس منسي : أهلاً بيك

العميل : مين معايا؟

المهندس منسي : المهندس منسي

العميل : يا منسي يا حبيبي، إن شاء الله

المهندس منسي : الله يبارك لك يا رب

العميل : بقولك أنا يا أخي عندي مشروع في السعودية ورق، بس أنا عايز أجيب الرول نفسه جاهزة عرفت، عاوز أجيب الرول وأجيب ماكينة تقطيع

المهندس منسي : مكنة تقطع الرول ده

العميل : أيوه… هادي المكنة هادي هي تغلف ولا بس تقطيع؟

المهندس منسي : هوه حضرتك عايز تستخدم الرول ده في إيه؟

العميل : في الأوراق هادي الإيه فور

المهندس منسي : آه.. آه.. لأ مكنة التقطيع لوحدها ومكنة التغليف لوحدها، ولكن ممكن نعمل دمج للـ 2، يعني مثلاً جيبنا الرول، وبعد ما جيبنا الرول جبنا مقص شيدر عشان يقطع، بعد ما قطعنا ممكن نعمل سير بين دي وبين دي يخش على المكنة التانية

العميل : طب المكاين هادي إيش صناعتها يعني؟

المهندس منسي : براحتك، ده مكنة بنعملها بالطلب

العميل : من فين بتجيبوها يعني؟

المهندس منسي : ما هو إحنا لينا إن إحنا نستورد من أي بلد في العالم، يعني إنت اللي بتطلب…

العميل : يعني إنت بخبرتك يعني

المهندس منسي : يعني إحنا عن نفسنا بالنسبة لنا بنعمل إيه؟؟؟ بنرسم المكنة وبنرسم قطع الغيار ونعمل الديزاين ونبعته للبلاد اللي هي هتريحنا في التعامل مع الجودة العالية، بصراحة أفضل بلد لغاية معانا هي الصين في تصنيع قطع الغيار، بيعملوا لنا بالطلب اللي إحنا عايزينه، عايزين الجودة العالية، بيعملوها لنا، عايزين الجودة المتوسطة، بيعملوها

العميل : طيب يا منسي، طب بالنسبة لصيانتها لو خربت أو كده؟

المهندس منسي : إحنا اللي عاملنها، طالما إحنا اللي عاملنها يبقى صيانتها إيه بقى، أصل إحنا مش تجار…

العميل : إزاي إنتم اللي عاملينها يعني؟

المهندس منسي : دلوقتي أنا بصممها وبعد ما صممتها بعد أصنع قطع الغيار بعد ما صنعت قطع الغيار خلاص يبقى إنت اللي عاملها، إنت اللي راسم، إنت المهندس اللي رسم العمارة، فعارف مداخلها ومخارجها وعارف كل طوبة فيها اتحطت إزاي

العميل : يعني تقريبي هتكلف كام؟

المهندس منسي : لأ التكلفة دي بقى نبدأ بقى إيه…. حضرتك تيجي تشرفنا بالزيارة لأنه مشروع مش قليل، مشروع كبير، حضرتك تيجي تشرفنا بالزيارة ونقعد مع بعض ونحسب التكلفة، ولكن مبدئياً سعر المقص ممكن يتكلف في حدود 1

العميل : أيوه… لأ كله ماكينة القص والتغليف

المهندس منسي : آه دي بقى حضرتك تيجي تحسسنا بالجدية كده وتيجي تشرفنا بالزيارة نقعد مع بعض نحسبها ونشوف التكلفة بتاعتها كام

العميل : طب هي هتيجي عندكم ولا تيجي عندي على طول؟

المهندس منسي : وات إيفر، براحتك، لو إنت عايزها تيجي عندنا مافيش مشكلة، لو إنت عايزها تيجي عندك برده مافيش مشكلة، إحنا مسئولين في الحالتين، بس الأفضل إن هي تيجي عندنا عشان تيجي تستلم وتتدرب عليها، ده الأفضل

العميل : آها… شغلانة، تيجي عندكم… لا ما يجيي واحد من عندكم يقعد هنا يدربني يعني، ساكن وراتبه وكل حاجة، وقت التشغيل يكون موجود

المهندس منسي : مافيش مشكلة دي أو دي مافيش مشكلة، ولكن أنا زي ما بقولك الأفضل إن حضرتك تيجي أثناء تجميع المكنة كمان، يعني وإحنا بنجمعها تشوفنا وإحنا بنركبها ونجمعها وبعد ما نجمعها نقولك أهوه يا الله نشغل

العميل : بس أنا شفت في النت إن لما تيجي بتيجي جاهزة من الصين

المهندس منسي : ما هو إحنا بقى مش بتوع الجاهزة دي، إحنا مش بتوع المكن الجاهز، إحنا بنصع المكن لحسابنا، يعني إحنا اللي بنرسم الديزاين وبعدين نروح عملينوا، أما أروح أجيب مكن من الصين ونيجي نتاجر فيهم دي مش شغلتي، أنا مش تاجر أنا مهندس مصنع مبتكر مبدع

العميل : أيوه.. أيوه، طيب خليني كيف التركيب وكيف التسليم خلال كام تكون موجودة هنا؟

المهندس منسي : يعني ما تقلقش خلال 21 يوم ما تقلقش

العميل : طيب خليني أنزلك إن شاء الله ونتقابل، إنت ساكن فين؟

المهندس منسي : أنا في القاهرة، حضرتك منين في السعودية؟

العميل : من الخبرا

المهندس منسي : قريبة من الدمام؟

العميل : 20 كم

المهندس منسي : في عندكم بقى منطقة صناعية؟

العميل : أيوه.. أيوه أنا حاصل في المنطقة الصناعية، في الجبيل أنا حاصل في الجبيل

المهندس منسي : لو عايز آخد مكان عندكم في المنطقة الصناعية يبقى إيه الإجراءات وإيه الشروط وكده؟

العميل : والله أنا مو اعرف بالظبط

المهندس منسي : إيه؟

العميل : إيش المشروع اللي عندك وأنا أطلعلك مكان؟

المهندس منسي : تصنيع آلات ومعدات

العميل : آلات إيه ومعدات إيه؟

المهندس منسي : آلات صناعية ومعدات صناعية

العميل : يا أخي أرسلي بروفيل….

المهندس منسي : إنت لو كتبت المهندس منسي على النت هتلاقي كل الآلات اللي أنا بنصنعها

العميل : أها…طيب خليني أدخل أنا بقدر أطلعلك

المهندس منسي : تطلعلي إيه؟

العميل : أرض ورشة صناعية

المهندس منسي : آه أنا عايز أخش مستثمر، مش عايز أخش شركة عادية، عايز أخش شركة مستثمر

العميل : أيوه.. أيوه.. أدخلك مستثمر

المهندس منسي : ماشي طب يا الله يا مسهل يا رب، على الله ما يكونش كلام وبس يا عم صالح قول يا رب

العميل : يا رب يا مسهل يا رب بس أنا على أساس أبغى أشوف المكاين وإيش كده…

المهندس منسي : كل المعدات الصناعية، ولكن في عندنا في المعدات الصناعية اللي في التعبئة والتغليف لينا 40 مكنة دول بقوا ماركتنا، يعني ماركة مسجلة مش في مصر بس، ماركة مسجلة على مستوى العالم، يعني…. اتفضل

العميل : طيب يا حبيبي منسي الحين لو طلبت دراسة جدوى

المهندس منسي : آه نعمل عادي

العميل : فاهم إنت

المهندس منسي : أنا بعمل دراسات جدوى

العميل : يعني إعملي دراسة جدوى عبال ما تجهزها أكون جيت أنا

المهندس منسي : ماشي تيجي تنورني بدل الواتس

العميل : إيه رأيك؟

المهندس منسي : ماشي تحت الأمر يا غالي

العميل : هي المشروع إنت عارف هيجب الرول أنا وعايز الماكينة بس تغلف فقط

المهندس منسي : إن شاء الله

العميل : إمتى هتبدأ؟

المهندس منسي : أنا شغال ما تقلقش هبدألك فيها حاضر

العميل : ابدألي ومتى خلصت أعطيني خبر 3 ـ 4 أيام أكون نازلك

المهندس منسي : ماشي يا غالي

العميل : ومنها نشوف الماكينات هادي وأدرس الموضوع

المهندس منسي : إن شاء الله

العميل : الله يبارك لك

المهندس منسي : ماشي يا باشا

العميل : خلاص بكلمك بعد شوي

المهندس منسي : ماشي

العميل : إيه سويت في الدراسة

المهندس منسي :  ده هي تاخد أسبوع

العميل : والله

المهندس منسي :  أمال إيه

العميل : طيب عشان لما آجي تكون مجهز أوراقك كاملة

المهندس منسي :  ماشي

العميل : طيب حبيبي

المهندس منسي :  ماشي يا فندم

العميل : الله يعطيك العافية

المهندس منسي :  سألتلنا في موضوع الأراضي الصناعية اللي عندكم؟

العميل : لازم إنت أول حاجة تجهز أوراقك كاملة

المهندس منسي :  آه

العميل : وبعدين أجيك أنا نتفاهم على كل حاجة وآخد منك الأوراق، لأني أنا بحطك في الجبير الصناعية، أكبر منطقة صناعية في السعودية

المهندس منسي :  اسمها الجبير؟

العميل : آه ادخل على النت اكتب الجبير الصناعية

المهندس منسي :  آه… دي بقى بتقع في الخبر ولا تقع في الدمام؟

العميل : في الجبيل

المهندس منسي :  هي الجبير دي بعيد عن الخبر؟

العميل : 80 كم

المهندس منسي :  آه.. من ناحية إيه من ناحية البحرين ولا من ناحية السعودية؟

العميل : لا من ناحية الكويت

المهندس منسي :  آه… أنا بدور على منطقة تكون قريبة من البحرين ومن دول الخليج يعني، بعدين الدمام بينها وبين البحرين 30 كم

العميل : هادي بينها وبين البحرين 80 كم، أكبر مدينة صناعية في الشرق الأوسط

المهندس منسي :  آه… اسمها منطقة الجبير

العميل : الجبيل باللام الصناعية

المهندس منسي :  آه.. آه..

العميل : تسمع عن شركات ثابت

المهندس منسي :  آه عارفها آه

العميل : وآرامكو.. كلها هناك

المهندس منسي :  آه…

العميل : الدمام مناطق صناعية خفيفة، إنت ادخل على النت اكتب الجبيل الصناعية

المهندس منسي :  أنا بدور بس على مناطق صناعية تكون قريبة من البحرين ومن دول الخليج، مش…

العميل : البحرين…. إنت فين… الجيبل فين؟

المهندس منسي :  ما أنا معرفهاش

العميل : الجبيل تبعد عن الخبر 80 كم، إنت داخل السعودية جنب الخبر، أكبر مدينة صناعية

المهندس منسي :  يعني هي أقرب لدول الخليج من الدمام؟

العميل : أقرب لإيش يا فندم هي دول الخليج إنت فين في أفريقيا؟

المهندس منسي :  أنا في أفريقيا آه

العميل : هي الجبيل هنا في السعودية، شرق السعودية جنب الخبر والدمام

المهندس منسي :  آه.. آه… هبص كده واتفحصها حاضر

العميل : يا الله حبيبي

المهندس منسي :  ماشي مع السلامة